JEREMIAH 48:44 - Cho Bible Common Language 2016

⁴⁴ Kyihkyawk nak ungka phyawng khai ah k’tha nak ci phung cu khui ung kyak khai, khui ungka kai law ba khai ah k’tha nak ci phung cu gui-cuun gui ung ng’awk khai, a i ah kyasei ci ung Moab ah di nak vai ah a khin cu Bawipa naw am hnüt pyi ah kyak ci.

JEREMIAH 48:44 Referans Kwoze

JEREMIAH 11:23

Anathoth chang gui ah khan ah leigai ka law püi nak vai ah a khin cu kei naw ka k’bäi pyi ci nei, cun ah khin a gawk law ung ngami ung ka a u kä k’pawih khai nei.

1 GHANGPUGHANG GUI 19:17

Hazela naw kä a ngawn gui, luat ci gui cu Jehu naw ngawn gui khai, Jehu ah kut ung phyawng ci gui cu Elisha naw ngawn gui khai.

AMOS 5:19

Cun cu kawng kyih ne dawng neta khawm awn ng’awt ciah chang ah mäih ah kyak khai. Im ah lut ba ne paang ung akut taih khäta phyu naw akdawh ah mäih ah kyak khai.

JEREMIAH 46:21

Ani naw ang vah ah gakap gui cu am gein kaa ah kyak ciah seihta ah mäih ah kyak ci gui nei. Ngami cu kä ng’düi hlawt, kä ng’tu hlawt ci gui; ami van ng’hlat ne dawng ci gui. Ami ng’ziin nak ah hnüüp, ami di nak ah akhin cu gawk lawk ci nei.

MIKHAH 7:4

Akni pi la akbä pi gui cu ng’hling ah mäih ah akholä ah kyak ci gui. Khanpughi naw ngäng ci gui ah prophet gui am thu a pyen nak ah mäih ah chang gui am kyuk nak gui vah ah hnüüp gawk lawk ci nei. Ngami cu ng’thääk yawp ci gui nei.

HOSEA 9:7

M’kyuk nak ah akhin cu gawk lawk ci nei. Chang gui naw ami gah vai cu gah khai gui. Cun gui a gawk law ung Israel gui naw hmat khai gui. Nangmi naw nami pyen ci, “Shin ah prophet cu ak gu nei. Shin ah mümcha naw akbe ah chang cu ak gu ah kyak ci nei.” A i ah kyasei ci ung nami kat nak cu dishum aih ci nei.

JEREMIAH 51:18

Cun gui cu akholä ah kyak ci gui, päipih vai kyak ci gui; cun gui teng khai ah Bawipa a law ung Bawipa naw cun gui cu m’di gui khai.

JEREMIAH 23:12

Ngami naw ami hteh nak ah lam cu plai ne hmüp khai; kei naw ngami cu ng’vawn ne ka kiuk sak gui khai. Kei naw ngami ah khan ah leigai ka law püi khai; ngami m’kyuk nak gui vai ah akhin cu gawk lawk ci nei. Kei Bawipa naw ka pyen nei.

JEREMIAH 16:16

Bawipa naw pyen ci, “Law ne shin ah chang gui pha gui khai gui ah kei naw ngakpha chang akda ka tüi ci. Cun kawn ah kei naw sak züh gui akda ka tüi ci, ngami nawkhogui khomhtung päng gui la lungkhui gui ung züh gui khai gui.

JEREMIAH 10:15

Ngami cu a kholä ah kyak ci gui, päiphi vai ah kyak ci gui; Bawipa naw ngami cu m’kyuk gui khai ah a law ung, ngami cu m’di gui khai.

ISAIAH 24:18

Kyihshe ci a phiawn nak vai ah k’tha nak ci phung cu khui ung kyak khai, khui phiawn nak ci phung cu, cuun un gawk kahi nei. Khaw k’aa nu cu khawmik ung ka, kya lawk khai, m’dek ah angnei cu thüng khai.

ISAIAH 10:3

Khanpughi naw aning m’kyuk law gui ung a i ah nami kyak khai ang? Ani naw a khawshou ah ka leigai gui nami khan ah a law püi ung a i ah nami kyak khai ang? M’hteihtang nak hmuh vai ah a hawi nami dawng khai ang? Nami khawh cham gui a hawi nami thup khai ang?

1 GHANGPUGHANG GUI 20:30

K’pawih ba ci gui cu Aphek mang gaw kyong ah lut ne im tumat ah a hnu täng a khan kyong ung ng’yii ci.

JEREMIAH 8:12

Ka chang gui aw, nangmi naw shin ah shemshai ci gui nami bi ah phäh ah nami ng’aa ne ang? Ka nei! Nangmi cu akcang ah kä nami ng’aa ci; nangmi naw ng’aa vai phi kä nami hmat ci! Cun ah kyasei nangmi cu a hei gui ami ng’kiak ah mäih ah nami ng’kia tuk khai nei; kei naw ka ning m’kyuk gui ah a kyak ung cun cu nangmi ah ng’pyi nak kyak khai. Kei, Bawipa naw ka pyen nei.

JEREMIAH 50:24

“Babilonia, nang naw na na ng’tuk püi ci, nang naw kä hmat ne kei ah cuun ung na awk ci nei.

JEREMIAH 50:27

Ami gakap gui avan ngawn vä! ngawn gui yawp vä! Babilonia Chang gui cu ng’ziin pyi ci gui nei!

NG’ÄI KYAH 3:47

Keimi cu leigai la dishum nak naw na pah gui ci, ng’ä ai nak la kyihkyawk nak ung kami om ci nei.

ISAIAH 24:17

Chang nü naw, na ngai vä! A kyih she gui, kyui gui la cuun gui naw ning ngäng gui ci nei.

JEREMIAH 49:8

Sedan chang gui, ng’hlat ne dawng vä, ng’thup vä! kei naw Esau ah htangshon gui cu ka m’di law gui khai nei, a i ah kyasei ci ung ngami ka m’kyuk nak gui vai ah akhin cu gawk lawk ci nei.