JEREMIAH 49:10 - Cho Bible Common Language 2016

¹⁰ Cun ung phi Esau ah htangshon gui cu kei naw ng’pyi khai ah ka ci gui khai, ami ng’thuh ba hlawt khai gui. Edom chang gui ami van m’di gui nei, tumat phi kä pawih ba ci gui nei.

JEREMIAH 49:10 Referans Kwoze

ISAIAH 17:14

Ngami cu mühun ung khih aih vai ah kyak ci gui, cun ung phi khongawi ah maih ci gui nei. Cun cu mikmi ah kho tuhnim gutep ci gui ah hteh nak ah kyak ci nei.

ROMAN 9:13

Cacim theing ung; “Kei naw Jakob cu ka m’hni ci, Cun ung phi Esau cu ka gen ci,” ciah om ci.

OBADIAH 1:9

Teman ng’tuk bi gui ng’thüng khai gui, Edom khaw ung gakap phung ngawn yawp vai nei.

AMOS 9:3

Ngami cu Kamela m’htung lai ah ami ng’thuh ung phi, shui ba gui ne ka pha ba gui khai. Ngami cu tuinu ah khui ah ami ng’thuh ung phi, tuinu phyung hlui am ka htuih sak gui khai.

JEREMIAH 23:24

Kei naw kä ka hmuh vai ah a u phi kä ng’thup hning ci. Khan kho lo khomdek khongnü ung kei ka om cu kä nami hmat ne ma?

ISAIAH 45:3

Hmüp khui ah ng’thup ciah hmun ung ka khawh cham cu kei naw ka ning pe gui khai; cun kawn ah nang naw kei cu Bawipa ah ka kyak la Israel khanpughi naw na ming ung aning khü cu, na hmat khai.

SAM 37:28

Bawipa naw düng cicu m’hni ne, bekhüt ciah ak chang cu kä nawng ci, Ani naw angtäi sei ngäng gui ci, Cun ung phi changshe ah hta ng’shon gui cu, gawt ne k’täm gui khai.

JEREMIAH 13:26

Bawipa amät naw nami sui ning suh sak gui ne, ning lung aa sak gui khai.

NG’ÄI KYAH 4:22

Zion naw akat nak ah phu cu pe pyi ci nei, Bawipa naw mikmi cu omktu khaw ah kä na tha ba gui khai nei. Cun ung phi Edom, Bawipa naw ning m’kyuk khai nei. Cheishoh ne na hnünthawh gui cu ani naw m’dang khai nei.

OBADIAH 1:6

Esau ah hta ng’shon gui, nami khawh ning gut gui ci gui nei.