JEREMIAH 48:38 - Cho Bible Common Language 2016

³⁸ Moab gui avan ah im m’kiung khan la chang gui ah ng’bum nak päng ung ahei a i kä om ci, thüikyah nak bäng om ci, a i ah kyasei ci ung kei naw Moab cu a u naw kä a ng’yak hlü ah ka m’shet pyi ci nei.

JEREMIAH 48:38 Referans Kwoze

JEREMIAH 22:28

Kei naw ka pyen ci, “Ghangpughang Jehoiachin cu hlüng payak sei ami ghawh a u naw phi kä a ng’yak hlü ah mäih ah kya ne ang? Cun ah kyasei ani la a hta nau gui cu ami mawng ama a i phi kä ami hmat ah om k’tu khaw ah ami hteh püi gui ah kä kya ne ang?

JEREMIAH 25:34

Kyap vä, nangmi angvai gui, ka chang gui htome sham gui, m’lau ne kyap vä! Thüisei ne m’vut ung ng’tah vä. Ami ning ngawn nak gui vai ah akhin gawk lawk ci nei, nangmi cu htome khla ah mäih ah ning ngawn gui khai gui nei.

ISAIAH 22:1

Shin cu muimang khaw ng’nawi ah mawng thum khäh ah kyak ci. A i ang a kiak? A i ah kya sei, mang gaw ung chang gui ami van nau im gui ah akcih khan ung pawi ami bi ang?

HOSEA 8:8

Israel cun phi ahei pakhui awn täng ci. K’am payak ciah mäih ah akholä awn täng ci.

ISAIAH 30:14

Nangmi cu m’dek k’am ah mäih ah nami payak khai, akpi m’hnui ah kya sei, meikcak taih nak vai, käcung tui hlüngung ka tui soh nak vai phi kä om khai ah k’pihmei ciah mäih ah nami kyak kiai.

ISAIAH 15:3

Lan yung ung chang gui au thüisui sui u ne; mang gaw ng’lung gui la um m’cung gui ung chang gui cu thüi ne kyap ci gui.

SAM 2:9

Nang naw ngami cu, m’si hteipawng awn uk gui ne; M’dek am gep ciah mäih ah na m’shet gui khai.”

MATTHE 10:27

Hmüp khui ung ka ning m’thein gui ah ng’thu cu khodei ung nami pyein ba vai. Adüm ah nami ng’yak ah ng’thu cu m’kiung khan ah kai ne nami shäü vai.

JEREMIAH 19:10

Cun kawn ah kei awn atäng ah hteit ci gui ah ami ma ah hlüng cu ka ci pa yak vai ah Bawipa naw na pyen nak ci,

JEREMIAH 19:11

Shin ah m’gäi Bawipa ah pyen cu ka m’thein gui vai ah pyen ci, “Kei naw shin ah chang gui la shin ah mang gaw cu ka m’shet khai, cun cu pyang ba ne kä gah vai ah payak ciah m’dek hlüng ah mäih ah kyak khai. Chang gui naw aksi gui cu Tophethung thet sei k’phuh khai gui, a i ah kyasei ci ung ngami phuh nak gui vai ahei kä a om ah phäh ah kyak ci.