JEREMIAH 48:37 - Cho Bible Common Language 2016

³⁷ Ngami ami van naw ami lu k’teiu u ne ami m’khamu phi k’teiu ci gui. Ngami ami van naw ami kut aat u ne, chang nü naw suishe sui ci gui.

JEREMIAH 48:37 Referans Kwoze

JEREMIAH 47:5

Kaza chang gui ah khan ah dämduh ciah azä nak gawk lawk ci, Ashkelon chang gui cu kä ship deep ci gui. Om ba ciah Philistia gui cu a i güt thüi kyap khai gui ang?

JEREMIAH 41:5

Shechem, Shilon la Samaria ah ka chang cheit kip gawk lawk ci gui. Ngami cu ami m’kha mu k’tei u ne, ami sui k’teek u ne, ami sa phi aat ci gui. Ngami naw püi ci gui.

ATÜNNAK 37:34

Jakob cu a sui suut ne, ng’yuu sui sui ne, a hta ah phäh ah thüi kyap ci.

JEREMIAH 16:6

Büh mang ci la dukhaih ci gui cu shin ah kho ung sik khai gui, cun ung phi a u naw kä phuh gui khai, ngami ah phäh ah a u kä thüisei khai. A u naw phi a thüi am dang nak ah amät vun kä nat sak khai, alu kä k’teek khai.

ISAIAH 20:2

Ng’pyi pyi ciah kum thum ung Bawipa naw Amoz ah hta Isaiah am, aphahnak la athüisui asuh vai ah pyen nak ci. Ani naw awn ngai ne akplui ah phahnak kä ng’cum ne hteit hton ci.

THU PHLAAN 11:3

Kei naw ka saksi pahnih ka tüi lawk khai nei. Ngani cu ng’yu nak sui sui ni ne, hnüüp 1, 260 ah kyong ung Khanpughi ah ng’thu cu shäu khai goi nei,” cine pyein ci.

MAKUH 5:5

Ani cu ng’cim hmun gui ah ng’lung la khomhtung yung ah, amü ak hnüüp viik ne m’lau ne, amät ah sa amät naw lung awn shudeng ne om ci.

MIKHAH 1:16

Judah chang gui, nami m’hni ah nami hta gui ah hmawk ah nami thüi nak ah nami lu k’plut vä. Nami hta gui cu omktu khaw ah hteh püi gui khai gui kyasei langta ah mäih ah nami lu plut vä.

AMOS 8:10

Nami yungkawi cu sih htüm ah ka lat khai, nami yei nak ng’äi cu kyah m’lau ah ka lat khai. Nami lu ning ah sak gui ne, thüisei suinu ka ning sui sak gui khai. Nangmi cu a hta tumat bäng ah phäh ah thüikyap ciah nupa gui ah mäih nami kyap khai. Cun ah hnüüp cu akha ah ng’pyi khai.

EZEKIEL 27:31

Ngami cu nang ah phäh ah ami lu k’teiu ci gui, sui kheei sui ci gui, Ngami ah m’lung cu kha ne kyap ci.

EZEKIEL 7:18

Ngami cu suishe sui u ne ami van ng’hhlet khai gui. Ami lu cu k’teim pe gui khai gui, ngami cu lüngaa khai gui.

ISAIAH 37:1

Ghangpughang Hezekiah cu cun ah ng’thu ang yak vai am, thüi ne a sui gui k’teek ne, thüisui sui neta, Bawipa ah Taigüim ah hteit ci.

ISAIAH 3:24

Tui ng’ui ami mang nak vaisü ung ngami cu thuk khai gui; kheipat ak kyom nak vaisü ung gui k’ghat awn ng’pat khai gui; ak kyom ami lusam nak vaisü ung ami lu ng’plut khai; sui k’ni ami sui nak vaisü ung suishe sui khai gui; Ami kyom nak cu ng’aa nak vai ah ng’lat khai!

2 GHANGPUGHANG GUI 6:30

Ghangpughang naw cun ah ng’ya neta, thüi aih ne a sui cu k’teek ci. A cun ah paang pei ah om ciah chang gui naw ani cu htu ah kyong täng sui k’she sui sei hmuk ci gui.

1 GHANGPUGHANG GUI 21:27

Elijah naw ng’thu a pyen yawp ung, Ahab naw a sui gui k’teek ne, suut ne, suishe gui sui ci. Ani cu ei kä ei ne, suishe awn ip ne, thüi nei ng’üüp ne hteit hton ci.

1 GHANGPUGHANG GUI 18:28

Cun ah kyasei prophet gui cu m’lau law pi ne taigü ci gui, ami thung ah khim la sem gui awn ami si long khai ah ami sa aat ci gui.

TAIGÜTHUM 19:28

Nami mät naw nami mang kä nami guk vai. Aksi ah phäh ah thüsei ne pumsa kä nami k’phleim vai. Kei cu Bawipa nei.

ATÜNNAK 37:29

Reuben naw Joseph cu teng law ba sei khui ung kä om ba khäta, a sui shum ne azä ci.

JEREMIAH 49:3

Heshbon chang gui, kyap vä! a ih cu m’di pyi ci gui nei! Rabbah hnumi gui thüikyap vä! Sui she sui ne thüisei vä. Ng’gogan ne dawng vä. Nami khanpughi molek cu ak taigü gui la amang hta gui awn atäng ah om ktu ah hteh püi ci gui nei.

EZEKIEL 29:18

Ani naw pyen ci, “Hnicim chang, Babilonia ghangpughang Nebukhadnezzar naw Taia cu tu pyi ci. Ani naw a gakap gui am cun ah gihgo ci a phuih sak gui ah kya ne, ami lu k’dee ne, ami phleing gui ng’gaai ci, cun ung phi ghangpughang la a gakap gui naw ami khüikha nak avan ungka a i phi kä gah ci gui.

1 SHONTÄP NAK 19:4

Hanun naw David ah ng’shächang gui cu pha gui ne, ami m’khamu k’teiu pe gui ne ami suisak ami khei hang ung khüt khai ah k’teih pe gui neta akthuk ah tüi ba gui ci.