JEREMIAH 49:17 - Cho Bible Common Language 2016

¹⁷ BAWIPA naw pyen ci, “Edom ah khan ah gawk lawk khai ah m’dishum nak cu tükyai aih ci kya sei, acun sunpah ci nü cu cat ne kyi aih khai gui.

JEREMIAH 49:17 Referans Kwoze

EZEKIEL 35:7

Kei naw Edom khogui cu shiu sak ne, acun ung hteit ciah chang phung ka ngawn khai.

JEREMIAH 50:13

Kie ah m’lungshe ah phäh ah Babilon ung a u kä om ba khai nei: cun cu m’di ne nawng khai gui, acun smn pah ci chang avan cu cat ne cäi khai gui nei.

JEREMIAH 49:13

Kei ka mät ka ng’taam ci nei, Borah mang gaw cu hmuh vai ah kyihkyawk vai ah kya ne, bung ah kyak khai nei; chang gui naw m’lepse u ne, aming cu plah taam nak ah mang khai gui nei. Apei yung ah pigaw gui avan cu khonglän ung di khai gui nei. Kei, Bawipa naw ka pyen nei.”

JEREMIAH 51:37

Cun ah khopäng cu di ne ng’pum khai, khisa gui ah om nak ah kyak khai. Cun cu ten gung kyihkyawk vai kya ne, a cun ung a u phi kä om khai, cun hmuk ciah chang avan cu cäicat khai gui.

JEREMIAH 18:16

Ngami naw shin ah khaw cu kyihkyawk vai kyak ci, angtäi sei päipih vai kyak khai ah pyang ci gui. Acun sun pah ciah chang avan cu cun ami hmuh ung vat yawp u ne; cäi ne ami lu tum khai gui.

1 GHANGPUGHANG GUI 9:8

Shin ah Taigüim cu ng’phye ne ng’phluk khai, acun ah pei ah hteit ciah chang phung cu cat ne cäi khai. ‘A i ah kyasei Bawipa naw shin ah khaw la shin ah Taigüim ah khan ah shin ah a bi ang?’ cine ng’shik khai gui.

ZEPHANIAH 2:15

Shin cu amät ah huham awn khähghah ne, phyawn pyi nei cine, ngai ciah mang gaw ah khan ah kya lawk khai ah amawng gui ah kyak ci. A chang gui naw ami mang gaw cu khomdek khan ung dämduh pikbäih ciah ngai ci gui. A i hawkcha ah shiu ciah hmun ah kya lawk khai aw? Pya masa gui ah lum nak ah hmun ah kya lawk khai nei! Sunpah ciah chang pang naw kyih ne hteh tak khai gui nei.

MIKHAH 6:16

Shin gui ah a kyak law cu ghangpughang Omri la ahta Ahab ah omshe nami läk ah phäh ah kyak ci. Ngami ah bi cu nami läk lä ung di nak ung ka ning hteh püi gui khai. Chang van naw ning päipih khai, khaw nü ah chang naw nin m’kyuk khai gui” cik ci.

EZEKIEL 35:15

cun cu kei, ka mät ah kaa, Israel a shiu yah ung nang na yeikyai ah mäih ah kyak ci. Seir khomhtung gui, Edom khaw avan cu shiu khai nei. Cun ung chang nü naw kei cu Bawipa ah na hmat khai.”

EZEKIEL 25:13

Tuhbäi kei naw ka ng’shäu ci, kei naw Edom cu m’kyuk ne, chang la seime ang nü ka ngawn khai. Kei naw Teman mang gaw ung ka naw Dedan mang gaw ung khüt sei ka shiu sak khai, chang gui cu ng’tuk nak ung ngawn gui khai gui.

THULÄÄN NAK 29:22

“Lawk ciah ng’shon gui ung nami htangshon gui la khaw shou nak ah kaa khaw hei chang gui naw Nami khaw ah khan ah Bawipa naw a law püi ah leigai gui la yaica nak gui cu hmuk khai gui.

EZEKIEL 27:36

Nang cu na ng’pyi pyi ci, ngawi ä na ng’pyi ci nei, khomdek khan avan ung shumlei chang gui cu kyikyawk ci gui nei, ngami cu nang ah mawngma ami ng’küh tu vai ah phi kyik ci gui nei.

EZEKIEL 35:3

Kei, uktu Bawipa naw ka pyen cu chang gui am m’thein gui ä: Edom khomhtung, kei cu nami na ga nei! Kei naw nang cu ka ning shiu sak khai.