JEREMIAH 50:11 - Cho Bible Common Language 2016

¹¹ Bawipa naw pyen ci, “Babilonia chang gui, kei ah ka pakhui cu nami na gut ci nei. Nangmi cu htang leh ciah seipat ah mäih, hi ciah ng’se ah mäih ah nami yeikyai ci,

JEREMIAH 50:11 Referans Kwoze

ISAIAH 47:6

Kei cu ka chang gui ah khan ah ka m’lungshe te ci; ka mät ah kä chang gui ah mäih ah ka om püi gui te ci; Nang ah huham ah ka ah ka tha gui te ci, Cun ung phi nang naw kä na chimgein gui ci, aghipa gui phi akghatah na om püi gui ci.

ZEKHARIAH 14:12

Bawipa naw Jerusalem ng’tuk püi ciah pakhui avan ah khan ah kyih vai ah leigai chah lawk khai. Ghing ne ami om yah ung ami sa cu thuk khai; ami mik la ami m’lei phi thu yawp khai.

OBADIAH 1:12

Judah khaw ah na mätyah gui ah ng’yoyaw nak cu kä na teng hlü vai. Ngami ah di nak ah hnüüp ung nang cu kä na yeikyai vai. Ngami ah cümbawng ah phäh ah kä na gaih vai.

AMOS 4:1

Shin cu ngai vä, Samaria hnumi gui, Bashan seipat nu ah plan ah mäih ah plan ciah chang gui, ak tha ken ci k’she nak ci gui, dukhaih ci yaw ynak ci gui, nami cei ah yuu nami thäh ci gui!

HOSEA 10:11

“Israel cu m’thei pyi ah seipat m’la ah mäih ah kya man ci. Gängtha ne htang leh hlü ge ciah kyak ci. Cun ung phi kei naw ani ah kyom ciah ak hnü ung thapho tai ne, bii ak ghat cu ka bi sak khai ah ka k’bäi ci. Kei naw Judah chang gui cu lai thawn sak gui ne, Israel chang gui cu m’ghaw ka mawih sak gui khai.

NG’ÄI KYAH 1:21

“Ka hlaw ng’ei nak cu ngai vä, kei na shungvong ci a u kä om ci nei. Nang naw leigai ka khan ah law püi ci sei, ka ga gui cu yeikyai aih ci gui nei. Na shaitak ah kho hnüüp cu law püi yä, ka ga gui cu kei ah mäih ah yaica sak gui ä.

JEREMIAH 50:27

Ami gakap gui avan ngawn vä! ngawn gui yawp vä! Babilonia Chang gui cu ng’ziin pyi ci gui nei!

JEREMIAH 50:17

Bawipa naw pyen ci, “Israel chang gui cu phongkawng naw gawt ne ak püi gui ah htome ah mäih ah kyak ci gui. Ak htük ung Assiria Uktubawi naw a tuk gui, cun kawn ah Babilonia ghangpughang Nebukhadnezzar naw ami guh adep gui.

JEREMIAH 46:21

Ani naw ang vah ah gakap gui cu am gein kaa ah kyak ciah seihta ah mäih ah kyak ci gui nei. Ngami cu kä ng’düi hlawt, kä ng’tu hlawt ci gui; ami van ng’hlat ne dawng ci gui. Ami ng’ziin nak ah hnüüp, ami di nak ah akhin cu gawk lawk ci nei.

JEREMIAH 5:28

Akni ei aw u ne plan sa ci gui. Akshe ah ami hnun thawh nak ung m’hnüt k’bäi nak kä om ci. Hmei hta gui am ami gah vai ah chaw kä pek ci gui, ami shedam nak gui amtaga nak kä pek ci gui.

JEREMIAH 5:8

Ngami cu ei phü neta gängtha ciah ng’se k’gäu gui ah mäih ah kya u ne, ami pei ng’leng ah ka gui ah ami chu gui cu, ng’ya hlü aih ci gui.

NG'THU K'THUUK~ 17:5

Dukhaih ci na gaih tu ung ani tuisho ciah khanpughi na kalu nak ciah kyak ci. Chang yaica nak ung agawk ah phäh ah yeikyai ciah chang cu, m’kyuk nak gah khai nei.

SAM 22:12

Gaa akda naw sei gui ah mäih ah kya ne na koi ci gui; ngami ami van naw Bashan sei nget ah mäih ah kya ne na k’fi ci gui.

THULÄÄN NAK 32:15

“Bawipa ah chang gui cu bühmang lawk ci gui, Cun ung phi kütnet ci gui. Ngami cu ei akni awn thau ne plan ci gui, Ngami naw Khanpughi tüisho gui cicu nawng ci M’gäi ciah ami Hunbawi cu hnungtuk püi ci gui.

ISAIAH 47:8

Hüithaw nak m’hni tu aih ciah chang, shin cu Ngai ä, Nang cu ng’geing sei om ne na phyawng ciah na ngai ci. Nang naw, khanpughi ah mäih ah na dämduh ci, nang ah mäih a u kä om ciah na ngai ci. Nang naw a i yah ung phi hmeinu ah kä na kyak khai ah na ngai ci. Na hta gui a maih ah phäh ah na geinvai khai ah kä na ngai ci.

JEREMIAH 12:14

Bawipa naw pyen ci, “ka chang Israel gui am ka pek gui ah khaw m’di ci gui ah Israel gui ah pei leng ah ka gui am kei naw ka pyen nak gui vai amawng om ci. Sing ghing ang yung ah mawih ah mäih ah cun ah changshe gui cu kei naw ami khaw ungka ka la gui khai, kei naw Judah gui cu ngami ungka ka gung gui khai.

JEREMIAH 46:20

Egypt cu plan ciah seipat ah mäih ah kyak ci, a siiptäng ah ka k’pi gui naw tu lawk ci gui nei.

EZEKIEL 35:15

cun cu kei, ka mät ah kaa, Israel a shiu yah ung nang na yeikyai ah mäih ah kyak ci. Seir khomhtung gui, Edom khaw avan cu shiu khai nei. Cun ung chang nü naw kei cu Bawipa ah na hmat khai.”

EZEKIEL 36:5

“Kei, uktu Bawipa naw, angveing ung pakhui gui la aktung pi ah Edom cu hnungtuk püi ne, ka m’lungshe nak ak hlüngpi awn ng’thu ka pyen ci nei. Ngami naw yeikyai nak la khokätä nak awn kei ah khaw cu tu ne khäm u ne, ka khaw la khulim khaw gui phi kaa nak ci gui nei.

HABAKKUK 1:15

Babilonian gui naw chang gui cu, nga ah mäih ah ngamkaih awn pha gui ci gui, Ngami naw ng’vai awn pha ne hlawp gui ne yei ci gui.