JEREMIAH 49:1 - Cho Bible Common Language 2016

¹ Shin cu Ammon ah amawng Bawipa naw a pyen ah kyak ci: “Israel chang gui a hawi ang? Ami khaw ghung khai a u kä om ne ma? A i ah kyasei kat pakhui gui ah khopäng cu molek khawihnah ci gui am khäm sak gui na ami om sak gui ang?

JEREMIAH 49:1 Referans Kwoze

THULÄÄN NAK 23:3

“A u Ammonit, käcung, Moabit, ami htangshon gui, ang shon gha ung khüt ci phi Bawipa ah chang ah kä kya tuk khai.

JEREMIAH 49:7

Shin cu Edom ah mawng m’gäi ciah Bawipa naw a pyen ah kyak ci; “Edom chang gui naw nik ciah ami m’kheicha nak gui maih sak u ne ma? Ngami m’shüm thein ciah chang gui naw a i bi vai cicu kä m’thein ba gui u ne ma? Ami cüivai nak avan cu maih yawp ne ma?

2 SHONTÄP NAK 20:1

Api shou hta khäta, Moab la Ammon gakap gui naw ami ng’khawt püi gui Meunites gui awn a täng ah Judah cu tu lawk cu gui.

JEREMIAH 49:28

Shin cu Kedar pakhui la hazor naw akpan khopäng, Babilonia ghangpughang Nebukhadnezzar naw akhäm ah mawng Bawipa naw a pyen ah kyak ci; “Kedar chang gui tu gui ne ak kyang täng changpakhui cu m’di vä!

JEREMIAH 49:23

Shin cu Damaskas ah amawng Bawipa naw a pyen ah kyak ci: “Hamath la Arpad mang gaw gui ung om ciah chang gui ng’ä ai ne khüi kha ci gui, a i ah kyasei ci ung ngami naw thushe ami ng’yak ah phäh ah kyak ci. Tuinu ah khan ah tui ang hnawh ah mäih ah ami khan ah kyasei ngami cu kä ng’düm hlawt ci gui.

JEREMIAH 48:1

Shin cu Moab ah mawng m’gäi ciah Bawipa naw a pyen ah kyak ci: “Nebo chang gui cu m’gein gui vä — Ngami ah gaw nu cu di pyi ci nei! Kiriathaim cu tu ne khäm ci gui, m’gäi ciah amang pang cu gäi ci gui, achang gui cu lü ng’aa ci gui nei;

JEREMIAH 27:3

Edom ni, Moab ni, Ammon ni, Tire ni, Sidon ni gui ah ami ghangpughang gui am ng’thu ka m’khäh gui vai ah Bawipa naw na m’thein ci, ngami naw ami ng’shä gui naw Jerusalem ah Ghangpughang Zedekiah cu hmuk khai gui.

JEREMIAH 25:9

‘Kei naw a siiptäng ah chang gui avan la ka changshäm Babilonia ghangpughang Nebukhadnezzar cu ka tüi lawk khai. Judah gui la khaw mah gui cu hnungtuk ne tu u ne, ami pei leng ah khochang pakhui avan hnungtuk khai gui cu kei naw ka law püi khai. Kei naw shin ah pakhui la a pei leng ung ka gui cu ka m’di lawk khai, khonglän ung dii khai ah ka nawng khai, hmuk ciah chang cu cäicat ne ng’hlet khai. Kei, Bawipa naw ka pyen nei.”

SAM 83:7

Gebala, Ammon, Amalek la Philistia la Tire chang gui ah kyak ci.

SAM 9:6

Kami ga gui cu ng’pyi pyi ci gui, Nang naw ami mang gaw gui cu na m’di pyi ci, Ngami cu ng’pyi ne htin ci gui.

NEHEMIAH 4:7

Sanballat, Tobiah la Arabia, Ammon, Ashdod chang gui naw Jerusalem paang bä law pi pi khai ah kami cawh ba la paang ung ak pawk gui kami m’ghu ba gui cu ng’ya u neta anghtei ah m’lungshe ci gui.

NEHEMIAH 2:19

Keimi naw cun ah kami pawng püi cu, Sanballat, Tobiah la Keshen ming nak ciah Arab naw ng’ya u neta, na gaih tu gui ne ami pyen cu, “Nangmi naw a i bi vai ang nami pawng püi? Nangmi naw uktu bawi hnung tuk vai ah nami pawng ne ma?” cik ci gui.

2 SHONTÄP NAK 20:23

Ammonit gui la Moabit gui naw Edomit gui cu tu gui u ne m’di gui ci gui, cun kawn ah ami mät ak hnu ah ng’tuk ci gui.

2 GHANGPUGHANG GUI 24:2

Bawipa naw abi law vai ah a changshäm prophet gui ung a pyen ah mäih ah, Babilonian, Sirian, Moabit la Ammonit gakap gui cu Judah m’di khai gui ah tüi gui ci.

2 GHANGPUGHANG GUI 10:33

avan, a htumtäng Arnon Tuinu khan Aroer gawnu — cun ung Kilead la Bashan khopäng, Kad, Reuben la Manasseh ak kyang pakhui gui ah om nak gui cu khän ci.

THULÄÄN NAK 2:19

Nangmi cu Lot ah htangshon gui Ammonit chang gui ah khaw awn nami ng’et khai. Kä nami yaica sak gui vai, ma ne kä nami ng’tuk püi gui vai, A i ah kyasei ci ung ngami am ka pek gui pyi ah khaw api phi nangmi am kä ka ning pe gui khai.”

ATÜNNAK 19:38

A hmaw ba cu hta law ne Benammi ah aming sui ci. Ani cu tuh ngawi Ammon pakhui ah kya lawk ci.

THULÄÄN NAK 23:4

Egypt khaw ah ka nami law ba täng ah ngami naw tui la ei kä ning pe tu gui ci gui, ngami naw Beor ah hta Balaam, Mesopotamia khaw Pethora mang gaw ung ka cu ghüh u ne, nang mi ning tam sak ci gui.

JEREMIAH 12:14

Bawipa naw pyen ci, “ka chang Israel gui am ka pek gui ah khaw m’di ci gui ah Israel gui ah pei leng ah ka gui am kei naw ka pyen nak gui vai amawng om ci. Sing ghing ang yung ah mawih ah mäih ah cun ah changshe gui cu kei naw ami khaw ungka ka la gui khai, kei naw Judah gui cu ngami ungka ka gung gui khai.

ZEPHANIAH 1:5

Im khan ah kai ne khohni ni, cha ni, aisi ni khawihnah ci gui phi ka m’di gui khai. Kei na khawihnah ne bekhüt pang te ne phi, Milak khanpughi ah ming la ba cicu ka m’di khai.

EZEKIEL 21:25

“Nangmi chang shekha, kä theingcim ciah Israel uktu gui, nangmi ah hnüüp, nangmi ak hnu ah ning m’kyuk nak gui vai cu gawk lawk ci nei.

EZEKIEL 25:1

Bawipa naw na ng’thu püi ci.