Biblia Todo Logo
Bib sou entènèt

- Piblisite -




JEREMIAH 49:3 - Cho Bible Common Language 2016

3 Heshbon chang gui, kyap vä! a ih cu m’di pyi ci gui nei! Rabbah hnumi gui thüikyap vä! Sui she sui ne thüisei vä. Ng’gogan ne dawng vä. Nami khanpughi molek cu ak taigü gui la amang hta gui awn atäng ah om ktu ah hteh püi ci gui nei.

Gade chapit la Kopi




JEREMIAH 49:3
28 Referans Kwoze  

“Moab, nang cu na thagui la na khawh cham na ngaih u ci, cun ung phi tuhbäi nang cu ning hnim khai gui; Nami khanpughi chemosh cu a manghta gui la a taigü gui mah ah omktu khaw ah hteit khai gui


Ngami ami van naw ami lu k’teiu u ne ami m’khamu phi k’teiu ci gui. Ngami ami van naw ami kut aat u ne, chang nü naw suishe sui ci gui.


Dibon chang gui cu agup ah pei ah kyap khai gui ah khawgui ah hang kai ci gui. Moab chang gui cu Nebo la Medeba mang gaw gui ah phah ah thüi aih u neta; ami lumu k’tei u ne m’khamu cu m’sei ci gui.


M’gäi ciah Bawipa Israel khanpughi naw pyen ci, “kei naw Amon, Thebes gui ah khanpughi cu, Egypt gui ah khanpughi gui la ghangpughang gui awn atäng ah ka m’kyuk khai. Kei naw Egypt ghangpughang la ami yum ciah chang gui avan cu la ne,


Cun ah kyasei sui k’she sui ne, kyap ne m’lau vä, a i ah kyasei ci ung Bawipa ah m’lungshe nak naw Judah cu kä ng’hlah tak ci nei.


Jerusalem a kiangtäng la oliv m’htung a htumtäng ung Shemshai-agup gui khawihnah nak vai ah ghangpughang Solomon naw a caw ah sonkiang gui cun phi Josiah naw sheshui sak ci — cun gui cu Sidon khanpughinu Astarte, Moab khanpughi Chemosh, Ammon khanpughi Moleck gui ah kyak ci.


Kei naw acun ah ka bi lawk khai, a i ah kya se ci ung Solomon naw kei cu na hnungtuk püi ne a khaw hei khanpughi gui a khawihnah ah phäh ah kyak ci: cun gui cu Astarte Sidon khanpughinu; Chemosh, Moab khanpughi; Molek, Ammon khanpughi ah kyak ci. Solomon naw kä na ngai ci; ani naw chei khai ah bik ci, apa David ah mäih ah kei ah ka thukhän gui la thumkhän gui cu kä k’pang ci.


Ani naw Sidon ah Khanpughi hnumi Astarte la Ammon ah shemshai ciah Khanpughi Molek cu khawihnah ci.


Bühmang ciah chang gui kei ah thu cu na ngai vä! Nami khan ah gawk lawk khai ah geinvai nak vai ah hmawk ah thüi ne kyap vä!


Im khan ah kai ne khohni ni, cha ni, aisi ni khawihnah ci gui phi ka m’di gui khai. Kei na khawihnah ne bekhüt pang te ne phi, Milak khanpughi ah ming la ba cicu ka m’di khai.


Ami ghangpughang la ami bawi gui cu omktu khaw ah hteit khai gui.”


Babilonia cu ang ghit ah yung kyak ci, ami m’di ah kyak ci! Acun ah phäh ah thüisei vä! Aleim ah phäh sei shui vä, m’tui ung khan ei hman khai nei.


Shin cu Ammon ah amawng Bawipa naw a pyen ah kyak ci: “Israel chang gui a hawi ang? Ami khaw ghung khai a u kä om ne ma? A i ah kyasei kat pakhui gui ah khopäng cu molek khawihnah ci gui am khäm sak gui na ami om sak gui ang?


“Ngami naw ning m’shan gui khai, ‘Moab cu ng’kiak pyi ci nei, ani ah phäh ah kyap vä, ani cu thüisei ci nei. Moab cu di pyi ci nei ci ne; Arnon tuinu lawng yung ung ng’shäu vä!


Moab ah bämang nak cu maih pyi ci. Ga gui naw Heshbon cu tu ne khäm u ne, Moab khui khaw m’di vai ah pawng ci gui nei. Madmen gawnu cu kä shipdeep khai nei; gakap gui kai law ne tuk khai gui nei.


Bawipa naw a chang gui pyen na gui ci, “Suishe sui ne m’vut ung ng’hleeo vä. A Htapa tumat bäng ah phäh ah thüi kyap ciah mäih ah nami phlitui cha ne thüi gyap vä, a i ah kyasei ci ung law ne ning m’di gui khai ah chang tumat naw ang ghit ah ning tu law gui khai nei.


Thüisei vä, nangmi Phoenicia chang gui! Spain khaw ah phyawng ne nami gawk vai ah tha na vä!


Shin cu Tire gawnu ah mawng thumkhäh ah kyak ci. Thuinu ah khan ung gawk ciah htinpawkläk gui! Thüisei vä! Nami im gawnu Tire cu dipyi ci nei; a cun ung im gui la tukkem im gui cu she pyi ci nei. Nami htinpaw Caiprus ah ka a law ba ung nangmi naw cun ah mawng nami hmat ci nei.


Moab chang gui cu khüikha nak ung ami yaica ah phäh ah thüikyap khai gui. Ngami naw Kir Heres mang gaw ung ami ei man ah ei k’ni ami shüm law ba ung, ngami cu ami van kyap khai gui. Ngami cu ang ngaih u ka ah kyak khai gui.


Philistin mang gaw gui avan, ning m’hteihtang gui khai, kyap ne khü vä! Nami van kyikyawk vä! Khameiah thawk ciah m’vut cu a siiptäng ah ka lawk ci nei — Cun cu chang kyi kä ng’caw ciah gakap ma ät ah kyak ci nei.


M’neh m’awk ne ng’hlo ei vü! Bawipa ah kho hnüüp cu ng’et ci nei, m’gäi ci naw m’di nak a law püi nak ah hnüüp nei.


Joshua naw Ai cu mei awn m’khih ne, di sei nawng shüt ci. Cun cu tuhngawi güt acun ah mäih ah kyak ci.


Joshua naw chang amshah cu Jerikho ungka naw A i ah tüi gui ci. Cun cu Bethela ah akyang täng, Bethaven ah pei ah mang gaw ah kyak ci, hteit ne cun ah khaw ami däät vai ah thukbäi ne a tüih gui ah kyak ci. Acun ah hteit ne ami bi kawn ah,


Bawipa naw Joshua a pyen nak cu, “Gakap gui avan hteh püi gui ne A i ah nami hang kai vai, kä nami kyih vai, nami tha kä a ken vai. A i ghangpughang ah khan ah näng nak kei naw ka ning pe gui khai. Ani ah a chang, a mang gaw la a khaw cu nangmi ah kaa ah kyak khai.


Khaw kum ung khaw cing khaw a gawk law ung ghangpughang gui cu ng’tuk nak ah hteit ci gui, cun ah kyasei David naw Joab la a bawi gui la Israel gakap gui cu tüi gui ci; ngami naw Ammonit gui cu tu hnim u ne, Rabbah mang gaw cu khaai ci gui. Cun ung phi David amät cu Jerusalem ah om ci.


Swiv nou:

Piblisite


Piblisite