JEREMIAH 5:12 - Cho Bible Common Language 2016

¹² Bawipa ah chang gui naw ani maa na u neta, ami pyen cu, “ani naw akzang ah a i kä bi lawk khai nei, mikmi ung ng’tuk nak la kho a zaw nak kä om khai nei.”

JEREMIAH 5:12 Referans Kwoze

2 SHONTÄP NAK 36:16

Cun ung phi ngami naw Khanpughi ah ng’shächang gui cu päipih u ne, ang thu cu a i ah kä ngai u ne, a prophet gui cu gaih tuk ci gui, ak hnu ah Bawipa ah m’lungshe nak ak chang gui hnungtuk püi cicu dämduh aih sei, phyawn nak kä om ba ci.

1 SAMUEL 6:9

Cun kawn ah a hteh cu nami ngäng vai; cun cu Beth Shemesh gawnu täng ah a hteh ah a kyak ung, Israel Khanpughi naw mikmi ah khan ah shin ah kyih vai ah leigai cu tüi lawk ciah kyak khai, kä ah hteh ah a kyak ung, ani naw leigai kä tüi lawk ciah mi hmat khai; amät gawk lawk ciah kyak khai” cik ci.

THULÄÄN NAK 29:19

Nami cim vai vai tuhngawi shin ung, Shin ah thuuk ciah k’thäh nak gui ng’yak ciah chang a u kä om ci. A mät ah ngaih ah linglai ne kya lang ne phi, avan ani ung bä khai ah ngaih-tüh ci a u kä om ci. Acun naw chang ni, chang she, a täng ah nangmi nami van ning m’di gui khai.

1 JOHAN 5:10

Khanpughi ah Htapa yum ciah chang phung naw shin ah saksi cu am lung kyong ung shum ci. Cun ung phi Khanpughi kä yum ci läi cu, Khanpughi naw A Htapa ah mawng a pyeinsak cu kä yum ci kya ne, Khanpughi hleeihlak ciah mäih ah ng’lat sak ciah chang ah kiak ci.

MIKHAH 3:11

Mang gaw uktu gui naw, khawh la ne uk ci gui, taigü gui naw pek vai ah thukhän m’than ci gui, prophet gui naw ngui ami gah vai ah phäh ah cängbang ci gui — cun ung phi ami van Bawipa naw om püi gui ciah pyen ci gui. Ngami naw, “Akshe keimi ung kä gawk lawk khai, Bawipa keimi awn om ci” cik ci gui.

MIKHAH 2:11

“Cun ah chang gui naw akbe ah hleei ne thuvi ciah prophet cu ng’ya hlü u neta, ami pyen cu, ‘Kei naw ka ng’cä cu yu la awktat vai gui cu nangmi ah phäh ah long khai nei.’

EZEKIEL 13:6

Ami müimang gui cu ami pyan ah kya ne, ami cängbang gui cu hleei ah kyak ci, Ngami naw kei ah ng’thu pyen ci gui ah pyen ci gui, cun ung phi kei naw kä ka tüi pe gui ci. Cun ung phi ami ng’thu cu bä khai ah ngaih u ci gui!

JEREMIAH 28:4

Kei naw Judah ghangpughang, Jehoiakim ah hta Jehoiachin phi, Babilonia ah omktu ah ami hteh püi gui ah chang gui awn atäng ah ka law püi ba gui khai nei. Ä ya, kei naw Babilonia ghangpughang ah huham cu ka cheiuh khai nei. Kei, Bawipa naw ka pyen nei.”

JEREMIAH 5:31

Prophet gui naw a i kä pyen ci gui, hleei hlak ci gui; taigü gui naw prophpet gui ah thum khän ah mäih ah uk ci gui, kei ah ka chang gui naw phi kä maa na gui ci gui. Cun ung phi shin gui avan ak hnu hnüüp ung a gawk law ung ngami naw ai bik khai gui ang?”

JEREMIAH 4:10

Cun kawn ah kei naw ka pyen cu, “Uk ciah Bawipa, nang naw Jerusalem chang gui cu akbe ah na m’hleei gui ci nei! Nang naw dimdeeih nak om khai ah na pyen ci, cun ung phi ngami ah gawn ung khim ng’kyäng ci nei.”

SAM 10:6

Amät ng’htau ne, “Kei kä ka zu ng’kia hlawt khai; kei khuikha nak ung kä ka gawk hlawt khai” cik ci.

NG'THU K'THUUK~ 30:9

Kei naw akdäm ka tak ung kei naw nang kä ka ning ya hlük ciah ka pyen khai. Kei ka dukhaih ah a kyak ung kei cu m’gu ne ka Khanpughi ah khan ah thüisei nak ka law püi khai nei.

JEREMIAH 14:22

Chang pakhui gui ah a gup gui naw khaw kä aa sak hlawt ci; khomik amät naw khogoh kä ng’kiak sak hlawt ci. Keimi naw nang cu kami ning ngaih u ci nei, Oh Bawipa, kami khanpughi, a i ah kyasei ci ung nang cu shin gui bik ciah na kyak ci.

JEREMIAH 43:1

Bawipa ami khanpughi naw ka m’thein gui vai ah ana pek gui phang cu chang gui am m’thein ne ka ng’pyi ci.

SAM 14:1

Chang k’ang gui ami mät ng’htau u ne, “Khanpughi kä om ci nei” cik ci gui. Ngami cu chei yawp ci gui, Ak tüük khai gui bi lo ci gui; Düng ci bik ci tumat phi kä om ba ci.

JEREMIAH 2:6

Ngami naw kei a i ah kä na sui ci gui, kei naw Egypt ungka ka gung gui ci, kho ng’gau bung hmu ka kan sak gui ci; Ng’gau ne laigin ah kyak ciah kho, chang naw kyih vai ah kho, a u naw kä a om nak hteh hton ah phi a u naw kä hteh hton nak khai.

JEREMIAH 6:14

Ngami naw ami khei khan ng’khawk düt khai ah bo; p ci gui. Ngami naw “Avan bä ci nei” ci u sei avan kä bä ci!