JEREMIAH 49:24 - Cho Bible Common Language 2016

²⁴ Damaskas ung chang gui cu ami k’tha ken sei kyi ne dawng ci gui. Ngami cu anau poi m’neh ciah hnumi ah mäih ah na sei m’neh ci gui.

JEREMIAH 49:24 Referans Kwoze

MATTHE 24:8

cun gui cu gawk lawk khai ah yaica nak gui vai ah, lam ma lawk ciah kyak ci.

ISAIAH 13:8

Ngami cu ami van kyikyawk u ne, hta law khai ah hnumi ah mäih ah m’neh khai gui nei. Ngami kyin nak ann ng’teng tu u ne, ngami ah hmai cu ng’aa nak naw ui khai nei.

JEREMIAH 6:24

Jerusalem chang gui naw pyen ci gui, “Keimi naw cun ah mawng kami ng’yak ung, kami kut cu caai ci; keimi ung natnak gawk law sei, hta lawk khai ah hnumi naw a poi am neh ah mäih ah kami m’neh ci.

JEREMIAH 50:43

Babilonia ghangpughang naw cun ah mawng ng’ya neta, a kut phi kä hnün hlawt ci. Ani cu amlung nat sak sei, anau poi m’neh ciah hnumi ah mäih ah m’neh ci.

ATÜNNAK 3:16

Ani naw hnumi phi, “Kä mah ne na yaica nak cu ka shou sak khai, na hta ung geinvai ne na ng’khokhüt khai, na cei ah pyen ah om ne, na cei ah uknak ah kaa ah na om khai.

JEREMIAH 4:31

A nau poi m’neh ciah hnumi ah kyah k’aw, hta htük ciah hnumi ah m’lau ah k’aw ah mäih ah k’aw cu kei naw ka ng’yak ci. Cun cu bawng ne ng’khlet ciah Jerusalem ah k’aw ah kyak ci, ani naw a kut shäng neta a pyen cu, “Kei ka ng’ziin ci nei! Ngami naw law ne na ngawn khai gui nei!”

JEREMIAH 30:6

Tuhbäi ng’düm ne ngai vä! Pami cu hta hning khai ang? A i ah kyasei pami gui päng naw anau poi m’nek ciah hnumi ah mäih ah ami poi ah khan ah ami kut taih u sei, ka hmuh gui ang? A i ah kyasei Chang nü ami ng’hum aih ang?

JEREMIAH 48:41

gawn gui la mang pang gui cu tu ne khäm khai gui. Cun ah hnüüp ung Moab gakap gui cu anau poi m’neh ciah hnumi ah mäih ah kyi kyawk khai gui nei.

JEREMIAH 49:22

Hmu naw angphia k’phiant ne amtawn ah mäih ah ga gui naw Bozrah cu tuk khai gui. Cun ah hnüüp ung Edom gakap gui cu anau poi m’hneh ciah hnumi ah mäih ah kyi kyawk khai gui.”

JEREMIAH 49:29

Ami phung gui la ami htomak gui, phung ung zihdung gui la phung kyong ah om ci nü cu la vä. Ami kala-uk gui phi la u neta chang gui m’thein vä, “kyihshe ci naw ning koi gui ci nei” cine chang gui kyak na gui vä.

JEREMIAH 49:37

Kei naw Elam chang gui cu ngami ngawn gui hlük ciah ami ga gui ami kyih gui vai ah ka ci gui khai. Kei naw Elam chang gui cu dämduh ciah hnungtuk gui khai ah ka gakap gui ka tüi gui khai.

HOSEA 13:13

Israel gui cu ghin nak vai chaw nak ci gui. Cun ung phi cun ami lak vai ah ang aih ci gui — Hta nak vai ah akhin ah kyasei phi puk ungka aluh law vai ah mak ciah a hmaw awn täng ci gui.

MAKUH 13:8

Chang pakhui tumat la tumat, kho päng tumat la tumat ng’tuk bi nak om khai. A kho pääng ung shihpi thüng khai, ei awk vai maih ne kho yo khai. Cun gui cu hta lawk khai naw nau poi am neh law ma ah mäih ah ma lawk khai ah dukdeiu nak ah kyak khai.