JEREMIAH 48:45 - Cho Bible Common Language 2016

⁴⁵ Amgein kaa chang dawng gui cu Heshbon ung ng’tungzi khai gui ah k’tha nak ci gui, cun ung phi cun cu mei ah däi ci nei. Ng’tuk vai m’hni ciah Moab chang gui ah ami khogii gui la khomhtung hlüng gui cu mei naw ui pyi ci nei.

JEREMIAH 48:45 Referans Kwoze

KHEI NAK 24:17

Kei naw ngawi ah kaa vai ka teng ci, Israel pakhui cu ka hmuk ci. A cun ah pakhui ung ng’shü ciah aisi ah mäih ghangpughang tho lawk khai nei. Ani cu Israel chang ungka aisipa ah mäih lawk khai nei. Ani naw Moab ng’vaihta gui cu dep gui khai nei. Seth pakhui chang avan cu that gui khai nei.

KHEI NAK 21:28

Shin ah mang gaw Heshbon ungka naw Sihon ah gakap cu, mei ah mäih ah tho ne, Moab khaw ah Ara mang gaw cu m’di ci nei. Arnon alu täng khaw-gui gui cu han ui ci nei.

MATTHE 21:42

Bawipa Jesuh naw, “Shin ah cacim cu kä nami phat tu man ci kya ne maa? “Lung im co ci gui naw ghü ne ami ghäih ah lung cu, Ak tung pibäih ung düi ciah lung ah kya lawk ci. Cun cu Bawipa ah bi ah kya ne, ang htei ah cäicat vai ah kya ci.

ZEKHARIAH 10:4

Ami mät ungka ka chang gui uk gui khai ah uktu gui, aghampa gui, thumkhän thei ci gui, om lawk khai nei.

AMOS 2:2

Kei naw Moab khaw ah khan ah mei yuk chah ne, Kerioth ah mang paang cu ka m’khih khai. Ami ng’tuk nak ng’güt nak ung Moab chang gui cu sik khai gui. Cun yah ung gakap gui cu m’lau pyaang khai gui, phyungheng gui cu ng’shan khai.

KHEI NAK 21:26

Heshbon cu Amorit ghangpughang Sihon ah mang gaw tung ah kyak ci. Ani naw Moab ghangpughang phyim cu tu ne täm ne Arnon Tuinu ung khüt sei a khaw avan khäm ci.

KHEI NAK 21:21

Cun kawn ah Israel chang gui naw Amorit ghangpughang Sihon am shin ah ng’thu m’thein khai chang tüi ci gui.

KHEI NAK 21:29

Nangmi ah phäh ah a i hlawk ah kyih vai ang, Moab chang gui aw! Nangmi Chemosh nami khawihnah ci gui cu, di nak ung ning hteh püi gui ci nei! Nami khanpughi naw pami gui cu cümbawng chang ah kyak sak gui ci nei, Hnumi gui cu Amorit ghangpughang ah thawngkyum ah kyak sak gui ci.

SAM 78:63

Pami nong gui cu ng’tuk nak ung ngawn gui u sei, hnumi nong gui ah ami cei vai kä om ba ci.

SAM 135:11

Cun gui cu Shihon, Amorit ghangpughang: Ok, Bashan ghangpughang; Kanaan kho ah ghangpughang gui ami van ah kyak ci.

JEREMIAH 2:16

Memphis la Tahpanhes chang gui naw ani ah lukoi cu teek sak ci gui.

JEREMIAH 48:2

Moab ah bämang nak cu maih pyi ci. Ga gui naw Heshbon cu tu ne khäm u ne, Moab khui khaw m’di vai ah pawng ci gui nei. Madmen gawnu cu kä shipdeep khai nei; gakap gui kai law ne tuk khai gui nei.