JEREMIAH 48:42 - Cho Bible Common Language 2016

⁴² Moab cu m’di khai gui, pakhui tumat ah kä kya tu ba khai, a i ah kyasei ci ung kei ana hnungtuk püi ah phäh ah kyak ci.

JEREMIAH 48:42 Referans Kwoze

JEREMIAH 48:2

Moab ah bämang nak cu maih pyi ci. Ga gui naw Heshbon cu tu ne khäm u ne, Moab khui khaw m’di vai ah pawng ci gui nei. Madmen gawnu cu kä shipdeep khai nei; gakap gui kai law ne tuk khai gui nei.

ISAIAH 37:23

A u na gheet taap na gaih, m’gin ciah ang na ngaih? Nang naw, kei Theingcim Israel Khanpughi cu kä na na chang m’sui ci nei.

ISAIAH 7:8

kä kya hlawt phung khai: A i ah kyasei ci ung Siria cu amät ah mang gaw tung ah kya ciah Damaskas ah kä khüi ghat pi ci, Damaskas cu Ghangpughang Rezin ah ta kä khüi ghat pi ci. Israel gui cu khokum chuk-kip lei hma ah kyong ung, aktä ah ng’phye ne ng’gäi u ne pakhui khaw tumat ah kä kya ba khai gui.

THU PHLAAN 13:6

Ani naw Khanpughi ni, Khanpughi ah angming ni, a om nak ah khanmawpi ni gui cu tün ne shetkat sak pyi ci.

2 THESSALONIAN 2:4

Acun ah akshekha säih naw “Khanpughi nei” cine chang gui naw ami khawihnah gui phung cu hnu ng’tuk püi gui ne, avan ah khan ah kei ka hlüngtai pi ci nei,’ cine, pyein khai nei. Ani cu Khanpughi ah pum im kyong pui ah hteit ne ngo netah, amät cu Khanpughi ah pyein ne ng’shäu khai nei.

MATTHE 7:2

Chang nami m’khoi chaa ah mäih ah Khanpughi naw ning m’khoi chaa gui khai. Chang nami m’khoi chaa nak ung nami bi ah mäih ah Khanpughi naw nami khan ah bi bik khai.

DANIEL 11:36

“Siria ghangpughang naw amät ah m’hni ah bik khai. Ani cu khanpughi nü ah dämduh pi ne, hlüngtai ciah Khanpughi ah phi bämcam pi ciah pyen ne khähghah khai. Ani naw Khanpughi naw am kyuk ah khin ung khüt sei, a cun ah bik khai. Khanpughi naw a pawng püi ah mäih ah akcang ah bik khai.

JEREMIAH 30:11

Kei cu nangmi ah law ne ka ning hun gui khai. Kei naw ka ning püi piang sak nak gui ah pakhui gui avan kei naw ka m’di khai, cun ung phi nangmi kä ka ning m’di gui khai. Nangmi cu kä m’kyuk ah kä ka ning m’di gui khai. Cun ung phi nangmi ka ning m’kyuk gui ung Kei cu ka citheing khai. Kei, Bawipa naw a pyen nei.”

NG'THU K'THUUK~ 16:18

Chang ah ng’shei nak cu di nak ah kyak ci, chang yoshe nak cu shum nak ah kyak ci.

ISAIAH 16:14

Tuhbäi Bawipa naw pyen ci, “Kum thum ah akyong ung Moab ah büh-mang nak gui cu maih khai nei. A ni ah ak chang akda ungka, apihta bäng k’pawih ba khai, cun gui cu ami k’tha ken khai.

EZEKIEL 35:13

Nangmi naw m’ghämce ne, khäh ghah ne, kei na hnungtuk püi ne nami ng’thu cu kei naw ka ng’yak ci.”