JEREMIAH 5:15 - Cho Bible Common Language 2016

¹⁵ Israel chang gui, Bawipa naw a shou nak ah kaa changpakhui tumat cu ning tu gui khai ah law pui ci nei. Cun cu khüighat ciah pakhui phyimah kyak ci, nangmi naw ng’thu kä nami hmat ah pakhui tumat ah kya ci.

JEREMIAH 5:15 Referans Kwoze

THULÄÄN NAK 28:49

Khomdek ak cawi ah ka nang mi ning hnungtuk püi gui khai ah pakhui cu Bawipa naw law püi khai. Cun ah pakhui ah ng’thu cu nangmi naw kä nami hmat khai. Ngami naw hmu kiung ah m’tawn ah mäih ah ning m’tawn gui khai gui.

JEREMIAH 4:16

Ngami law ne changpakhui gui cu ng’thu k’bäi khai gui, aksho nak khopäng ah ka ga gui ami law ah mawng Jerusalem am m’thein khai gui. Cun ah ga gui naw Judah mang gaw gui hawh shaak ne hnungtuk khai gui.

ISAIAH 33:19

Nangmi naw kä nami hmat vai ah ng’thu ne, m’ghämce ciah akhohei chang gui cu kä nami hmu law ba khai nei.

ISAIAH 28:11

Nangmi naw kä nami na ngaih ah a kyak ung, khanpughi naw akhawhei chang gui ah cäicat vai ah ng’thu cu mang ne, amawng tumat ning m’thei gui khai nei.

ISAIAH 5:26

Bawipa naw m’hnüt nak m’dang ne, khosang ah om ciah pakhni gui khü gui khai. Ani naw khocawi ah ka gui ami law vai ah m’shük ne khü gui ci. Ngami cu ang ghit, ak yä ah shin ung lawk ci gui!

JEREMIAH 25:9

‘Kei naw a siiptäng ah chang gui avan la ka changshäm Babilonia ghangpughang Nebukhadnezzar cu ka tüi lawk khai. Judah gui la khaw mah gui cu hnungtuk ne tu u ne, ami pei leng ah khochang pakhui avan hnungtuk khai gui cu kei naw ka law püi khai. Kei naw shin ah pakhui la a pei leng ung ka gui cu ka m’di lawk khai, khonglän ung dii khai ah ka nawng khai, hmuk ciah chang cu cäicat ne ng’hlet khai. Kei, Bawipa naw ka pyen nei.”

JEREMIAH 1:15

a i ah kya seici ung a siiptäng ah ka changpakhui avan cu kei naw ka khü gui ci. Ami ghangpughang gui naw ami mang-kiang gui cu Jerusalem m’kawt gui la angveing paang gui, la a cun ah mäh ah ahei Judah mang gaw gui angveing gui ung cokyang ci gui.

1 KORIN 14:21

Cacim ung; Ka chang gui cu, chang ah hta ah thu a heihei awn, ka ng’thu püi gui khai. Akho hei chang gui ah m’gawng awn ka ng’thu püi gui khai, Cun ung phi ka chang gui naw Kei ah ng’thu cu kä ngai khai gui, ci ne Bawipa naw pyein ci” ciah om ci.

EZEKIEL 18:31

Akshe name bi gui avan cu chah vä, name mät naw m’lung la ngaih akthai cu gah vä. A i ah kyasei nangmi Israel gui nami sih hlü ang?

JEREMIAH 6:22

Bawipa naw pyen ci, “Asiip täng khopäng ung ka chang gui lawk ci gui; asho nak ah om ciah m’gäi ciah pakhui naw ng’tuk vai ah pawng ci nei.

JEREMIAH 5:11

Israel la Judah chang gui naw kei cu na ap ci gui nei, kei Bawipa naw ka pyen nei.

JEREMIAH 2:26

Bawipa naw pyen ci “m’guk-ei ami pha ung a thüi ah amäih ah, Israel chang avan cu nami thüi khai, nami ghangpughang gui, bawi gui, nami taigü gui la prophet gui.

ISAIAH 29:6

m’gäi ciah Bawipa naw ng’pheet ciah hmumkyeek la shihpi thüng awn ning gung gui khai nei. Ani naw puikhokhi la meikdäi ng’lam cu tüi lawk khai nei;

ISAIAH 29:3

Khanpughi naw cun ah mang gaw cu tuk khai, Veing ne khaai khai.

ISAIAH 5:7

Israel cu m’gäi ciah Bawipa ah Sapyit lo ah kyak ci; Ngami naw ani naw akni bik khai ah ngaih u sei, Cun ung phi ngami naw chang ngawn ci gui. Ngami naw hman ci bik khai gui ah ani naw ngaih u ci, Cun ung phi ngami ah dukdeiu nak gui naw ataga vai ng’ya hlü ne m’lau ci gui.

DANIEL 7:7

Kei naw ka teng sang ung ak phli nak ah khiküi dang lawk ci. Ani cu huham mah ne, kyih she ne kyihkyawk vai ah kyak ci. M’sii ah mäih ah a haa nu gui awn a lawh gui cu m’kyem ne, ami khan ah kai na gui ci. Ani cu ahei gui ah mäih ah kä kyak ci, a ki gha lawk ci.

ATÜNNAK 11:7

Mi yu kyum ne ami ng’thu kä ng’hmat ba khai gui ah mi k’caw pe gui khai” cine pyen ci.

THULÄÄN NAK 28:33

Nang naw tha na ne bi ne na geit kaw cu a khaw hei pakhui naw avan lak khai. Cun yah ung nang naw a i kä na gah tuk khai. Angtäi sei shedam nak la akaa ah om püi nak na gah khai.

SAM 81:5

Egypt kho a tuk yah ung Israel chang gui am ani naw a pek ah kyak ci. Kei naw kä ka hmat ah ng’thu k’aw ka ng’yak cu,

ISAIAH 39:3

Cun kawn ah prophet Isaiah naw ghangpughang Hezekiah law neta ng’shik ci, “Shin ah Chang gui a hawi ka ang ami law, a i ang ami ning pyen nak?” Hezekiah naw am shan ba cu, “Ngami cu aktä ah athuuk nak ah khopäng, Babilonia ah ka lawk ci gui.”

DANIEL 1:4

Cun gui cu kyom sang khai gui, hmuhmat khai gui, cüivai khai gui, ng’thei thang hning khai gui, ami pumsa ung pyen vai kä om khai, cun ah kyasei cun gui cu ghangpughang ah im ung bii bi hning khai gui. Ashpenaz naw cun gui cu Babilonian ca gui thei, phat thei khai gui ah am thei gui vai ah phi kyak ci.

AMOS 6:14

M’gäi ciah Bawipa Khanpughi cu amät ng’htau ne, “Israel chang gui, kei naw nami khonglei tuk khai ah akhohei gakap gui cu ka tüi lawk khai. A cun naw asiip täng Hamath lam ung, ahtum täng Arabath tui ung khüt sei, ning khüt sei ning yawshe na gui khai.”

HABAKKUK 3:16

A cun gui ng’ya neta kei cu ka ng’hlet ci; ka kyih su ah ka m’nei phi ng’haam ci, ka pumsa phi ng’yai ci. Ka mät ah kaa ah ka khaw ka m’thuih ci. Gawk lawk khai ah akhin cu kei naw düm ah ka ngäng khai, cun cu na ng’tuk püi gui ci cu Khanpughi naw am kyuk nak gui ah kyak khai.