JEREMIAH 49:8 - Cho Bible Common Language 2016

⁸ Sedan chang gui, ng’hlat ne dawng vä, ng’thup vä! kei naw Esau ah htangshon gui cu ka m’di law gui khai nei, a i ah kyasei ci ung ngami ka m’kyuk nak gui vai ah akhin cu gawk lawk ci nei.

JEREMIAH 49:8 Referans Kwoze

JEREMIAH 46:21

Ani naw ang vah ah gakap gui cu am gein kaa ah kyak ciah seihta ah mäih ah kyak ci gui nei. Ngami cu kä ng’düi hlawt, kä ng’tu hlawt ci gui; ami van ng’hlat ne dawng ci gui. Ami ng’ziin nak ah hnüüp, ami di nak ah akhin cu gawk lawk ci nei.

JEREMIAH 49:30

“Hazor chang gui, kei Bawipa naw ka ning m’cäi gui ci, ahei ah dawng ne ng’thup vä. Babilonia ghangpughang Nebukhadnezzar naw ning hnungtuk püi gui neta a pyen cu shin ah kyak ci:

ISAIAH 21:13

Shin cu Arabia ah mawng thumkhäh ah kya ci. Sing ah kä ghing nak Arabia khaw ung phung tu ne sumlei ne ng’hle-zatha awn ng’düm ciah nangmi Dedan chang gui.

THU PHLAAN 6:15

Cun ah kya khätah, m’dek khan ung ghangpughang gui, uk ciah mang gui, gakaap bawi gui, bühmang ci gui, hlüngtai ci gui, la khleihtein gui, khuimah gui chang avan cu lung khui gui la khomhtung khan lung k’song gui ung ng’thup yawp ci gui.

JEREMIAH 50:27

Ami gakap gui avan ngawn vä! ngawn gui yawp vä! Babilonia Chang gui cu ng’ziin pyi ci gui nei!

JEREMIAH 49:32

“Ami kala-uk gui la ami vuhchah gui avan la vä! kei naw ami lu ak tawi ah k’teiu ci gui cu akit päng ung püi pawng sak gui ne, ngami ah khan ah akit pang ung leigau ka law püi khai nei.

JEREMIAH 48:44

Kyihkyawk nak ungka phyawng khai ah k’tha nak ci phung cu khui ung kyak khai, khui ungka kai law ba khai ah k’tha nak ci phung cu gui-cuun gui ung ng’awk khai, a i ah kyasei ci ung Moab ah di nak vai ah a khin cu Bawipa naw am hnüt pyi ah kyak ci.

JEREMIAH 48:28

“Moab ung om ciah nanmi gui, nami gawnu gui cu nawng vä! Lungkheng pang ung hteit ne om vä! Akawk nak un gangbu tu thei cial müm ah mäih kya vä.

JEREMIAH 48:6

Ngami naw, ‘Nami ghin hlü ung ang ghit ah dawng vä!’ Bung hmu ah ng’sela ak’zäng ah mäih ah dawng vä!’

JEREMIAH 6:1

Benjamin chang gui, nami phiawn vai ah dawng vä! Jerusalem ung ka lauk vä! Tekoa ung phyungheng tum vä, Beth Hacaherem ung m’hnüt nak ah mei im co vä. Leigai la dishum nak cu a siiptäng ah ka lawk khai nei.

ISAIAH 2:21

Bawipa law ne khomdek ak thün law ah akyak ung, chang gui cu ani ah m’lungshe nak ami phiann nak vai la a huham la abämang nak ung ami ng’thuh nak vai ah, khui gui la lung m’htung khui gui ung k’tha na ne ng’thup khai gui.

1 SAMUEL 13:6

Ngami cu ng’güüt law u ne, Israel gui cu akyat tu ne hnim gui u ne, püi ne dawng khai gui ah ci gui, Amshah Israel gui cu lung khui, m’dek khui ung ng’thup ci gui, lung song gui ah ng’lung, khui gui la tuiton gui ung ng’thup ci gui;

SUKI GUI 6:2

Midianit gui cu Israel gui ah mä gaigawng pi ci gui, cun ah kyasei Israel chang gui cu lung khui ung ng’thup ci gui, amshah cu ang geing khogui zung ah ng’thup ci gui.

ISAIAH 34:5

Bawipa naw akhimsem cu khankho ah pawng püi ge ci, ani naw m’di gui vai ah am kyuk pyi ah kho chang Edom kho cu tuhbäi tuk khai.

EZEKIEL 25:13

Tuhbäi kei naw ka ng’shäu ci, kei naw Edom cu m’kyuk ne, chang la seime ang nü ka ngawn khai. Kei naw Teman mang gaw ung ka naw Dedan mang gaw ung khüt sei ka shiu sak khai, chang gui cu ng’tuk nak ung ngawn gui khai gui.

MALAKHI 1:3

Esau la a hta ng’shon cu ka gen ci. Esau ah khogui hmun cu khaw tai ah kyak sak ne, cun ah khaw cu sa-ui gui am ka nawng pe gui ci.”

MALAKHI 1:4

Esau ah hta ng’shon Edomit gui naw “Mi gawnu gui cu di pyi ci, cun ung phi mi co ba khai” ami ci ung, Bawipa naw, “Co ba u sä — kei naw ka phyet pe ba gui khai nei. Chang gui naw ‘khawshe khaw’ ah khü gui khai, ‘Bawipa naw angtäi sei amlung she nak ah pakhui ah kyak khai gui nei’ ” cik ci.