JEREMIAH 48:28 - Cho Bible Common Language 2016

²⁸ “Moab ung om ciah nanmi gui, nami gawnu gui cu nawng vä! Lungkheng pang ung hteit ne om vä! Akawk nak un gangbu tu thei cial müm ah mäih kya vä.

JEREMIAH 48:28 Referans Kwoze

SOLOMON NG’Ä~ 2:14

Nang cu lung k’eep ung ng’thup ciah müm ah mäih ah na kyak ci nei. M’hni aih ah na hmai cu na hmuh sak ä, ng’yak hlü nak aw cu na ng’yak sak ä.

SUKI GUI 6:2

Midianit gui cu Israel gui ah mä gaigawng pi ci gui, cun ah kyasei Israel chang gui cu lung khui ung ng’thup ci gui, amshah cu ang geing khogui zung ah ng’thup ci gui.

JEREMIAH 49:16

Chang aha nami ng’shei nak naw ning m’hleei hlak gui khai. Chang gui naw nangmi naw ami kyak vai nami ngaih hlawk ah kä ning kyih gui khai gui. Nangmi cu lung song gui ah khan, m’htung hlüng gui ah khan ung nami om khai; cun ung phi nangmi cu hmu ki ung ah mäih ah ah lüng nak ung nami om ung phi Bawipa naw ning yuk cha ba gui khai. Bawipa naw a pyen nei.”

JEREMIAH 48:9

Moab ah phäh ah ng’phuh hmun lungtung cu ng’ling vä; cun ah khaw cu di law ge khai nei. Acun ah gawnu gui cu m’di khai gui nei, a u phi cun ung kä om ba khai nei.”

ISAIAH 2:19

Ani naw khomdek k’thüng khai ah a law ah akyak ung, chang gui cu lung m’htung ah khui ung ng’thup khai gui, Bawipa ah m’lungshe nak ami phiawn nak vai la a huham la a bämang nak ung ka, ami ng’thuk nak vaiah k’tha na ne m’dek ung khui co khai gui.

1 SAMUEL 13:6

Ngami cu ng’güüt law u ne, Israel gui cu akyat tu ne hnim gui u ne, püi ne dawng khai gui ah ci gui, Amshah Israel gui cu lung khui, m’dek khui ung ng’thup ci gui, lung song gui ah ng’lung, khui gui la tuiton gui ung ng’thup ci gui;

ATÜNNAK 8:12

Cun kawn ah ak hnüüp chih hnüüp ung müm cu m’shoon ba mä ci. Cun ah müm cu kä ng’hlat law ba ci.

JEREMIAH 49:8

Sedan chang gui, ng’hlat ne dawng vä, ng’thup vä! kei naw Esau ah htangshon gui cu ka m’di law gui khai nei, a i ah kyasei ci ung ngami ka m’kyuk nak gui vai ah akhin cu gawk lawk ci nei.