JEREMIAH 50:12 - Cho Bible Common Language 2016

¹² cun ung phi damduh ciah nami mang gaw cu a thang she sei thui ng’a khai nei. Babilonia cu avim ung ak zaw pikbäih pakhui ah kyak khai nei; cun cu chawng ne tui kä om ciah khong gau ah kyak khai nei.

JEREMIAH 50:12 Referans Kwoze

JEREMIAH 51:43

Gawnu gui cu ten gung kyihkyawk vai ah kya u ne, a u naw kä a om nak, hteh phi a u naw kä a hteh nak ah tui kä om ciah bung ah kiakk ci nei.

THU PHLAAN 17:5

Ani ah amcalai ung, “Khaw ah kaa ung shemshai ne pletbeng ci gui ah nu, Babilon gawnu” cine thuuk ciah ng’thu awn ami guk ah kiak ci.

KALATIAN 4:26

Cun ung phi Khanmawpi ah Jerusalem cu, ng’päiye nak ah kya ne, mi nu ah kyak ci.

JEREMIAH 49:2

Cun ung phi mang gaw tung Rabbah ung om ciah chang gui naw ng’tuk nak ah k’aw ami ng’yak vai ah kei naw bi nak vai ah akhin cu gawk lawk ci nei, cun cu m’di neta, pigaw hta gui cu mei awn m’khih m’deih vai nei. Cun kawn ah Israel gui naw lak pe gui te ciah chang gui ah ka ami khaw cu la ba khai gui nei.

JEREMIAH 25:12

Cun khawn ah Babilonia la a ghangpughang cu ami kat ah phäh ah kei naw ka m’kyuk gui khai. Kei naw cun ah khopäng cu m’di ne angtäi ah di khai ah ka nawng khai.

ISAIAH 23:13

(Tire gawnu khisa gui naw ami lum nak vaiah ci kci cu Assirian gui ah kä kyak ci, Babilonian gui nei. Khoainaktänghän co u ne, Tire mang gaw pang gui phye ne, mang gaw m’di ne hteh tak ci gui cu Babilonian gui nei.)

ISAIAH 14:22

M’gäi ciah Bawipa naw a pyen cu, “Kei naw Babilon cu tu ne ka m’di khai. A u phi kä ka k’pawih nak khai — a u ak hmaw, a u phi kä k’pawih khai. Kei, Bawipa naw thu ka pyen ci nei.

JEREMIAH 12:14

Bawipa naw pyen ci, “ka chang Israel gui am ka pek gui ah khaw m’di ci gui ah Israel gui ah pei leng ah ka gui am kei naw ka pyen nak gui vai amawng om ci. Sing ghing ang yung ah mawih ah mäih ah cun ah changshe gui cu kei naw ami khaw ungka ka la gui khai, kei naw Judah gui cu ngami ungka ka gung gui khai.

JEREMIAH 15:9

A hta chih maih ciah nu nu cu ng’gäih pyi ci nei, ang ghi kä ng’täi ba ci nei. Ani ah khok dei cu mühmüp ah ng’hlat ci nei; ani cu thüisei ne amlung kyong na pyi ci nei. Ghing ba shut ciah cun ah nangmi cu nami ga gui am ka ning ngawn sak gui khai nei. Kei, Bawipa naw ka pyen nei.”

JEREMIAH 22:6

“Kei ah phäh ah Judah mang im cu Kilead khaw la Lebanon m’htung ah mäih ah kyom ci nei; cun ung phi cun cu a u naw kä aom nak ah kyak khai ah kakei sak khai nei.

JEREMIAH 51:47

Cun ah kyasei Babilonia ung agup gui kei naw ka ng’thumcha nak vai ah akhin cu gawk lawk ci nei. Khopäng avan cu lü ng’aa sak ne, a chang avan cu ngawn gui khai gui nei.