Biblia Todo Logo
Bib sou entènèt

- Piblisite -




JEREMIAH 5:1 - Cho Bible Common Language 2016

1 Jerusalem chang gui, nami lam gui ung dawng vä! Veing ne teng vä! Nami mät ah phäh ah teng vä! Ami sum lei hmun gui ung shui vä! Ng’düng nak bik ciah chang, Khanpughi ung bekhüt vai ah k’tha nak ciah chang, nami hmuh hning khai aw? Nami hmuh ah a kyak ung, Bawipa naw Jerusalem cu m’geisei khai nei.

Gade chapit la Kopi




JEREMIAH 5:1
29 Referans Kwoze  

Kei naw chang ka shui ci. K’pang gui ang gai ung co ba khai, k’paung gui ang thüng law ung acun ung ng’düi ne m’htei khai, kei ah ka m’lungshe nak naw khonglei amdi law ung shungvong hning khai, cun ung phi a u phi kä ka hmuh hning ci.


Bawipa naw khomdek khan avan cu k’pang ne teng ne, amlung kyong avan awn ani ah khan ah bekhüt ci gui am k’thagui cu pe gui ci nang cu akgu k’ang ah na hnüntho ci, cun ah kyasei tuhbäi ung tün ne nang ah khan ah ng’tuk nak om lä khai” cik ci.


Nangmi cu yung ah nami hteh ung phi, taga khai ah a i kä nami bik ci. Amawngma ung nami näng vai düt ah nami hleei ci. Nangmi naw chang ah mat nak vai cu pawng püi ne nami law püi ci.


Chang gui cu lam hma yawp ci gui; Ami van shekha yawp ci gui, Akni ah bik ciah chang tumat phi kä om ba ci, tumat phi kä om ci.


Chang päng naw amät a i hlawk ah a hläkhäm la a bekhüt ah mawng cu pyen ci, Cun ung phi k’tha na ne nami shui vai, a u ang ak cang cu?


Na m’htei gui ä, Bawipa! Changni maih ne; Chang man kä om ba ci nei.


Di maih khai gui ah khan ah shetkat nak a hlü hlü cu bik khai. Cun ah chang gui cu di maih khai gui, a i ah kyasei ci ung ngami naw hun phiawn nak ah cacim cu kä m’hni u ne kä ami dou ah hmawk ah kyak ci.


Ak chang tüih cu law ba ne, acun gui avan cu im mah-am m’thein law ba ci. Im mah cu m’lungshe netah, “Lam kyum lam k’cawh, k’htawk-kem yung ah hteit ne, ghawipyam ci gui, akutkho ng’khem ci gui, amik hnga kak ci gui, khü gui ne law püi gui ä,” ci ne tüi ba ci.


Law htük ci naw tumat am, “Dawng ne hteit ne nüt nak gui kawt ciah chang nong am na m’thein vai cu, Jerusalem ung chang akda, ui vawk ai akda om lawk khai kyasei, akdäm ah ng’vong k’pang vai kyak khai nei.


Tuiksi tuinu ungka naw Mediteranean tuinu, asiip ungka naw akiang ung khüt sei, chang gui cu ng’vaak khai gui. Ngami naw khaw päng ung Bawipa ah ng’thu cu shuiyap khai gui, cun ung phi kä hmuk khai gui.


Ngami cu mang gaw hnungtuk ne ng’güüt law u ne, ng’vong paang gui ah khan ah dawng ci gui; im gui ung kai u ne, m’guk ei ah mäih ah im kawt gui ung lut ci gui.


Ani naw na pyen nak ci, “Tuhbäi, Daniela, ca-uk na m’khüp vai. Khaw kä a khüt pha ah chuih cun ah khan ah m’hnüt nak na k’daih vai. Cun yah ung a i ah kya lawk ci, cicu ami hmat vai ah chang akda naw a kholä ah tha nak khai gui.


Kei naw mang gaw pum ung ng’vaak ne, lam cawh lam hta gui yung ah, kei naw ka m’hni tumat cu ka shui ci. Kei naw ka shui ci, cun ung phi kä ka hmuk ci.


Düng nak, cai nak, theithang nak la m’lung ngaih ni — shin gui cu a phu käi ah hleih vai. Cun ung phi nang ah phäh ah yoih vai cu küi aih ci nei.


Mang gaw luh nak la m’kat ah pei ung, ani ng’khü ci.


Ani naw, “Bawipa, M’gäi ciah Khanpughi, kei naw angtäi sei nang ah bii ka bik ci nei — nang bäng ah bi nei ka bi. Cun ung phi Israel chang gui naw nang ung thukhän cu m’shet u ne, na sonkiang phye u ne, na prophet gui avan ngawn ci gui nei. Kei bäng ka k’pawih ba ci — kei phi na ngawn khai gui ah k’tha nak ci gui nei!” cik ci.


Nang naw a i na pyen khai ang? A i ah kyasei nang naw na na hnungtuk püi ang?


Ami chu gui naw ahei khanpughi gui ami khawihnah hmat ciah pamigui avan, cun ung ng’düi tuk ciah hnumi gui avan, Egypt a htumtäng ah om ciah Israel gui — chang hli ami van naw — ami na pyen nak cu,


Bawipa naw Khankho ah om ne, Cüivai ciah chang la ani khawihnah ciah chang a om la kä a om cu hniciim chang gui ung yuk teng gui ci.


Changshe gui hnu ng’tuk püi ne, kei täng ah ng’düi khai a u ang? Cheishoh ci gui hnu na ne, kei täng ah om khai a u ang?


Kei naw gaung na ne ka ning ngai gui ci, cnun ung phi nangmi naw düng ciah thu kä nami pyen ci. Nangmi ungka tumat naw phi nami cheishoh nak ah phäh ah kä nami a yä ci; nangmi ungka tumat naw phi “A i ah a hma ka bi ne?” cine kä nami ng’shik ci. A chang nü cu ng’tuk nak ung hteit khai ah ng’se ah ng’güüt ah mäih ah amät ah lam phäh phäh nami k’pang ci.


Bungpuk ah ka düm nak vai ah hmun ka ng’ya hlük ci, cu ah kei cu ka chang gui ungka ka hteit hning khai. Ngami ami van cu kä bekhüt ci gui, ng’gang ne shuk ci gui.


A shin ah kiasei m’gäi ciah Bawipa naw a pyen cu, “Kei naw ka chang gui cu m’si m’cim ah mäih ah ka m’cim gui khai, ka m’nüm gui khai. Kei ah ka chang gui naw akshe bik ci gui — Kei naw a i ka bi pe gui khai ang?


Khanpughi naw m’shang ci. “Israel la Judah chang gui cu katnak bi u ne ami katnak däm ci. Ngami cu khaw avan ung chang ngawn u ne, Jerusalem cu cheishoh nak awn be sak ci gui. Ngami naw, kei, Bawipa naw ami khaw cu nawng ne, kä ka hmu gui ciah pyen ci gui.


Swiv nou:

Piblisite


Piblisite