JEREMIAH 49:19 - Cho Bible Common Language 2016

¹⁹ Jordan lawng yung bungpuk sing hmu, khu m’kim ung ka lut lawk ciah phong kawng ah mäih ah kei cu law neta, Edomit gui ami khaw ungka ang ghit ah dawng khai gui ah ka ci gui khai. Cun kawn ah kei naw ka ghü ah ang vai gui naw pakhui cu uk khai gui. Kei awn m’täng vai a u om khai ang? Kei na ng’küknet püi khai a u om khai ang? A u uktu naw kei na hnungtuk püi hning khai ang?

JEREMIAH 49:19 Referans Kwoze

JEREMIAH 12:5

Bawipa naw pyen ci, “Jeremiah, chang gui awn ng’läng na u ne, na cümbawng ah a kyak ung, ng’se gui a i cha ah na ng’längna püi gui khai aw? Nang cu khaw ng’piä ung kä na ng’düih hning ah a kyak ung, Jordan tuinu pei bung puk ah a i hawkcha na ng’düi khai aw?

JEREMIAH 30:21

Ami uktu cu ami mät ah pakhui ungka lawk khai, Ami manghta cu ami mät ah Chang ungka lawk khai. Kei naw ani ka khü ung ani naw kei nak et lawk khai, Kei naw kä ka khü ung a u cu ng’et lawk khai ang? Ngami cu kei ah Chang ah kyak khai gui, kei cu ngami ah khanpughi ah ka kyak khai. Kei, Bawipa naw ka pyen nei.”

JOB 41:10

Cun ah k’sam nu cu am lung thawh law ah akiyak ung, kyih aih vai kyak ci nei. A u phi ani ah ma ah kä ng’düi dat cinei.

JOB 9:19

Ling ne ka k’tha nak khin naw? Khanpughi ah khan ah? Taga yung ah ka ng’khah pui khin naw? A u naw ani cu yung ah ceh sak hning khai aw?

PHYAWN NAK 15:11

Bawipa, khanpughi gui ah ng’lung ah nang ah mäih om ne ang? Cäicat vai ah theingciim ci nang ah mäih om ne ang? Nang ah mäih ah cäi aih vai bi ne m’gäi ne hnüntho ci om ne ang?

THU PHLAAN 6:17

Ngami ah m’lungshe nak ah khaw hnüüp gawk law pyi ci nei, cun cu a u naw ng’düi ne awt hlawt khai yaw?” cine ng’khü ci gui.

ZEKHARIAH 11:3

Uktu gui cu ng’pyang ne kyap ci gui; ami bämang nak cu ng’pyi pyi ci. Phong kawng gui ah m’ngaw cu ngai vä, Jordan lawng yung ah ami hmun khaw cu di pyi ci nei.

NAHUM 1:6

Ani am lungshe ung a u ghing ba hning khai aw? Kyih shek ciah am lungshe nak ung a u om hning khai aw? Ani naw mei ah tawt ciah am lungshe nak am hluh Law ung kheng lung cu thüng ne ama ah m’vut ah kyak khai gui nei.

JEREMIAH 4:7

Ang thuh nak ah hmun ung ka lut lawk ciah phong kawng ah mäih ah, pakhui gui m’di khai cu lut lawk ci nei. Judah mang gaw gui cu dishum sei nawng vai nei, acun ung a u phi kä om ba khai nei.

ISAIAH 40:25

Theingcim ciah khanpughi cu a u awn m’täng hning vai aw? Ani awn täng ci a u baw om ne ang?

SAM 143:2

Na na changshäm cu yung ah m’kawt ung kä na cha en ä; Nang lam ah theingcim ci a u kä om ci nei.

SAM 89:8

M’gäi ciah Bawipa Khanpughi, nang ah mäih ah m’gäi ci a u kä om ci nei. O Bawipa, a mawng avan ung nang cu na bekhüt ci nei.

SAM 89:6

Bawipa, khankho ah nang ah mäih tumat phi kä om ci; Nang awn täng ciah khankho chang a u kä om ci.

SAM 76:7

Cun ung phi nang Bawipa cu van naw ning kyih ci nei. Nang na m’lung she yah ung na ma ah a u kä ng’düi hlawt ci nei.

JOB 9:21

Kei cu ka theing ci, cun ung phi a u naw kä na shum ci. Kä ka ghin ba hlük ci. Chang ni phi changshe phi Khanpughi naw m’di ci.

1 SHONTÄP NAK 12:15

Khawkum ah akhtükbäih cha ung, Jordan tuinu kam ung be ne adäm yah ung, ngami naw tui heik kat u neta, tuinu ah akhei, ak kyang khongnawi ung om ciah chang gui cu k’püi ne dawng sak gui ci gui.

KHEI NAK 16:5

Cun kawn ah Korah la a hnu ah läk ci gui am pyen na gui ci. “Ngawi ung khaw ngawi Bawipa naw na m’hnuh gui khai. A u cu ak chang ah kyak ciah mawng; a chang ah kyak cicu ani naw m’dang khai. Cun cu ani naw a ghü ah kyak khai, ani cu sonkiang ung et sak khai.

ISAIAH 46:9

Cau a i ah kya man ci cu ngaih-tüh ba vä; kei bäng khanpughi ah ka kyak ah mawng, kei ah mäih a u kä a om ah mawng cu ng’kia ne pyen vä

2 SHONTÄP NAK 20:6

m’lau ne taigü ci, “O Bawipa kami pupa gui ah Khanpughi, nang naw khankho ah ngo ne, khomdek khan ung changpakhui avan cu na uk ci. Nang cu huham mah ne, na m’gäi ci kyasei a u naw kä ning hnungtuk püi hlawt ci.

SAM 76:8

Nang naw khankho ah hmat vai ah na m’khoi m’chak ci nei; khomdek cu kyi ne a düm ah om ci nei,

JEREMIAH 25:9

‘Kei naw a siiptäng ah chang gui avan la ka changshäm Babilonia ghangpughang Nebukhadnezzar cu ka tüi lawk khai. Judah gui la khaw mah gui cu hnungtuk ne tu u ne, ami pei leng ah khochang pakhui avan hnungtuk khai gui cu kei naw ka law püi khai. Kei naw shin ah pakhui la a pei leng ung ka gui cu ka m’di lawk khai, khonglän ung dii khai ah ka nawng khai, hmuk ciah chang cu cäicat ne ng’hlet khai. Kei, Bawipa naw ka pyen nei.”

DANIEL 7:4

Lut law htük cicu phongkawng ah mäih lawk ci, hmuu ah mäih ah ang phia gui om ci. Kei naw ka teng yah ung ang phya gui cu kiawi ne kya lawk ci gui. Khiküi cu tho law ne chang ah mäih ah ng’düi ci. Cun kawn ah ani naw chang ah m’lung ngaih ah mäih cu gah ci.