JEREMIAH 49:32 - Cho Bible Common Language 2016

³² “Ami kala-uk gui la ami vuhchah gui avan la vä! kei naw ami lu ak tawi ah k’teiu ci gui cu akit päng ung püi pawng sak gui ne, ngami ah khan ah akit pang ung leigau ka law püi khai nei.

JEREMIAH 49:32 Referans Kwoze

EZEKIEL 5:10

Ak hnu ah Jerusalem ung nupa gui naw ami hta gui ei khai gui, ami hta gui naw ami nupa gui ei khai gui. Kei naw nangmi cu ning m’kyuk gui ne, ghin ne om ba ci gui cu alam pän gung ka n ing püi pyang sak gui khai.

JEREMIAH 49:36

Kei naw akit gui avan ung Elam cu khi khai ah khokhi ka pyang khai ani ah chang dawng gui ah kä gawk nak ah khopäng kä a om ba güt ung ani ah chang gui cu kho nü ung ka püi sak gui khai.

EZEKIEL 5:12

Nami Chang gui ung bum thum bum ät cu gawpyam nak la ei ah cawi ne mang gaw kyong ah sik khai gui; bum ät cu mang gaw k’pung ah khimsem awn tupit gui khai gui; bum ät cu khokhi ung m’shou ne kei naw khimsem awn k’täm ne ka tu gui khai.

THULÄÄN NAK 28:64

“Bawipa naw nangmi cu pakhui avan ah ng’lung ah nik püi gui khai. Khomdek vang cawi ah ka naw vang k’cawi ah nami khüt khai. Acu ah nangmi naw sing ni, lung ni awn pyan ah khanpughi gui ah bii nami bik khai, cun gui cu nangmi la nami pupa gui naw kä ami khawihnah man ah kyak ci.

JEREMIAH 9:25

Bawipa naw pyen ci, “Kei naw shin ah chang gui ka m’kyuk nak gui vai ah akhin cu gawk lawk ci nei: Egypt, Judah, Edom, Ammon, Moab, la khong gau kho chang gui, ngami cu ami lu ak tawi ah k’teiu ci gui ah kyak ci. Shin gui ami van cu ami vun-aat ci gui ah kyak ci, cun ung phi acun dang sak ciah thukhän cu ngami naw kä k’pang ci gui. Shin ah chang gui la Israel chang gui a u naw phi kei ah thukhän kä k’pang ci gui.