Biblia Todo Logo
Bib sou entènèt

- Piblisite -




JEREMIAH 5:6 - Cho Bible Common Language 2016

6 Acun ah phäh ah bung ah om ciah phong kawng naw lo gui khai; K’pyama ah om ciah hngei gui naw phyit ne k’teek gui khai. Kawng hta gui naw ami gawnu gui ung mah gui ne, chang gui akpung ah ami law ung phyit ne hlai gui khai, a i ah kyasei ci ung ngami cu ami katnak da aih ci, akhin päng päng ung Khanpughi ami ng’hlah tak ah phäh ah kyak ci.

Gade chapit la Kopi




JEREMIAH 5:6
38 Referans Kwoze  

Ami bawi gui cu m’ngawk ciah kawng ah mäih ah kyak ci gui, ami suki gui cu ei ah cawi ciah hngei ah mäih ah kyak ci gui. Ani cu sokang aih ne aguh pang phi kä nawng ne khaw thaih güt om ci.


“Ami ng’se gui cu kawng hta ah yaangkhai pi u ne, ei cawi ciah hngei ah ta nget pi ci gui nei. Ng’se cuum ci gui cu a shou nak ah kaa, ng’se awn ng’phäi lawk khai gui, ami k’se gui cu m’dek ung ng’laih khai gui. Ngami cu a i baw lo ne ei khai ah langta ah mäih ah ng’phäi lawk khai gui.


Ang thuh nak ah hmun ung ka lut lawk ciah phong kawng ah mäih ah, pakhui gui m’di khai cu lut lawk ci nei. Judah mang gaw gui cu dishum sei nawng vai nei, acun ung a u phi kä om ba khai nei.


Azozah bawi gui cu ami lawk ah khisa phyit ne k’teek ciah hnei ah mäih ah kyak ci gui. Ngami naw ami ng’mang nak vai ah chang ngawn ci gui.


A müi cu pupi kawng ah mäih law ne, a khaw gui cu khawm ah khaw ah mäih lawk ci. Am gawng cu phongkawng ah m’gawng ah mäih lawk ci. Shawk naw a hlüngtai nak, amangkiaang la m’gäi nak ah a huham cu khiküi-am ap ci.


Israel la Judah chang gui cu phongkawng ah mäih ah kia ne kei naw ka tu gui khai. Kei ka mät naw akhui pi ah kyak khai gui ah k’teek gui ne ka hteh ta gui khai. Kei naw ngami ka kaih gui ung a u naw ngami kä hun gui hlawt khai.


Kei naw ka teng sangung ahei khiküi tumat dang law ba ci. Ani cu kawnghta ah mäih lawk ci, cun ung phi a hnu täng ah ang phya phli om ci, cun cu kha ah ng’phia ah mäih ah kyak ci, ani ung alu phli om ci, cun cu huham mah ciah mäih ah kyak ci.


Lut law htük cicu phongkawng ah mäih lawk ci, hmuu ah mäih ah ang phia gui om ci. Kei naw ka teng yah ung ang phya gui cu kiawi ne kya lawk ci gui. Khiküi cu tho law ne chang ah mäih ah ng’düi ci. Cun kawn ah ani naw chang ah m’lung ngaih ah mäih cu gah ci.


Ani cu hnumi hta ah kya ne Egypt ah a om yah ung ka ah mäih ah kya gäk gäk ne, a zan ah ta ka pi n e pawmzau lawk ci.


Nang naw na kyom nak cu na ng’nai sak ci. Nang naw lawk ciah chang päng am na paumza na na ap ci, nang cu a hnüüp tä sei na pcumza law piktäi ci.


Aga gui naw näng ci gui, ngami naw ani cu ami huham awn k’pang ci gui. Bawipa naw ani cu a katnak gui avan ah phäh ah yaica sak ci. Ami hta nau gui cu khäm gui u ne ahei ah hteh püi gui ci gui.


Jordan lawng yung bungpuk sing hmu, khu m’kim ung ka lut lawk ciah phong kawng ah mäih ah kei cu law neta, Edomit gui ami khaw ungka ang ghit ah dawng khai gui ah ka ci gui khai. Cun kawn ah kei naw ka ghü ah ang vai gui naw pakhui cu uk khai gui. Kei awn m’täng vai a u om khai ang? Kei na ng’küknet püi khai a u om khai ang? A u uktu naw kei na hnungtuk püi hning khai ang?


Nami m’hni gui ami van naw ning m’hnih gui ci nei; Ngami naw nangmi cu a i ah kä ning sui ba gui ci gui. Kei naw ga ah mäih ah ka ning tu gui khai; Nangmi ning m’kyuk nak gui cu nuipai aih ci nei, a i kyasei ci ung nami cheishoh nak cu a dämduh aih ne nami hmakat nak cu da aih ci nei.


Phongkawng naw akhui anawng ah mäih ah Bawipa naw a chang gui cu nawng gui ci nei. Kyi kyawk vai kyak ciah ng’tuk nak la Bawipa ah kyih vai ah amlungshe nak naw khopäng khaw cu khong gau ah kyak sak ci nei.


Ka chang gui cu kei ah kyap lawk ci gui, “kami katnak naw ana kyuk gui ung phi, Bawipa, na shaitak ah mäih ah na m’htei gui ä. Keimi naw nang cu akda vei kami ning hlah tak ci, katnak bi ne kami ning hnungtuk püi ci.


Nami mät ah akshe naw ning m’kyuk gui khai, kei nami na ng’hlah tak nak naw ning m’kat gui khai. Bawipa nami na khanpughi nami na nawng cu a i hlawk ah kha ne a chei cu nangmi naw nami hmat lawk khai. Nangmi cu kei ung kä nami bekhüt ba ci. Kei, uk ciah Bawipa m’gäi ci naw ka pyen nei.”


Israel, nang naw shin cu na mät ah khan ah na law püi ci! Kei naw lam anglät ung lam ka ning m’shüm gui yah ung na Khanpughi Bawipa, kei cu na na nawng ci.


Ngami naw phongkawng ah mäh ah m’ngaw shi ci gui; ani ah kho cu khong gau ah kyak khai ah cikci gui, ani ah gaw nu gui cu di ne ng’zän ci, nawng lüng vai ah kyak ci.


“Bawipa nan ning hnung’tuk püi ne kami katnak cu da lawk ci nei. Kami katnak naw na k’bünphei gui ci nei, kei mi naw cun gui avan kami hmat ci nei.


Nang naw khomü cu na pyang ci, mü hmüp ung khisa gui cu avan lut lawk ci gui.


Taigü Ezra cu ng’düi law ne ng’thu pyen ci. Ani naw, “Nangmi naw akhohei hnumi gui chu na u ne, kä bekhüt nak ah cheishoh nak cu Israel gui ah khan ah nami law püi ci.


Kei naw, “O Khanpughi, nang ah ma ah ka lu ka tä law vai ah ka ng’aa aih ci nei. Kami katnak cu ng’pum ci nei, kami lu ah ta hlüng pi ci nei. Khankho ah mäih ah hlüng lawk ci nei.


Tuhbäi nangmi cu nami pa gui ah hnün ung nami ngaw ba ci, kak ciah chang ah ng’shon thai ah kya u ne, Israel gui ah khan ah Bawipa ah m’lung she nak pi, nami la pyi ci nei.


M’nga gui naw kai na u ne, khisa gui naw ei awk ci gui nei.


Ka chang gui, kei na ng’hlah ta u neta, a i ah kyasei kä ng’hlah law ba phung ah nami om ang? Nangmi cu nami gup gui ung ng’bat u ne, kei ah nami ng’hlah law ba vai ah nami mak ci.


Nami m’neh ah phäh ah a i kä nami pyen vai; Nami gai nak vai a i kä om ci. Kei naw shin ah ka ning m’kyuk gui cu a i ah kyasei ci ung Nami katnak da ne nami shetkat nak a dämduk ah phäh ah kyak ci.


Cun kawn ah Judah ng’vai gui, taigü gui la chang gui naw ami peileng ah chang pakhui gui ah katnak om ih cu läk u ne, a gup khawihnah u ne Bawipa naw a theingcim sak Taigüim cu lelawi sak ci.


Avaisü ka tä law ung phi, Kawng vaisü ah na na yun ci; cäi aih gui vai bi ne na na kyihkyawk sak ci.


Nami vgvai gui cu hnu ng’tuk ciah kya u ne, m’guk ei ah teihpüi ah kyak ci gui; ngami naw m’cümhnah nak la ng’mü khawk cu angtäi sei dou ci gui. Ngami naw yung aha m’kawt ung hmei hta cu kä shungvong ci gui, hmei nu ah mawngma phi kä m’khoi m’cha pek ci gui.


Israel chang gui, kei ah ka pyen cu ngai vä, kei cu nangmi ah khong gau ah mäih, hmüp ne kyih vai kyak ciah kho ah mäih ah ka kya man ne ang? A i ah kyasei nami mät ah yeikyai nak vai ah nami bik khai ah nami pyen ang, cun ah kya ne nangmi cu kei ah kä nami law bap hung ci?


Zong ciah khaw gui naw phi ami law ba nak vai ah akhin hmat ci gui. Müm gui, va m’chawng gui la ngamzawk gui naw phi ami lum nak vai ah akhin cu hmat ci gui. Cun ung phi ka chang gui, nangmi naw kei naw ka ning uknak gui ah thukhän cu kä nami hmat ci.


Swiv nou:

Piblisite


Piblisite