JEREMIAH 49:23 - Cho Bible Common Language 2016

²³ Shin cu Damaskas ah amawng Bawipa naw a pyen ah kyak ci: “Hamath la Arpad mang gaw gui ung om ciah chang gui ng’ä ai ne khüi kha ci gui, a i ah kyasei ci ung ngami naw thushe ami ng’yak ah phäh ah kyak ci. Tuinu ah khan ah tui ang hnawh ah mäih ah ami khan ah kyasei ngami cu kä ng’düm hlawt ci gui.

JEREMIAH 49:23 Referans Kwoze

ISAIAH 10:9

Kei naw Kalno la Karchemish mang gaw gui, Hamath la Arpad mang gaw gui, ka näng ci nei. Kei naw Samaria la Damaskas cu ka näng ci nei.

2 GHANGPUGHANG GUI 18:34

Hamath ah Arpad khanpughi gui cu tuhbäi a hawi ang? Sepharvaim, Hena la Ivvah khanpughi gui cu a hawi ang? Samaria cu hun hning khai om ne ang?

ISAIAH 57:20

Cun ung phi chang shekha gui cu kä ng’dümphung ciah tuinu ah mäih ah kyak ci, awn ah tui hnawk cu kä düm phung ne ng’hlat ne, ng’än la ng’sawp u law püi ci.

ATÜNNAK 14:15

Acu ah gawk u neta, a chang gui k’paai gui ne, mü ah ga gui cu tu ne m’khüt gui ne, Damaskas khaw siip Hobah gawnu ah khüt ne k’täm gui ci.

NAHUM 2:10

Nineveh cu di ci, shum ci, shiu ci! M’lung avan kyi ne ng’tum ci, M’khuuk phi ng’hlet ci, Thagui avan maih ci, Hmai phi thui ne ng’aa ci.

2 GHANGPUGHANG GUI 19:13

Hamath, Arpad, Sepharvaim, Hena la Ivvah mang gaw gui ah ami ghangpughang gui cu a hawi ang?”

KHEI NAK 13:21

Ngami cu a siiplam ah hteit u ne, Zin khaw bung ungka naw a htumtäng lam avan Rehob ung khüt ne Hamath a siip ah hteh nak lampei avan ung ng’däät ci gui.

ATÜNNAK 15:2

Abram naw, “Uk ciah Bawipa, a i m’cümhnah ang, kei am na na pek kaw, kei cu ka hta kä om sei, Damaskas ah kaa Eliezer naw ka pakhui m’düng ci nei.

2 KORIN 11:32

kei cu Damaskas ung ka om yah ung Aretas ghangpughang ah ‘Ka ungka bawi naw, kei cu ami na phaa vai ah m’kawt cu ngäng sak gui ci.

LAMKTU 27:20

Keimi cu kho hnüüp ak shou hni chaa, aisi kä kami hmu ba ci, kho phi ak tä ah khi laih laih ci. Ak hnu ah keimi cu kä ghin pyi ah ngai ne kami thagui maih yawp ci.

LAMKTU 9:2

Bawipa ah hnu läk ciah hnumi, pami avan a hmuh ung phah neh Jerusalem ah alaw püi nak hning vai ah ap nak ah ca cu, Damaskas ah pum im gui ah ami guk vai ah vah pyein ci.

AMOS 6:2

Hteit ne Kalaneh mang gaw cu teng vä. Cun kawn ah däm ciah Hamath mang gaw ah hteit vä, Philistin mang gaw Kath ah phi hteit vä. Ngami cu Judah la Israel ah uknak khaw ah mä bä tuba u ne ang? Ami khawpäng cu nangmi ah mä ng’shawng tuba ne ang?

ISAIAH 37:13

Hamath, Arpad, Sepharvaim, Hena la Ivvah mang gaw gui ah ami ghangpughang gui cu a hawi ang?” ciah kyak ci.

ISAIAH 13:7

Chang pang ah kut cu hnaam yawp ne, chang pang ah tha yung kyak ci nei.

ISAIAH 11:11

Cun ah hnüüp a gawk law ung, Bawipa naw a huham cu mang ba mä ne, Assiria la Egypt ung ami nawng shüt gui ah a chang gui cu law püi ba gui khai, Pathros khaw, Sudan khaw, Elam khaw, Babilonia khaw la Hamath khaw la tuiyung khaw gui la tuinu ah khawtang khaw gui ung om shüt ci gui ah kyak ci.

2 SHONTÄP NAK 16:2

Cun ah kyasei Asa naw, Taigüim la mang im kyong ah m’küm ung ka ngui gui cu la ne, Damaskas ah Sirian ghangpughang Benhadad am, shin ah ng’thu awn m’khäh ne m’khäh ci:

2 GHANGPUGHANG GUI 17:24

Assirian uktubawi naw Babilon, Cuth, Ivvah, Hamath la Sepharvaim mang gaw gui ungka chang gui cu la gui neta, omktu ah om ci gui ah ami hnün, Samaria mang gaw gui ung ami om nak vai pe gui ci. Ngami naw cun ah mang gaw gui cu ka na u ne, a cun ung om ci gui.

1 GHANGPUGHANG GUI 11:24

bung ah om ci gui ah ami ng’vai ah kya lawk ci. (Shin cu David naw Hadadezer cu hnim ne, ng’khawt ci gui ah Sirian gui a ngawn gui kawn ah kyak ci.) Rezon la a chang gui cu Damaskas ah hteit ne om ci gui, a cu ah ani cu Siria ghangpughang ah m’hmoh ci gui.

2 SAMUEL 17:10

Phong kawng ah mäih ah kä kyi ne nget pi ciah chang gui phi kyik khai gui nei, a i ah kyasei ci ung Israel khaw ung chang avan naw, napa cu m’gäi ciah gakap, a chang gui cu ng’näng ciah ng’tuk bi gui ah hmat ci gui nei.

2 SAMUEL 8:9

Hadadezer ah gakap gui avan David naw a hnim cu Hamath ghangpughang Toi naw ng’yak ci.

JOSHUA 14:8

Cun ung phi kei awn a täng ah kami hteit ciah chang naw mi chang gui kyikyawk khai gui ah bik ci. Cun ung phi kei naw Bawipa ka Khanpughi cu bekhüt ne ka läk ci.

JOSHUA 2:11

Cun gui kami ng’yak vai am keimi cu kami kyik ci nei, nangmi ah om ah keimi kami thagui maih yawp ci nei. Bawipa nami Khanpughi cu khankhaw la shin ah m’dek Khanpughi ah kyak ci nei.

THULÄÄN NAK 20:8

“Bawi gui naw chang gui ami pyen nak ba gui vai cu, shin ung a lu hnga ng’lat sei kyik ciah chang om ne ang? A om ah a kyak ung ani cu a im ah hteit ba sä. Kä cun ung ani naw chang hei gui ah m’lung hnga cu m’di gui khai nei.

PHYAWN NAK 15:15

Edom ah ami ng’vai gui cu cäi ng’ä ci gui. Moab gui ah chang m’gäi gui cu ng’hlet ci gui. Kanaan chang gui cu ami thagui maih ci.

2 GHANGPUGHANG GUI 5:12

Damaskas ah Abana la Pharphar tuinu goi cu Israel ah tuinu ah ta ni tuba ciah kä kya ne ang? A cun ung kei ng’si ne ka gai hning ciah maw” cik ci.

ISAIAH 7:8

kä kya hlawt phung khai: A i ah kyasei ci ung Siria cu amät ah mang gaw tung ah kya ciah Damaskas ah kä khüi ghat pi ci, Damaskas cu Ghangpughang Rezin ah ta kä khüi ghat pi ci. Israel gui cu khokum chuk-kip lei hma ah kyong ung, aktä ah ng’phye ne ng’gäi u ne pakhui khaw tumat ah kä kya ba khai gui.

ISAIAH 36:19

Hamath la Arpad ah ami khawpughi gui cu tuhbäi a hawi ang? Sepharvaim gui ah khanpughi gui a hawi ang! Samaria mä a u naw baw hun man ne ang!

JEREMIAH 39:5

Cung ung phi Babilonian gakap gui naw k’täm law u ne Zedekiah cu Jerikho khudo pei ah phak ci gui. Cun kawn ah ngami naw ani cu Ghangpughang Nebukhadnezzar ah hteh püici gui ani cu Hmah khopäng Riblah mang gaw ung om ci, acu ah Nebukhadnezzar naw ng’thumcha nak bik ci.

EZEKIEL 27:18

Damaskas chang gui naw nang ah khawh gui la m’hnüt m’cah gui cu, Helbon ah ka sapyit tui la Sahar ah ka htomemu awn hleih lawk ci gui. Ngami naw m’si-chaw la ang’ui gui awn phi nang ah khawh cu thawng lawk ci gui.