JEREMIAH 49:22 - Cho Bible Common Language 2016

²² Hmu naw angphia k’phiant ne amtawn ah mäih ah ga gui naw Bozrah cu tuk khai gui. Cun ah hnüüp ung Edom gakap gui cu anau poi m’hneh ciah hnumi ah mäih ah kyi kyawk khai gui.”

JEREMIAH 49:22 Referans Kwoze

HOSEA 8:1

Bawipa naw pyen ci, “Phyung puuk tum vä! Ga gui naw hmu ah mäih ah kei ah khaw cu m’tawn lawk ci gui nei. Ka chang gui naw ngami awn ka bi thukhän cu m’shet u ne, Kei ah m’theithang cu hnungtuk ci gui nei.

ISAIAH 13:8

Ngami cu ami van kyikyawk u ne, hta law khai ah hnumi ah mäih ah m’neh khai gui nei. Ngami kyin nak ann ng’teng tu u ne, ngami ah hmai cu ng’aa nak naw ui khai nei.

JEREMIAH 49:24

Damaskas ung chang gui cu ami k’tha ken sei kyi ne dawng ci gui. Ngami cu anau poi m’neh ciah hnumi ah mäih ah na sei m’neh ci gui.

JEREMIAH 30:6

Tuhbäi ng’düm ne ngai vä! Pami cu hta hning khai ang? A i ah kyasei pami gui päng naw anau poi m’nek ciah hnumi ah mäih ah ami poi ah khan ah ami kut taih u sei, ka hmuh gui ang? A i ah kyasei Chang nü ami ng’hum aih ang?

JEREMIAH 6:24

Jerusalem chang gui naw pyen ci gui, “Keimi naw cun ah mawng kami ng’yak ung, kami kut cu caai ci; keimi ung natnak gawk law sei, hta lawk khai ah hnumi naw a poi am neh ah mäih ah kami m’neh ci.

JEREMIAH 4:13

Teng vä, ga gui cu khongmei ah mäih ah lawk ci gui nei. Ami ng’tuk nak ah yatha gui koiphak ah mäih ah kya ne, ami ng’she gui cu hmu zong ah ta zangkhai tuba ci mikmi cu mi mäih pyi ci! Mi ng’ziin pyi ci nei!

THULÄÄN NAK 28:49

Khomdek ak cawi ah ka nang mi ning hnungtuk püi gui khai ah pakhui cu Bawipa naw law püi khai. Cun ah pakhui ah ng’thu cu nangmi naw kä nami hmat khai. Ngami naw hmu kiung ah m’tawn ah mäih ah ning m’tawn gui khai gui.

1 THESSALONIAN 5:3

“Chang gui naw a päng avan cu ding gei ne, om phyak ci nei,” ci ne pyein khai gui. Cun yah ung käü-mah ciah hnumi cu ang ghit ah anau poi am neh law ah mäih ah geinvai nak cu ang hgit ah gawk lawk khai nei. Cun cu chang gui naw kä phiawn ah hlawt khai gui.

DANIEL 7:4

Lut law htük cicu phongkawng ah mäih lawk ci, hmuu ah mäih ah ang phia gui om ci. Kei naw ka teng yah ung ang phya gui cu kiawi ne kya lawk ci gui. Khiküi cu tho law ne chang ah mäih ah ng’düi ci. Cun kawn ah ani naw chang ah m’lung ngaih ah mäih cu gah ci.

JEREMIAH 22:23

Nangmi cu Lebanon ah ka ami law püi ah cedar sing gui ah ng’lung ah phyawng m’htein ne nami om ci; cun ung phi m’neh nak naw a ning ci law gui ung a i hlawt ah ning m’gein gui vai ah kyak khai aw, cun ah natnak cun anau poi m’neh ciah hnumi ah m’hneh ah mäih ah kyak khai nei.

JEREMIAH 13:21

Nang naw na teihpüi ah na ngaih ah chang gui naw ning tu u ne ami ning uk ah a kyak ung a i ah na pyen khai aw? Nang cu the lawk khai ah hnumi ah m’neh ah mäih ah na m’neh khai nei.

JEREMIAH 4:31

A nau poi m’neh ciah hnumi ah kyah k’aw, hta htük ciah hnumi ah m’lau ah k’aw ah mäih ah k’aw cu kei naw ka ng’yak ci. Cun cu bawng ne ng’khlet ciah Jerusalem ah k’aw ah kyak ci, ani naw a kut shäng neta a pyen cu, “Kei ka ng’ziin ci nei! Ngami naw law ne na ngawn khai gui nei!”

ISAIAH 26:17

Nang, Bawipa naw keimi cu, anau poi m’neh ciah hnumi ah mäih ah na na kyah m’lau sak gui ci nei.

ISAIAH 21:3

Muimang ung ka hmuh la ka ng’yak naw kyinnak la natnak na pek ci nei, cun natnak cu a nau poi m; neh ciah hnumi ah m’neh ah mäih ah kyak ci.

SAM 18:5

Sihnak ah kyihnak naw na kiung ne; ng’cim hun naw cun awn na phak ci nei.

NG'THU K'THUUK~ 30:19

Khankhomik ung yong ciah hmu kyung, lung k’pou ung ng’yawi ciah k’phyu, Tuinu ah khan ah a lam shui ciah htinpaw, Ng’yumhni tuk ciah hnumi la pami.

ISAIAH 11:14

Ngami naw atäng ah akhei tang ung Philistin gui cu tu gui u ne, ak kyang tang ung om ciah chang gui cu guttep gui khai gui, Ngami naw Edom la Moab chang gui cu tu ne naing khai gui, Ammon chang gui naw ngami cu läk gui khai gui.

JEREMIAH 50:36

Hleei ciah a prophet gu ung sih nak gawk sä Ngami cu guk’tak aih ci gui nei! Ami gakap gui ung sih nak gawk sä ngmai cu kyi aih ci gui nei.

OBADIAH 1:9

Teman ng’tuk bi gui ng’thüng khai gui, Edom khaw ung gakap phung ngawn yawp vai nei.

JEREMIAH 50:43

Babilonia ghangpughang naw cun ah mawng ng’ya neta, a kut phi kä hnün hlawt ci. Ani cu amlung nat sak sei, anau poi m’neh ciah hnumi ah mäih ah m’neh ci.