JEREMIAH 48:41 - Cho Bible Common Language 2016

⁴¹ gawn gui la mang pang gui cu tu ne khäm khai gui. Cun ah hnüüp ung Moab gakap gui cu anau poi m’neh ciah hnumi ah mäih ah kyi kyawk khai gui nei.

JEREMIAH 48:41 Referans Kwoze

ISAIAH 21:3

Muimang ung ka hmuh la ka ng’yak naw kyinnak la natnak na pek ci nei, cun natnak cu a nau poi m; neh ciah hnumi ah m’neh ah mäih ah kyak ci.

ISAIAH 13:8

Ngami cu ami van kyikyawk u ne, hta law khai ah hnumi ah mäih ah m’neh khai gui nei. Ngami kyin nak ann ng’teng tu u ne, ngami ah hmai cu ng’aa nak naw ui khai nei.

JEREMIAH 49:22

Hmu naw angphia k’phiant ne amtawn ah mäih ah ga gui naw Bozrah cu tuk khai gui. Cun ah hnüüp ung Edom gakap gui cu anau poi m’hneh ciah hnumi ah mäih ah kyi kyawk khai gui.”

JEREMIAH 30:6

Tuhbäi ng’düm ne ngai vä! Pami cu hta hning khai ang? A i ah kyasei pami gui päng naw anau poi m’nek ciah hnumi ah mäih ah ami poi ah khan ah ami kut taih u sei, ka hmuh gui ang? A i ah kyasei Chang nü ami ng’hum aih ang?

JEREMIAH 6:24

Jerusalem chang gui naw pyen ci gui, “Keimi naw cun ah mawng kami ng’yak ung, kami kut cu caai ci; keimi ung natnak gawk law sei, hta lawk khai ah hnumi naw a poi am neh ah mäih ah kami m’neh ci.

1 THESSALONIAN 5:3

“Chang gui naw a päng avan cu ding gei ne, om phyak ci nei,” ci ne pyein khai gui. Cun yah ung käü-mah ciah hnumi cu ang ghit ah anau poi am neh law ah mäih ah geinvai nak cu ang hgit ah gawk lawk khai nei. Cun cu chang gui naw kä phiawn ah hlawt khai gui.

JEREMIAH 51:30

Babilonian gakap gui cu kä ng’tu ba u ne, ami ng’tuk im kyong ah om ci gui. Ngami cu ami thagui maih sei hnumi ah mäih ah kya lawk ci gui. Mang gaw m’kawt gui cu ng’gäi yawp ci, ami im gui cu mei naw ui ci.

JEREMIAH 50:43

Babilonia ghangpughang naw cun ah mawng ng’ya neta, a kut phi kä hnün hlawt ci. Ani cu amlung nat sak sei, anau poi m’neh ciah hnumi ah mäih ah m’neh ci.

JEREMIAH 49:24

Damaskas ung chang gui cu ami k’tha ken sei kyi ne dawng ci gui. Ngami cu anau poi m’neh ciah hnumi ah mäih ah na sei m’neh ci gui.

JEREMIAH 4:31

A nau poi m’neh ciah hnumi ah kyah k’aw, hta htük ciah hnumi ah m’lau ah k’aw ah mäih ah k’aw cu kei naw ka ng’yak ci. Cun cu bawng ne ng’khlet ciah Jerusalem ah k’aw ah kyak ci, ani naw a kut shäng neta a pyen cu, “Kei ka ng’ziin ci nei! Ngami naw law ne na ngawn khai gui nei!”

JEREMIAH 4:9

Bawipa naw pyen ci, “Cun ah hnüüp ung ghangpughang gui la bawi gui cu ami tha maih yawp khai; taigü gui cu cat khai gui, prophet gui cu cäi aih khai gui.

JEREMIAH 48:24

Kerioth la Bozrah ah kyak ci. M’khoicha nak cu akshou ang et Moab mang gaw gui avan ah khan ah gawk lawk ci nei.

JEREMIAH 50:37

Ang se gui la a zatha gui vu m’di vä! Ami ng’vah ah gakap gui ung sih nak gawk sä. Ngami cu ami k’tha ken aih ci nei! Akhawh cham gui cu m’di vä; tuh ne gut vä.

AMOS 2:2

Kei naw Moab khaw ah khan ah mei yuk chah ne, Kerioth ah mang paang cu ka m’khih khai. Ami ng’tuk nak ng’güt nak ung Moab chang gui cu sik khai gui. Cun yah ung gakap gui cu m’lau pyaang khai gui, phyungheng gui cu ng’shan khai.