JEREMIAH 5:27 - Cho Bible Common Language 2016

²⁷ Sa züh ci naw a pemnu kha gui awn a be sak ah mäih ah ngami naw ami im gui cu ami guttep awn be sak ci gui. Cun ah kyasei ngami cu huham mah ne büh mang ci gui.

JEREMIAH 5:27 Referans Kwoze

THU PHLAAN 18:2

Ani naw m’lau ne Babilon mang gaw cu di pyi ci nei! Di pyi ci nei! Cun ah gawnu cu khawshe gui, mumchashe gui ah om nak, shemshai ciah khoshe gui ah ng’yi nak ah kyak ci nei.

MIKHAH 1:12

Maroth chang gui phi phiawng hlü ne ngäng ci gui. Cun ung phi Bawipa naw di nak cu law püi sei, Jerusalem ung gawk law pyi ci nei.

JEREMIAH 8:5

Ka chang gui, kei na ng’hlah ta u neta, a i ah kyasei kä ng’hlah law ba phung ah nami om ang? Nangmi cu nami gup gui ung ng’bat u ne, kei ah nami ng’hlah law ba vai ah nami mak ci.

JEREMIAH 12:1

“Kei ah ka mawngma cu nang ung ka pyen law ah a kyak ung nang naw düng khai ah na bik khai nei. Cun ung phi taga nak ah mawng cu kei naw ka ning shik ci nei. A i ah kyasei changshe kha gui ami büh mang aih ang? A i ah kyasei kä düng ciah chang gui naw ami m’khüt näng ang?

ZEPHANIAH 1:9

Khawshe khawihnah ci gui, m’gu ne, ngawn ne ami bawi ah im khawh be sak ci gui phi ka m’shet gui khai.

JOB 12:6

Cun ung phi m’guk ei gui la khanpughi kaa ah om ci gui cu ding gei sei om ci gui, ami khanpughi cu ami mät ah k’thagui ah kyak ci.

ISAIAH 3:14

Bawipa naw a chang gui ah ami ng’vaihta gui la a ghi gham gui cu ng’thumcha nak ah law püi ci. Ani naw shin ah k’bün nak bik ci: “Nangmi naw sapyitlo gui cu nami guttep ci, nami im cu dukhaih ciah ka, nami guh pek ah khawh awn be ci nei.

HOSEA 12:9

Cun ung phi Bawipa nami Khanpughi, Egypt ah ka ning law püi ba gui ci, kei naw, khong gau khaw ah nangmi ah kei ka law yah ung, nami bi ah mäih ah nangmi cu phung ung ka ning om ba sak gui khai.