JEREMIAH 49:2 - Cho Bible Common Language 2016

² Cun ung phi mang gaw tung Rabbah ung om ciah chang gui naw ng’tuk nak ah k’aw ami ng’yak vai ah kei naw bi nak vai ah akhin cu gawk lawk ci nei, cun cu m’di neta, pigaw hta gui cu mei awn m’khih m’deih vai nei. Cun kawn ah Israel gui naw lak pe gui te ciah chang gui ah ka ami khaw cu la ba khai gui nei.

JEREMIAH 49:2 Referans Kwoze

JEREMIAH 4:19

Nat nak! Nat nak kä ka m’khüt hlawt ci! Ka m’lung m’sin! Ka m’lung m’sin ng’tum ci nei! Kei adüm ah kä ka om hlawt ci; Kei naw phyung heng k’aw gui la, ng’tuk nak gui ka ng’yak ci nei.

EZEKIEL 21:20

Tumat naw Ammonit khaw Rabbah mang gaw lam cu tawk ci, a hei tumat naw Judah khaw khäng htek ciah Jerusalem mang gaw cu tawk ci.

THULÄÄN NAK 3:11

(Ghangpughang Og cu Rephain ung ak hnu bäih ah kyak ci. Ani ah ih phak nak cu lung awn ami pyan, ayun dawng 9, akdang dawng 4, akcang ah ami nüt nak ung lawk ci. Cun cu Ammonit mang gaw Rabbah ung tuh güt om ci.)

AMOS 1:14

Cun ah kyasei kei naw Rabbah mang gaw paang ah khan ah mei ka yuk chah khai, amang paang cu ka m’khih khai. Ng’tuk nak ah khaw hnüüp ung m’lau pyaan nak om khai, ami ng’tawh cu pui khokhi ah mäih ah ng’hmum khai.

2 SAMUEL 11:1

Khaw kum ung khaw cing khaw a gawk law ung ghangpughang gui cu ng’tuk nak ah hteit ci gui, cun ah kyasei David naw Joab la a bawi gui la Israel gakap gui cu tüi gui ci; ngami naw Ammonit gui cu tu hnim u ne, Rabbah mang gaw cu khaai ci gui. Cun ung phi David amät cu Jerusalem ah om ci.

JEREMIAH 49:1

Shin cu Ammon ah amawng Bawipa naw a pyen ah kyak ci: “Israel chang gui a hawi ang? Ami khaw ghung khai a u kä om ne ma? A i ah kyasei kat pakhui gui ah khopäng cu molek khawihnah ci gui am khäm sak gui na ami om sak gui ang?

SAM 97:8

Zion chang gui cu yei ci gui, Judah mang gaw gui cu yeikyai ci gui, cun cu düng ciah na m’khoi m’cha ah hmawk ah kyak ci nei, Bawipa.

SAM 48:11

Zion chang gui cu yeikyai u sä! Nang naw düng ciah m’khoichaa nak na pek ci; Judah mang gaw gui ung yeikyai nak om sä!

KHEI NAK 21:25

Cun ah kyasei Israel chang gui naw Amorit mang gaw avan khäm ci gui. Heshbon mang gaw la a pei yung ah gawnu gui avan khäm u ne, a cun ung om ci gui.

OBADIAH 1:19

“Judah a htum täng ah chang gui naw Edom cu khäm khai gui; akhei lam m’htung nawi ungka gui naw Philistia cu khäm khai gui. Ephraim la Samaria khopäng gui cu Israel gui naw kaa nak khai gui. Benjamin chang gui naw Kilead khaw cu lak khai gui.

KHEI NAK 10:9

Nangmi nami khaw ung ng’tuk a om law ah a kyak ung, ning tu law gui ciah nami ga cu, nami mät ng’gung ne nami hnungtuk püi vai. Shin ah phyungheng tum ne ng’tuk bi nak ah mawng nami m’dang vai. Kei, Bawipa, nami Khanpughi naw ning m’hteihtang gui ne, nami ga gui ungka ka ning phyawn gui khai.

THULÄÄN NAK 13:16

Acun ung om ciah chang gui ah khawh avan cu atäng ah nami law püi vai, gawnu ang lung ung nami bum vai. Cun kawn ah gawnu cu nami m’khih vai, acun ungka a päng cu Bawipa nami Khanpughi am douthak ah kyak ci. Cun cu dishum khai ah ngawiyä nawng vai. Api ah phi kä cawh kyan ba vai.

JOSHUA 17:11

Issakha la Asher ah khopäng kyong ungka Manasseh ah kaa gui cu Beth Shan la Ibleam ah kia ne, ami pei yung ah gawnu gui mah ah kyak ci. Acun ah mäih ah Dora (Tuikem ung tumat ah kyak ci), Endor, Taanach, Mekiddo, la ami pei yung ah gawnu gui mah ah kyak ci.

JOSHUA 17:16

Ngami naw, “Khawgui khaw cu keimi ah phäh ah kä ng’büh ci nei, cun ung phi khawdou ung om ciah Kanaanit gui ung m’si-yatha om ci, Beth Shan la a pei yung ah gawnu gui ung om ci gui la Jeyreela khaw nawi ung om ci gui ami van ah kyak ci.”

ISAIAH 17:1

Bawipa naw pyen ci, “Damaskas cu mang gaw ah kä kya ba khai; cun cu ng’phyek ci gui k’bum ah kyak khai.

ISAIAH 11:14

Ngami naw atäng ah akhei tang ung Philistin gui cu tu gui u ne, ak kyang tang ung om ciah chang gui cu guttep gui khai gui, Ngami naw Edom la Moab chang gui cu tu ne naing khai gui, Ammon chang gui naw ngami cu läk gui khai gui.

EZEKIEL 21:25

“Nangmi chang shekha, kä theingcim ciah Israel uktu gui, nangmi ah hnüüp, nangmi ak hnu ah ning m’kyuk nak gui vai cu gawk lawk ci nei.