JEREMIAH 48:47 - Cho Bible Common Language 2016

⁴⁷ Cun ung phi lawk khai ah hnüüp gui ung Bawipa naw Moab cu bühmang ba sak khai nei. Shin gui avan cu Moab ah khan ah kya lawk khai gui Bawipa naw a pyen ah kyak ci.

JEREMIAH 48:47 Referans Kwoze

JEREMIAH 49:39

Cun ung phi angawi ah Elam chang gui cu ka ng’büh mang ba sak gui khai. Kei, Bawipa naw ka pyen ci.

JEREMIAH 49:6

“Cun ung phi kei naw Ammon cu ka bühmang ba sak khai nei, Bawipa naw ka pyen nei.

HOSEA 3:5

Cun ung phi Israel chang gui cu Bawipa ami Khanpughi la ami ghangpughang David ah htangshon ah ami ng’hlah law ba nak vai ah akhin cu gawk lawk khai nei. Cun kawn ah ngami naw Bawipa cu kyih aa u ne ani ah m’cümhnah akni cu gah khai gui nei.

DANIEL 10:14

Nang ah na chang gui ung ngawi ah a i ah kya lawk khai ci cu, kei naw law ne ka ning hmuhmat sak ci nei. Shin cu ngawi ah kya lawk khai ah mawng muimang ah kyak ci.”

DANIEL 2:28

Cun ung phi ak thuuk pi m’dang hning ciah khankho Khanpughi om ci nei. Ani naw nang ghangpughang am ngawi ah a i ah kya lawk khai ci cu, ning hmuh sak pyi ci nei. Tubäi kei naw nang na ih yah ung na muimang nak ah ng’mang cu ka ning m’thein khai nei.

JEREMIAH 46:26

ngami ngawn hlü gui ciah Babilonia ghangpughang Nebukhadnezzar la a gakap gui am ka ap gui khai. Cun ung phi a ngawi ah, ng’pyi pyi ciah akhin ung ami om man ah mäih ah chang gui cu Egypt ung om ba khai gui. Kei, Bawipa naw ka pyen ci.”

JEREMIAH 23:20

Cun cu ani naw abi vai ah ang ngaih gui nü kä abi pha ah chuih kä ng’pyi khai. Cun ah hnüüp gui a gawk law ung a chang gui naw htei cha sei hmat khai gui.”

JEREMIAH 12:15

Cun ung phi kei naw ngami ahei ah ka lak gui kawn ah, ngami cu ka chimgein ba gui khai; kei naw a pakhui päng cu ami mät ah khaw, ami khopäng phäh ung ka law püi ba gui khai.

ISAIAH 23:18

Sumlei ne a gah ah ngui cu Bawipa am ap vai nei. Ani naw kä m’küm khai nei, cun ung phi ani ah ngui cu Bawipa khawihnah ciah chang gui naw, ami ng’yak hlü ah eiawk la sui sak vai hleih nak khai gui nei.

ISAIAH 18:7

Tuinu gui naw am cha ah khaw, shin ah gaigawng ne huham mah ciah pakhui, ng’sau ne ami vun ng’mi aiah chang gui, khomdek khan avan ung ami kyih kyawk gui ah douthak gui cu m’gäi ciah Bawipa naw a gah nak vai ah akhin gawk lawk ci nei. Ngami cu m’gäi ciah Bawipa khawihnah nak ah Zion M’htung ah lawk khai gui nei.

JOB 19:25

Cun ung phi ak hnukbäih ah gawk law ne kei ah phäh ah ng’thu pyen khai cu khankho ah om ciah ka hmat ci nei.

THULÄÄN NAK 31:29

Kei naw ka hmat ci, kei ka sih kawn ah chang gui naw, kei ah m’theithang gui cu shetkat shi u ne, hnu nak khai gui. Cun kawn ah lawk ciah akhin gui ung, ngami cu leigai awn ng’hmuk khai gui, a i ah kyasei ci ung ani cu m’lungshe sak khai gui.”

THULÄÄN NAK 4:30

Nangmi khüikha nak ung nami gawk law ung, cun gui avan nami khan ah a gawk law ung, ak hnu ah nangmi cu Bawipa ung ng’hlat law ba ne, nami läk khai nei.

KHEI NAK 24:14

Balaam naw Balak am, “Tuhbäi kei ka mät ah chang gui ah ka hteit ba khai. Cun ung phi kä ka hteh ba pha ung Israel chang gui naw na chang gui ah khan ah ngawi ah a i bik lawk khai gui cicu ka ning khän tam shüt khai” cik ci.

EZEKIEL 38:8

Khokum akda alüng kawn kei naw ani cu thukbäi ne khopäng tumat ka tuk sak khai. Acun ung changpakhui akda ungka chang gui cu atäng ah law püi ba gui ung, ngami cu ng’tuk kä kyih ne acun ung om ci gui. Ani naw ak shounu shiu ne bung ci, cungphi chang gui ami van phyawng ne ami om nak ah Israel khomhtung gui cu ani naw tuk khai.

JEREMIAH 12:14

Bawipa naw pyen ci, “ka chang Israel gui am ka pek gui ah khaw m’di ci gui ah Israel gui ah pei leng ah ka gui am kei naw ka pyen nak gui vai amawng om ci. Sing ghing ang yung ah mawih ah mäih ah cun ah changshe gui cu kei naw ami khaw ungka ka la gui khai, kei naw Judah gui cu ngami ungka ka gung gui khai.

DANIEL 11:41

Ani naw shaitak ah khaw phi tuk khai, chang tämkäp phia khak ngawn gui khai, cun ung phi Edom, Moab, la Ammon ah ak eng täng khaw gui cu phyawng khai gui.

ISAIAH 25:11

Ngami naw tui ng’väk vai ah k’tha nak ah mäih ah ami kut cu shäng khai gui, cun ung phi khanpughi naw ngami cu hnim gui sei, ngami ah kut cu am gein kaa ah kyein khai.

ISAIAH 45:20

Bawipa naw pyen ci, “Chang pakhui gui atäng ah law vä, mang khaw ang kiak sangung k’pawih ci gui avan; Ami sing a gup gui phlu u ne, kä hun gui hning ciah khanpughi gui ah taigü ci gui. Yung ah m’kawt ung nami mät ah mawng pyen law vä!