JEREMIAH 5:19 - Cho Bible Common Language 2016

¹⁹ Shin gui avan a i ah kyasei kei naw ka bi ah ami ning shi ah a kyak ung na m’thein gui vai. Jeremiah aw, ngami naw kei na ng’hlah ta u ne, ami mät ah khi ung akho hei khanpughi gui ah bii bik ci gui. Cun ah kyasei ngami cu ami mät ah kaa ah kä kyak ciah kho ung chang khui hei gui ah bii cu bik khai gui.

JEREMIAH 5:19 Referans Kwoze

JEREMIAH 16:13

Cun ah kyasei kei naw shin ah kho ungka ning k’täm gui ne, nangmi la nami pupa gui naw kä nami hmat man ah kho ung ka ning gawk sak gui khai. Acu ah nangmi naw amü a hnüüp ahei khanpughi gui ah bii nami bik khai, kei naw chimgein nak kä ka ning m’dang gui khai.

JEREMIAH 13:22

Shin gui avan a i ah kyasei a kyak law cine, nami ng’shi ah a kyak ung — a i ah kyasei nami sui kheei sei sui she nami sui ang ma cun cu nami katnak cu kyih aih vai ah a kyak ah phäh ah kyak ci.

NG’ÄI KYAH 5:8

Mikmi na uk gui ci gui cu changshäm ah mä kä bä tuba ci gui. Ngami ah huham ungka a u naw kä na hun gui hning ci.

JEREMIAH 2:35

Nami pyen cu, “Kei cu changniah ka kyak ci, ak cang ah Bawipa cu kei ah khan ah kä m’lungshe ba ci nei. Cun ung phi kei Bawipa naw ka ning m’kyuk gui khai, a i ah kyasei ci ung nangmi kä nami hmakak ci pyen nami ling ci.

JEREMIAH 2:13

Cun cu ka chang gui naw katnak hnih ami bi ah phäh ah kyak ci: Ngami naw tui ci lawng ah ka kyak ciah kei cu na ng’hlah tak ci gui, ngami naw tuihlüng co ci gui. Cun cu teek ciah tuihlüng ah kya ne a i tui phi kä ng’tang ci.

JEREMIAH 2:14

“Israel cu khleihtein ah kä kyak ci, ani cu khleihtein vai ah ami hta nak ah kä kyak ci. A i ah kyasei a ga gui naw ami züh yäi ang?”

JEREMIAH 5:18

Bawipa naw pyen ci, “Cun ah kho hüüp gui yah ung phi kei naw ka chang gui cu m’shiu ne kä ka m’di gui khai.

JEREMIAH 5:20

Bawipa naw pyen ci. “Jakob ah htangshon gui m’thein gui ä, Judah chang gui m’thein gui ä:

JEREMIAH 9:13

Bawipa naw m’shang ci, “Shin ah a kyak law cu kei ah ka chang gui naw ka peit gui ah ka m’thei thang gui ami nawng düüt ah phäh ah kyak ci nei. Ngami naw kei ah thu kä ngai u ne kei ah pyen kä bik cu gui.

JEREMIAH 9:12

Kei naw ka ng’shik ci, “BAWIPA, ai ah kyasei kho cu di ne khong gau ah kya ne chawng sei, a u phi kä hteit hton ba ne a kyak ang? A u ang shin hmat khai ah cüi vai nak a om? Ani naw chang hei gui am thein tu ba thei vai ah a u am nang naw na m’thein khai ang?”

JEREMIAH 17:4

Kei naw ka ning pek gui ah khaw cu nangmi naw nami m’lung si khai. Cun kawn ah kä nami hmat ah khaw ung nami ga gui ah bii nami bik khai ah kei naw ka ning bi gui khai, a i kyasei ci ung kei ah m’lungshe nak cu mei ah mäih ah kyak ci, cun naw khongtän ung ui khai nei.