JEREMIAH 49:16 - Cho Bible Common Language 2016

¹⁶ Chang aha nami ng’shei nak naw ning m’hleei hlak gui khai. Chang gui naw nangmi naw ami kyak vai nami ngaih hlawk ah kä ning kyih gui khai gui. Nangmi cu lung song gui ah khan, m’htung hlüng gui ah khan ung nami om khai; cun ung phi nangmi cu hmu ki ung ah mäih ah ah lüng nak ung nami om ung phi Bawipa naw ning yuk cha ba gui khai. Bawipa naw a pyen nei.”

JEREMIAH 49:16 Referans Kwoze

AMOS 9:2

Sih nak khaw ah ami lam ami cawh ung phi, kei naw ka pha gui khai. Khankho ah ami hang kai ung phi, ka yuk cha law ba gui khai.

ISAIAH 49:25

Bawipa naw m’shang ci, “Tuhbäi kya lawk ci gui cu a cun ah mäih ah kyak ci nei. Gakap ah chang pha gui cu lak pek vai nei, Mangmghämce ah guttep ah khawh cu guh pek vai nei. Nangmi ning tu gui ci phung cu kei naw ka tuk khai nei, Nami htanau gui cu ka gung khai nei.

JOB 39:27

Kui kha gui naw khomhtung k’hlüng ung ami ng’bu ami tuk law vai ung, nang ah thumkhäm cu ngai man u ne ang?

NG'THU K'THUUK~ 29:23

Chang yawshe nak ciah chang naw yung kyak nak ung ning hteh püi khai, Cun ung phi na m’lung na neim sak ung nang cu chang m’sui nak om khai.

NG'THU K'THUUK~ 16:18

Chang ah ng’shei nak cu di nak ah kyak ci, chang yoshe nak cu shum nak ah kyak ci.

ISAIAH 2:21

Bawipa law ne khomdek ak thün law ah akyak ung, chang gui cu ani ah m’lungshe nak ami phiann nak vai la a huham la abämang nak ung ami ng’thuh nak vai ah, khui gui la lung m’htung khui gui ung k’tha na ne ng’thup khai gui.

SOLOMON NG’Ä~ 2:14

Nang cu lung k’eep ung ng’thup ciah müm ah mäih ah na kyak ci nei. M’hni aih ah na hmai cu na hmuh sak ä, ng’yak hlü nak aw cu na ng’yak sak ä.

NG'THU K'THUUK~ 18:21

Na mat ah ng’thu naw na hnun ning ngang hning ci, ka cun ung ning m’di hning ci, cun ah kyasei na ng’thu htau ah aci ah na dou thei ci.

2 GHANGPUGHANG GUI 14:7

Amaziah naw Edomit gakap phia phia gha cu khongnawi ung ngawn gui ci; ani naw Sela mang gaw cu tu ne khäm neta Jektheela ah aming sui ci, cun ah ming cu tuhgüt om ci.

ISAIAH 10:14

Chang pakhui gui ah khaw cu kha gui ah ng’bu ah mäih ah kyak ci. Kei naw kha m’tui ka mäih ah ngami ah khawh cu a yäi hta ah ka lak ci nei. Ai ng’phia naw phi hnün ne kä na m’kyih ci, a i m’gawng naw phi aang ne kä na m’kyih ci.

JEREMIAH 49:15

Bawipa naw nangmi cu k’tha ning ken law sak gui khai, a u naw kä ning chang m’sui gui khai.

JEREMIAH 50:29

“Likap gui naw Babilonia ami tuk vai ah m’thein gui vä. A i hawkcha ah li la m’la bi vai ciah hmat ciah chang nü cu tüi vä. Mang gaw cu kei vä, a u phi käk’phiaan en vä. Ani abi gui avan ah phäh ah pe ba vä, a ni naw chang gui a om püi ah mäih ah om püi tu ba vä, a i ah kyasei ci ung, ani naw ng’shei ne kei, Israel ah Theingzim ci Tumat cu ana hnung tuk püi ah phüh ah kyak ci.

JEREMIAH 51:53

Babilonia naw khankho ah hang kai ne ng’tuk im khäng a caw hung phi acun m’di khai ah chang gui cu kei naw ka tüi khai nei. Kei, Bawipa naw ka pyen nei.”

HABAKKUK 2:9

Nangmi nami ng’yiin ci! kyawi m’sa u ne nami kyong khui nami bühmang sak ci. Nami mät ah kyong bäng ng’ä ai nak la kyihkyawk nak ung a phyawn vai ah nami tha nak ci.

MALAKHI 1:3

Esau la a hta ng’shon cu ka gen ci. Esau ah khogui hmun cu khaw tai ah kyak sak ne, cun ah khaw cu sa-ui gui am ka nawng pe gui ci.”

JEREMIAH 48:14

“Moab chang gui, a i ah kyasei nami mät cu chang m’gäi gui, ng’tuk näng pyi ciah gakap gui ah nami pyen ang?