JEREMIAH 5:24 - Cho Bible Common Language 2016

²⁴ Htui kho k’aa, ling kho k’aa ning pe gui ne, akum tä sei geit khäm nak vai ah khin ning pe gui ngä sei phi, kei naw m’tamkhah vai cu kä nami ngaih-tüh ci.

JEREMIAH 5:24 Referans Kwoze

SAM 147:8

Ani naw khomik cu kho ng’mei awn küm ci, khomdek khan ah kho yuk aa sak ci, kho ng’zuung ung khumghaw pyo sak ci.

JOEL 2:23

Zion chang gui, yeikyai vä, Bawipa, nami Khanpughi naw nangmi ah phäh ah abi ah hmawk ah yei vä. Ani naw bä ciah khawtui akni ning pe gui ci; ani naw hting kho aa phi yuk chah lawk ci, kä cun pha ung htui khaw aa phi aa sak ci.

ATÜNNAK 8:22

Khomdek a om mah chuih geit nak ah khin la khäm nak ah khin om khai. A khing la ang ling, khaw cha la khaw sik, khawmü la khaw hnüüp angtäi sei om khai” cine pyen ci.

LAMKTU 14:17

Cun ung phi Khanpughi naw a om ah mawng cu ak ni a bi nak awn ang täi sei chang gui am m’dang gui ne, Khankho ah kaa kho yuk aa sak ne, amät ah khin ung vuipai m’theihtak ci phi ning pe gui ci. Ei auk vai ning k’be gui ne m’lung yeikyai nak phi ning pe gui ci” cine m’lau ne pyein ci.

MATTHE 5:45

Cun ung vah nangmi cu Khanpughi ah hta ah nami kyak khai. Khanpughi naw chang k’ni, chang k’she van ah khan ah kho yuk so sak ci, akni akshe bik ci van ah khan ah kho phi yuk aa sak ci.

JEREMIAH 14:22

Chang pakhui gui ah a gup gui naw khaw kä aa sak hlawt ci; khomik amät naw khogoh kä ng’kiak sak hlawt ci. Keimi naw nang cu kami ning ngaih u ci nei, Oh Bawipa, kami khanpughi, a i ah kyasei ci ung nang cu shin gui bik ciah na kyak ci.

THU PHLAAN 11:6

Khanpughi ah ng’thu ami pyein sangung khaw kä a aa vai ah khankho khai nak hning ah huham ngami ung om ci, tui cu si ah ami lat nak hning ah huham phi ngami ung om ci, ami ng’yak hlü ah khomdek khan ah khaw yaw tui shek khai ah ami bi nak hning ah huham phi ngami ung om ci.

JAMES 5:7

Ka phäinau gui aw, Bawipa a law ba güt hnimgei ne om vä. Lo bik ciah chang tumat naw, a lo ung, ak küikyang ah a geitkaw gui am theih tak law vai ah, kho k’aa htük ungka naw, kho k’aa ang pyi güt ung, hnimgei ne ging ci nei.

ZEKHARIAH 10:1

Khawhtui khaw ah khaw aa khai ah Bawipa ah ng’yoi vä. Bawipa naw khaw k’aa ng’mei gui awn khaw aa sak sei, chang van ah hmawk ah lolai gui m’kim ne nik ci.

AMOS 4:7

Nami geit naw khawtui ang yak hlü yah pi ung kei naw khaw aa ka m’hlat ci. Mang gaw tumat ah khan ah khaw ka aa sak ci, ahei ah khan ah kä ka aa sak ci. Lo tumat ah khan ah khaw yuk aa ci, ahei tumat cu chawng ne ket ci.

HOSEA 6:1

Chang gui naw pyen ci gui, “Bawipa ah mi ng’hlat ba khai nei. Ani naw na nat sak gui ci, cun ung phi ani naw akcang ah na gei ba sak gui khai nei. Ani naw na leim sak gui ci, cun ung phi mi leim cu na hlawp pe gui khai nei. Ani naw cun ah kä bik khai ang?

JEREMIAH 50:5

Ngami naw ziou hteh nak lam cu ng’shi u ne, acu täng ah hteit khai gui. Ngami naw kei awn ng’täi ciah thukhän bik khai gui, kä m’shet bakhai gui.

JEREMIAH 5:22

Kei Bawipa nei, a i ah kyasei kä nami na kyih ang? A i ah kyasei kei ah ma ah kä nami ng’hlet ang? Kei naw tuinu ah khogii nak ah lawigin ka tha ci nei, cun cu ng’täi ciah khogii, ai naw kä a kan hlawt ah kyak ci. Tuinu cu ng’hnawk ci, cun ung phi cun naw kä phlän hlawt ci, tui hnawk cu hmum ci, cun ung phi cun naw kä m’shet hlawt ci.

ISAIAH 64:7

A u phi taigü ne nang ah kä ng’hlat lawk ci; a u phi nang naw na m’htei vai ah kä hteit ci. Keimi kami hmakat ah phäh ah, nang naw na na nawng gui ci, kei mi ung ka na ng’thup ci.

JOB 38:37

Khong mei gui khe ne kho ah aa lawk khai ah tän ne khei vai ah cüivai ci a u ang a om?

1 GHANGPUGHANG GUI 17:1

Kilead kho Tisbe ungka prophet Elijah naw Ghangpughang Ahab a pyen nak cu, “Kei naw a bii ka bi ah Israel gui ah ghing ciah Khanpughi, Bawipa ah ming ung, kei naw ka ning m’thein cu, kei naw kä ka pyen ba pha ah chuih, ma lam ah kum goi ung baw, kum thum ung baw k’daam phi kä bawk khai, kho phi kä aa khai.”

THULÄÄN NAK 28:12

Ani naw khankhomik ah bühmang ciah a im ungka khaw a aa khin ung khaw yuk aa law sak khai nami bilawh avan hriham pek khai. Cun ah kyasei nangmi naw chang pakhui akda am nami k’pu m’hnih khai. Cun ung phi na mi mät cu a u ah phi kä nami pu ng’yoi khai.

HOSEA 3:5

Cun ung phi Israel chang gui cu Bawipa ami Khanpughi la ami ghangpughang David ah htangshon ah ami ng’hlah law ba nak vai ah akhin cu gawk lawk khai nei. Cun kawn ah ngami naw Bawipa cu kyih aa u ne ani ah m’cümhnah akni cu gah khai gui nei.

JOB 5:10

Ani naw khonglei ah khan ah khaw aa sak ne, lolai gui cu tui awn shawi ci.

SAM 65:9

Nang naw na ng’dü khaw m’htei ne na m’dang nak cu; khaw na yuk aa sak ci, na bämang sak ci, m’dek na ni sak ci, tuihta na lon sak ci; khomdek phi geit awn na be sak ci. Shin cu nang ah bi lawh ah kyak ci.

JEREMIAH 2:19

Nami mät ah akshe naw ning m’kyuk gui khai, kei nami na ng’hlah tak nak naw ning m’kat gui khai. Bawipa nami na khanpughi nami na nawng cu a i hlawk ah kha ne a chei cu nangmi naw nami hmat lawk khai. Nangmi cu kei ung kä nami bekhüt ba ci. Kei, uk ciah Bawipa m’gäi ci naw ka pyen nei.”

JEREMIAH 3:3

Cun ah kyak sei khaw aa ng’düm ne, khaw kä a aa ba ah kyak ci. Nang cu pawmya ciah mäih ah na kyak ci, nang ung lüng aa nak kä om ci.

JOB 29:23

Lai bik ci gui naw htui kho k’aa ami dou ah mäih ah kei ah ng’thu gui cu dou man ci gui.

JEREMIAH 10:13

Ani ah ang thukhän awn khankho ah akhan ung tui cu gai ne; ani naw khocawi ah ka khongmei gui cu law püi ci. Ani naw khaw k’aa ung khaw lailäp sak ne, akhei ung ka khokhi cu tüi lawk ci.