Biblia Todo Logo
Bib sou entènèt

- Piblisite -




JEREMIAH 49:36 - Cho Bible Common Language 2016

36 Kei naw akit gui avan ung Elam cu khi khai ah khokhi ka pyang khai ani ah chang dawng gui ah kä gawk nak ah khopäng kä a om ba güt ung ani ah chang gui cu kho nü ung ka püi sak gui khai.

Gade chapit la Kopi




JEREMIAH 49:36
18 Referans Kwoze  

“Ami kala-uk gui la ami vuhchah gui avan la vä! kei naw ami lu ak tawi ah k’teiu ci gui cu akit päng ung püi pawng sak gui ne, ngami ah khan ah akit pang ung leigau ka law püi khai nei.


Cun kawn ah khankho chang paphli cu khomdek khocawi akit phli ung ng’düi u sei ka hmu gui ci. Ngami naw m’dek khan, tuinu ah khan la singghing gui cun phi khawkhi naw kä yon hlawt khai ah k’pang ci gui.


“Kei naw thumkhän pe ne, Israel chang gui cu chüdawn ung htang chü ah mäih ah ka chü gui khai. Kä chang nak ci phung vai yawp vai ah changpakhui gui ah ng’lung ah ka chü gui khai.


Me cu m’gäi law pi pi ne, a huham a hlüng law pi yah ung, a ki cu hnget ci. A cun ah hnün ung a ki phli ah law law ba ci, cun gui cu ahei täng bäng bäng ah mang ci gui.


Ak hnu ah Jerusalem ung nupa gui naw ami hta gui ei khai gui, ami hta gui naw ami nupa gui ei khai gui. Kei naw nangmi cu ning m’kyuk gui ne, ghin ne om ba ci gui cu alam pän gung ka n ing püi pyang sak gui khai.


Kei naw nangmi cu ka ning gai ba sak gui khai; nami hmaleim cu ka m’tui khai, Cun ung phi nami ga gui naw, “Zion cu nawng ci gui nei, ani m’htei khai a u kä om ci nei” cik khai gui. Kei, Bawipa naw ka pyen nei.”


Cun ung phi a huham a hlüng pikbäih sangung ani ah uknak khaw cu she ne, phli ah ng’bou khai. Ani ah ng’shon ah kä kyak ciah ghangpughang gui naw ani ah hnün ung uk khai gui. Cun ung phi ngami cu ani ah mäih ah kä huham mah khai gui.


A htük ah a ki a hnget nak ung lut law ba ciah a ki phli ci cu, cun ah khaw ng’pai neta dang lawk khai ah uknak khaw phli ah kyak ci. Cun gui cu a htük ung uknak khaw ah mäih ah kä gaigawng khai gui.


Nami Chang gui ung bum thum bum ät cu gawpyam nak la ei ah cawi ne mang gaw kyong ah sik khai gui; bum ät cu mang gaw k’pung ah khimsem awn tupit gui khai gui; bum ät cu khokhi ung m’shou ne kei naw khimsem awn k’täm ne ka tu gui khai.


Lik ciah Bawipa, a chang Israel gui omktu kho ak ka law püi ba gui ci naw, shai tak ci, a hei chang gui phi ngami ung ng’dawn law tuk khai gui ah law püi gui khai.


Cun ah hnüüp a gawk law ung, Assiria la Egypt kho ah amktu ah om tuk ciah Israel gui avan cu khünak ba gui ah k’phyung puuk cu tum vai nei. Ngami cu law u ne, theing ciah m’htung, Jerusalem ung Bawipa cu khawihnah khai gui nei.


Püipyang ciah Israel la Judah chang gui, khomdek khan khawkit phli ung ka, a law püi ba gui, atäng ah akbum ba gui amdang nak ah, Bawipa naw m’hnüt nak alan cu m’tho khai nei.


Khanpughi naw Jerusalem mang gaw cu co ba ci; akho hei ah ami k’täm gui cu law püi ba gui ci.


“Bawipa naw nangmi cu pakhui avan ah ng’lung ah nik püi gui khai. Khomdek vang cawi ah ka naw vang k’cawi ah nami khüt khai. Acu ah nangmi naw sing ni, lung ni awn pyan ah khanpughi gui ah bii nami bik khai, cun gui cu nangmi la nami pupa gui naw kä ami khawihnah man ah kyak ci.


“Bawipa naw nami ga gui am nangmi ah khan ah näng nak pe gui khai. Nangmi naw lam tumat ung hteit ne nami tu gui khai, cun ung phi ngami ungka lam avan ung nami dawng khai. Nangmi ah khan ah cun ah a kyak law gui cu, khomdek khan ah chang avan naw hmu u neta cäicat khai gui.


Ani naw, “Ngami cu khokhi mawng phli ah kyak ci gui, m’dek khan avan khäm ciah Bawi ah ma ungka tuhbäi lawk ci gui ah kyak ci.


Swiv nou:

Piblisite


Piblisite