JEREMIAH 48:7 - Cho Bible Common Language 2016

⁷ “Moab, nang cu na thagui la na khawh cham na ngaih u ci, cun ung phi tuhbäi nang cu ning hnim khai gui; Nami khanpughi chemosh cu a manghta gui la a taigü gui mah ah omktu khaw ah hteit khai gui

JEREMIAH 48:7 Referans Kwoze

KHEI NAK 21:29

Nangmi ah phäh ah a i hlawk ah kyih vai ang, Moab chang gui aw! Nangmi Chemosh nami khawihnah ci gui cu, di nak ung ning hteh püi gui ci nei! Nami khanpughi naw pami gui cu cümbawng chang ah kyak sak gui ci nei, Hnumi gui cu Amorit ghangpughang ah thawngkyum ah kyak sak gui ci.

JEREMIAH 49:3

Heshbon chang gui, kyap vä! a ih cu m’di pyi ci gui nei! Rabbah hnumi gui thüikyap vä! Sui she sui ne thüisei vä. Ng’gogan ne dawng vä. Nami khanpughi molek cu ak taigü gui la amang hta gui awn atäng ah om ktu ah hteh püi ci gui nei.

JEREMIAH 9:23

Bawipa naw pyen ci, “Cüivai ci gui naw ami cüivai nak awn kä ami khäh ghah vai, Gai gawng ci gui naw ami thagui awn kä ami khäh ghah vai, büh mang ci gui naw ami khawh awn kä ami khäh gha vai.

SAM 52:7

“Teng vä, Shin ah chang cu phyawn vai ah Khanpughi ng’kä yii hnei ci nei, amät ah khawh düt ngaih u ne, akshe lam awn a phyawn nak vai shui ci nei.”

1 TIMOTHI 6:17

Khomdek khan ah bühmang ci gui cu kä ami khähghah längtang aih vai ah nam cäi gui vai nei. Ngami cu kä khäng lä khai ah khawhcham kä ngaih u ne, mi gah taang vai ah, ang nüng nüng cu, ang khaai nak awn nam shumphyuk gui ciah Khanpughi cu ami ngaih u vai nei.

HOSEA 10:13

Cun ung phi nangmi naw shet kat nak geit u new, Acun ah m’theih pai cu nami khäm ci, Nami mät ah hleeihlak nak ah am theih pai cu nangmi naw nami ei ci. “Nami yatha gui la da aih ciah nami gakap gui cu nami ngaih u ah phäh ah

JEREMIAH 48:46

Moab chang gui cu m’gein gui vä! Chemosh khawihnah ci gui cu m’di gui pyi ci gui nei, ami hta pami, hta hnumi gui cu pha ne hteh püi pyi ci gui nei.

JEREMIAH 48:13

Israel chang gui naw ami ngaih u ah khanpughi Bethela cu kä ami yum ngak ba ah mäih ah, Moab chang gui cu ami khanpughi chemosh ah khan ah ami yum ngak nak kä om ba khai nei.

1 GHANGPUGHANG GUI 11:33

Kei naw acun ah ka bi lawk khai, a i ah kya se ci ung Solomon naw kei cu na hnungtuk püi ne a khaw hei khanpughi gui a khawihnah ah phäh ah kyak ci: cun gui cu Astarte Sidon khanpughinu; Chemosh, Moab khanpughi; Molek, Ammon khanpughi ah kyak ci. Solomon naw kä na ngai ci; ani naw chei khai ah bik ci, apa David ah mäih ah kei ah ka thukhän gui la thumkhän gui cu kä k’pang ci.

THU PHLAAN 18:7

Ani cu amät bämang ne ang päi ng’ye awn khin khai ah, yaica nak la geinvai nak ung gawk sak vä. A i ah kyasei ci ung, ani naw, “Kei cu mangnu ah ka kyak ci, hmeinu ah kä ka kyak ci, Kei ung a i yah ung phi thüisei nak kä om khai” ci ne a kyak ah hmawk ah kyak ci.

JEREMIAH 43:12

Kei naw Egypt khan pughi gui ah Taigüim cu mei awn ka m’khih khai, Babilonia ghangpughang naw ami khanpughi gui cu m’khih bawk khai, hteh püi bawk khai. Htome sham naw asuisak ung hli m’chah atheing sak ah mäih ah Babilonia ghangpughang naw Egypt khaw cu theing sak ne, näng nak awn nawng shüt khai.

JEREMIAH 13:25

Cun cu nami ma nak ah kyak ci, cine ani naw pyan ci nei. Shin cu nangmi ah khan ah abi vai ah ani naw akbäi ah kyak ci, a i ah kyasei ci ung nangmi naw ani cu m’hnih u ne, Khanpughi she gui nami khawihnah ah phäh ah kyak ci.

SAM 40:4

Agup täng ah kä ng’hlat ne, kä khanpughi man kä khawihnah ne, Bawipa ung ng’ap ci gui cu yeikyai nak om ci nei.

1 GHANGPUGHANG GUI 11:7

Ani naw Jerusalem ah ak kyang khomhtung khan ah shemshai ciah Moab khanpughi Chemosh khawihnah nak vai la Ammon ah Shemshai ciah khanpughi Molek khawihnah nak vai ah hmun cu co ci.

SUKI GUI 11:24

Nang naw cun cu na lak ba vai ah nak tha nak khan ma? Na khanpughi Chemosh naw a ning pek phung cu nang naw na k’pang hning ci nei. Keimi phi Bawipa kami Khanpughi naw ana pek gui phung cu kami k’pang khai nei.

2 SAMUEL 5:21

Philistin gui cu dawng u ne, a gup gui cu nawng shüt u sei, David la ak chang gui naw a hei ah hteh püi ci gui.

JEREMIAH 49:4

A i ah kyasei kä nami bekhüt ciah chang gui ami khähghah ang? Nami k’thagui cu ng’kia pyi ci nei. A i ah kyasei nami huham ngaih u ne, a u naw kä ning tu aat gui hlawt khai ah nami pyen ang?