JEREMIAH 49:7 - Cho Bible Common Language 2016

⁷ Shin cu Edom ah mawng m’gäi ciah Bawipa naw a pyen ah kyak ci; “Edom chang gui naw nik ciah ami m’kheicha nak gui maih sak u ne ma? Ngami m’shüm thein ciah chang gui naw a i bi vai cicu kä m’thein ba gui u ne ma? Ami cüivai nak avan cu maih yawp ne ma?

JEREMIAH 49:7 Referans Kwoze

JEREMIAH 49:20

Cun ah kyasei Edom chang gui hnungtuk püi gui vai ah ka pawng püi cu ngai vä, Teman mang gaw chang gui ung kei naw bi vai ah ka pawng püi phi ngai vä. Ami hta nau gui cu sawkaih gui khai gui, chang nü cu kyi kyawk khai.

ATÜNNAK 36:15

Shin cu Esau ah htangshon pakhui gui ah kyak ci. Esau ah hta htük Eliphaza ah htangshon pakhui gui cu, Teman, Omara, Zepho, Kenaza,

ATÜNNAK 25:30

Kei ei ka cawi ci nei, sen ciah antui cä na m’bei ä” cik ci. (Cun ah kyasei ani cu Edom ah ami sui.)

JOB 2:11

Job ah teihpui gui thum cu Eliphay, Teman ah ka, Bidad, shua khaw ah ka, la Zophar, Naamah khaw ah ka ah kyak ci gui. Ngami naw Job a i hlawk ah akhüikha cu ng’ya u netahteit ne m’htei tu vai ah kbai ci gui.

ATÜNNAK 36:11

Eliphaza ah hta gui cu; Teman, Omara, Zepho, Katam la Keneza ah kyak ci.

HABAKKUK 3:3

Khanpughi cu Edom khaw ah ka law ba ci nei; Khanpughi theing cu Paran m’htung ah ka kyum lawk ci nei, Ani ah hlüngtai nak naw khankho cu küm ci’ khomdek cu ani m’taam nak awn be ci nei.

JOEL 3:19

Egypt cu khaw ng’gau ah kyak khai, Edom cu di pikbäih khai, a i ah kyasei ci ung ngami naw Judah khaw tu ne, changnigui ami ngawn ah phäh ah kyak ci.

DANIEL 11:41

Ani naw shaitak ah khaw phi tuk khai, chang tämkäp phia khak ngawn gui khai, cun ung phi Edom, Moab, la Ammon ah ak eng täng khaw gui cu phyawng khai gui.

JEREMIAH 25:9

‘Kei naw a siiptäng ah chang gui avan la ka changshäm Babilonia ghangpughang Nebukhadnezzar cu ka tüi lawk khai. Judah gui la khaw mah gui cu hnungtuk ne tu u ne, ami pei leng ah khochang pakhui avan hnungtuk khai gui cu kei naw ka law püi khai. Kei naw shin ah pakhui la a pei leng ung ka gui cu ka m’di lawk khai, khonglän ung dii khai ah ka nawng khai, hmuk ciah chang cu cäicat ne ng’hlet khai. Kei, Bawipa naw ka pyen nei.”

JEREMIAH 18:18

Cun kawn ah chang gui naw pyen ci gui, “Jeremiah ah mawng tumat mat ah mi bik khai nei! Na m’cumcäi gui ciah taigü gui, napüi gui ciah cüivai chang gui, Khanpughi ah ng’thu ng’shäu ciah prophet gui cu akphlüt ah om man ci nei. Ani ah khan ah k’bün nak law püi ne mi hnungtuk püi khai nei, ani ah pyen cu kä mi ngai ba khai nei.”

ISAIAH 29:14

Cun ah kyasei kei naw kä ngaih-tüh ah tumat kawn ah tumat ka cat sak gui khai. Cüivai ciah chang gui cu chang anglaam ah ng’lat khai gui, ami lunglang nak avan cu akholä ah kyak khai.”

SAM 137:7

Bawipa, Jerusalem cu tuh ne ami khäm yah ung Edomit gui ah bi cu shüm ba ä. “M’dek ah khüt khai ah tu ne m’cin vai nei!” ami cicu shüm ba gui ä.

JOB 4:1

Joba, kei naw ka ning htau püi ung na hnga khak khai ang? Kei cu düm ah kä ka om ba hlawt ci nei.

1 SHONTÄP NAK 1:53

Kenaz, Teman, Mibzar,

THULÄÄN NAK 23:7

“Edomit chang gui kä nami päipih gui vai, ngami cu nami mätyah ah kyak ci gui. Egypt chang gui kä nami päipih gui vai; nangmi cu ngami ah khaw ung nami om tu man ci.

ATÜNNAK 36:8

Cun ah kyasei Esau cu Edom khawgui ah hteit ne om ci.

ATÜNNAK 27:41

Esau naw Jakob cu thüi nak ci. Apa naw Jakob am hriham a pek ah hmawk ah kyak ci. “Kapa a sih nak vai ng’et lawk ci, cun ung Jakob ka ngawn khai” cine ngaih-tüh ci.

ATÜNNAK 32:3

Jakob naw a phäi Esau ah om nak Edom khaw ah ng’shä tüi ma ci.

JEREMIAH 8:9

Nami cüi vai chang gui cu lü ng’aa ci gui nei. Ngami cu ng’gogan u ne, cuun ung awk ci gui nei, Ngami naw kei ah ng’thu cu hnungtuk ci gui, tuhbäi a i cüivai nak ang ngami naw ami gah?

JEREMIAH 12:14

Bawipa naw pyen ci, “ka chang Israel gui am ka pek gui ah khaw m’di ci gui ah Israel gui ah pei leng ah ka gui am kei naw ka pyen nak gui vai amawng om ci. Sing ghing ang yung ah mawih ah mäih ah cun ah changshe gui cu kei naw ami khaw ungka ka la gui khai, kei naw Judah gui cu ngami ungka ka gung gui khai.

EZEKIEL 32:29

“Edom cu a ghangpughang gui la uktu gui awn a cu ah om ci gui. Ngami cu huham ah ciah gakap gui ah kyak ci, cun ung phi ngami cu, ng’tuk nak ung ami ngawn gui ah vun-ah nak kä bik ci gui awn atäng ah sih nak ah khaw ung ng’zän ci gui.

ISAIAH 21:11

Shin cu Edom ah mawng thumkhäh ah kya ci. Edom ung ka tumat mat naw na khü ci, “Ngäng ci aw, khawmü cu a i hawkehaa ng’pyi khai aw? A i chawk cha a ng’pyi vai cu kei am vam thin ä.”

NG’ÄI KYAH 4:21

Gaih vä, Edom la ung chang gui, Nami leigai phi gawk lawk cinei, nangmi cun phi nami k’plui ah lüng’a ne nami kyu shüi shüi khai nei.