JEREMIAH 49:29 - Cho Bible Common Language 2016

²⁹ Ami phung gui la ami htomak gui, phung ung zihdung gui la phung kyong ah om ci nü cu la vä. Ami kala-uk gui phi la u neta chang gui m’thein vä, “kyihshe ci naw ning koi gui ci nei” cine chang gui kyak na gui vä.

JEREMIAH 49:29 Referans Kwoze

JEREMIAH 46:5

“Cun ung phi a i ang ka hmuh?” cine Bawipa ka ng’shik ci. “Ngami cu kyih nak vai täng ah ng’hlat ci gui nei. Ami gakap gui ami m’ghuih gui nei; kyih nak awn ami näng gui nei, ngami cu ami dawng hningah dawng ci gui nei. Ami hnu ah kä mang ba ci gui nei.

JEREMIAH 6:25

Keimi cu gawhta ung ah kä kami hteit ci, lam gui ung kä kami hteit ci, a i ah kyasei ci ung kyih vai kyak ciah likhim kawt ciah kami ga gui naw ami na koi gui ah phäh ah kyak ci.”

HABAKKUK 3:7

Kuhshan chang gui cu kyi u ne, Midian chang gui cu ng’hlet u sei ka hmu gui ci.

SAM 120:5

Nangmi ah ng’lung ah om cu Meshech khaw la Kedar chang gui ah ng’lung ah om tu ah mäih ah shek ci nei.

2 KORIN 7:5

Macedonia kho ah kami gawk law kawn ah phi kami ng’düm nak kä om ci; yaica nak akda kami aut ci, chang gui ah ng’tuk ng’vauk nak akda om sei, ang htei ah kami kyikyawk ng’ä ng’ai ci.

2 KORIN 4:8

Mikmi cu ashäng shäng mi yaica ung phi kä mi ng’pyäuh sagei ci; ak hngü ät mi khüi khaa ung phi, m’lung kä thüi ci;

JEREMIAH 49:24

Damaskas ung chang gui cu ami k’tha ken sei kyi ne dawng ci gui. Ngami cu anau poi m’neh ciah hnumi ah mäih ah na sei m’neh ci gui.

JEREMIAH 10:20

Mi k’pyu gui cu she yawp ci nei; k’pawn nak ah gui gui phi pit ci nei. Mi htanau gui cu hteit yawp ci gui; mi phung gui co ba khai a u kä k’pawih ba ci nei; yih dung gui bat ba khai phi a u kä om ba ci nei.”

JEREMIAH 4:20

Leigai tumat naw tumat läk lawk ci; Khopäng avan dishum ci. Ang ghit ah ka mi phung gui cu di ci; zihdung gui cu tek ne ng’phyit ci.

ISAIAH 60:7

Kedar la nebaioh ah ka htome avan cu, khawihnah nak vai ah nang ah law püi khai gui nei, Bawipa ah zeikiai nak ah sonkiang ung douthak vai nei. Bawipa naw ak Taigü im cu ayanä ah ta bämang pi khai ah bik khai nei.

ISAIAH 13:20

A cun ung angawi ah phi a u kä om ba khai, A u Arab chang ng’vak shüi ci naw phi acun ung phung kä tuk khai, a u htoshain naw phi cun ung htome kä chah khai.

SAM 31:13

Gaa akda naw ami na hngen shai nak cu ka ng’yak ci, kyih she vai naw na koi ci nei. Kei na hnu ng’tuk püi khai gui ah pawng püi ci gui nei. Kei na ngawn khai gui ah ng’ge ci gui nei.

JOB 1:3

Ani ung htome phya chih kip, kalauk phya thum kip, seipat phya gha la ng’sela phya hma om ci. Anu ung a changshäm phi akda om ci, Ani cu ak kyang täng ung ang bühmang pi ah kyak ci.

SUKI GUI 8:26

Ghui hnga-naak gui Kideon naw a gah cu pit phli-kip vai lawk ci, acun ung cüiche gui, äh awi gui, la Midian ghangpughang gui ah awi ng’vai sui k’ni gui, ami kalauk gui ah hnü ung ami m’awi ah sampai gui kä pa ci.

SUKI GUI 8:21

Zebah la Zalmunna naw Kideon am, “Law ä, namät naw na ngawn gui ä, Ang vai ah bi cu ang vain aw abi vai ah kyak ci nei. Cun ah kyasei Kideon naw ngawn gui neta ami kalauk ah hnügawn ung ami cüiche nak gui cu lak ci.

SUKI GUI 7:12

Midianit, Amalekit la ng’kyang ah om ciah pakhui chang gui cu khanpeh mät ah mäih khonawi ung püipyang ci gui, ngami ah kalauk gui cu tuinu kem ah laigin chü ah da ci gui.

SUKI GUI 6:5

Ngami cu ami vuhchah gui la ami im gui am lawk ci gui, khanpeh ng’nawng ah mäih ah da ci gui. Ngami la ami kala-uk gui kä khei tai vai ah da ci gui. Ngami cu law ne cun ah khaw cu m’dimshum cu gui.

ATÜNNAK 37:25

Cun kawn ah ei ami ei yah ung Ishmaela ah chang bum gui cu tui ng’ui sing pli gui kalauk am k’phuih u ne, Kilead khaw ah kaa Egypt khaw ah hteit khai gui ah law u sei hmuk ci gui.

JEREMIAH 49:5

Kei naw nangmi ah khan ah akit päng ung kyih vai ka law püi khai nei. Nangmi nami van nami dawng khai nei. Nangmi tumat ci cu nami hnun phiawn püi ne nami dawng khai, nami gakap gui bum ba gui khai tumat phi kä om khai nei.