JEREMIAH 50:18 - Cho Bible Common Language 2016

¹⁸ Acun ah phäh ah kei, m’gäi ciah Bawipa, Israel khanpughi naw ghangpughang Nebukhadnezzar la a khopäng cu Assirian uktu bawi ka m’kyuk ah mäih ah ka m’kyuk khai.

JEREMIAH 50:18 Referans Kwoze

ISAIAH 10:12

Cun ung phi Bawipa naw a pyen cu, “Kei naw Zion M’htung la Jerusalem ah khan ah ka bi cu ang pyi ah a kyak ung, kei naw Assiria ghangpughang cu a khähghah nak avan la chang ah ang shei nak avan ah phäh ah ka m’kyuk khai nei” cik ci.

JEREMIAH 46:10

Shin cu m’gäi ciah uktu Bawipa ah hnüüp ah kyak ci nei; tuh ngawi ani naw phu tuk khai; tuh ngawi ani naw aga gui m’kyuk khai nei. Ani ah khimsen naw abe güt ung ei gui khai, a kyä güt ah ami si aw gui khai nei. Tuh ngawi m’gäi ci naw a ghuh ng’tha nak vai awn khawihnah ci nei. Asiip täng Euphratis ung ah kyak ci nei.

NAHUM 3:7

Ning hmuk ci gui phung Ng’thüng ne ng’hlat khai gui. Ngami naw Nineveh cu “Di ne ng’yän pyi ci nei” Cik khai gui. Ani m’gein khai a u om khai ang? Ani m’htei khai a u om khai ang?

NAHUM 3:18

Assirian ghangpughang, na bawi gui cu sik ci gui, na mang gui cu kä tho ba ne ip ci gui, na chang gui cu khomhtung ah püi yawp ci gui, ngami ami im ah law püi ba gui khai a u kä om ci.

THULÄÄN NAK 32:41

kei naw tuilet ciah ka khim kak tah khai, taga ciah bilawh cu hmuh vai. Kei naw ka ga gui ah khan ah phu ka tuk khai. Na thüi nak ci gui cu kam kyuk khai.

JEREMIAH 27:7

Chang pakhui avan naw ani ah bii bik khai gui, ani ah pakhui angkiak nak vai kä a gawk law pha ah chuih, ani ah hta la atu gui ah bii cu ngami naw bik khai gui. Cun kawn ah ani ah pakhui naw huham mah ciah pakhui la dämduh ciah ghangpughang ah bii cu bik khai gui.

HABAKKUK 2:8

Nangmi naw changpakhui akda nami guttep ci, tuhbäi om ba ci gui naw ning guttep tuba gui khai gui. Chang nami ngawn ah phäh la m’dek chang gui hnungtuk püi ne ami mang gaw gui nami m’shet ah phäh ah ning ci tuba gui khai gui.