JEREMIAH 48:27 - Cho Bible Common Language 2016

²⁷ Moab, nang naw Israel chang gi a i hawkcha na m’lepse nak gui cu shüm ba ä? Gut tep ciah m’guk ei m’bum gui ami pha gui awn m’täng ne na om püi gui ci nei.

JEREMIAH 48:27 Referans Kwoze

JEREMIAH 2:26

Bawipa naw pyen ci “m’guk-ei ami pha ung a thüi ah amäih ah, Israel chang avan cu nami thüi khai, nami ghangpughang gui, bawi gui, nami taigü gui la prophet gui.

ZEPHANIAH 2:8

A hlüngtai säih Bawipa naw, “Moah la Ammon chang gui naw ka chang gui cu päipih shedam na u ne, ami khaw phi gut gui hlük ciah ka ng’yak ci.

EZEKIEL 25:8

Uktu Bawipa naw pyen ci, “A i ah kyasei ci ung Moab naw pyen ne Judah cu a hei pakhui gui avan awn täng ci, a ciah phäh ah

MATTHE 27:38

Cun yah ung m’guk-ei hnih cun phi Bawipa Jesuh awn a täng ah tumat ak pat lam, tumat ak eng lam ah kutlamtung ung tai ne ngawn ci gui.

MATTHE 26:55

Cun kawn ah Bawipa Jesuh naw, chang gui-am, “Nangmi cu m’gut ei pha ah mäih ah kei nami na phak khai ah, htung tawn ni khim ni kawt ne nami lawk ci ma? Kei naw ak hnüüp tä pum im ung ngo ne kam theithang yah ung nangmi naw kei kä nami na phak ci maw?

MATTHE 7:2

Chang nami m’khoi chaa ah mäih ah Khanpughi naw ning m’khoi chaa gui khai. Chang nami m’khoi chaa nak ung nami bi ah mäih ah Khanpughi naw nami khan ah bi bik khai.

ZEPHANIAH 2:10

Moab la Ammon chang gui cu chang k’awm ne, m’ghämce u ne, A hlüngtai säih Bawipa ah chang gui cu päipih u ne ami kyak ah phäh ah m’kyuk nak gah khai gui.

EZEKIEL 36:4

Cun ah kyasei tuhbäi, kei uktu Bawipa naw ka pyen cu ngai vä, nangmi khomhtung gui la khogui gui, tuilawng gui la khongnawi gui naw di ciah kho hmun gui, la nangmi angveing ung pakhui gui avan naw guttep ne ami züihsha ah shiu ciah mang gaw gui.

EZEKIEL 36:2

uktu Bawipa naw ka pyen nei: Israel ah ga gui naw ami m’lung m’hni ne ami pyen cu, ‘Tuhbäi, cän ah cau khomik khomhtung gui cä keimi ah kaa nei!”

EZEKIEL 35:15

cun cu kei, ka mät ah kaa, Israel a shiu yah ung nang na yeikyai ah mäih ah kyak ci. Seir khomhtung gui, Edom khaw avan cu shiu khai nei. Cun ung chang nü naw kei cu Bawipa ah na hmat khai.”

JEREMIAH 18:16

Ngami naw shin ah khaw cu kyihkyawk vai kyak ci, angtäi sei päipih vai kyak khai ah pyang ci gui. Acun sun pah ciah chang avan cu cun ami hmuh ung vat yawp u ne; cäi ne ami lu tum khai gui.

SAM 79:4

Pei ng’len ah changpakhui gui naw na shedam na ne, na gaih m’gin ne, na päipih gui ci gui nei.

SAM 44:13

Nang naw keimi ah khan ah na bi cu kami peileng gui naw hmu u neta, na päipih u ne, na gaih tu gui ci gui.

JOB 16:4

Nang cu kei ah hnün ung om ne, kei cu nang ah hnün ung ka om vaisü ung, nangmi ah mäih ah kei phi ka ng’thu hning khai nei. Hmuhmat nak awn be ne ka lu phi ka k’thüng hning khai cun kawn ah tuinu ah mäih ah phu sei ng’thu ne ka ning hteh hning khai sü.

SAM 64:8

A cun ah thu gui ah hmawk ah ani naw m’di gui khai; Ngami hmu gui ci phung naw ami lu thüng khai gui.

NG’ÄI KYAH 1:7

Tubäi dishum ne amät om neta, Jerusalem naw acau abämang nak man cu khü ba ci. Ani ga ah kut ung ang kiak sangung ani m’hteihtang tuk khai a u kä om ci. Ani näng ci gui naw ani cu gaih tu u ne kahta nak ci gui.

NG’ÄI KYAH 1:12

“Na teng vä “ci ne ani sun pah ci päng ah ma ah kyap ci. A u chang ung phi kei ah m’neh ah mäih kä om khai nei. Cun ah m’neh nak cu Bawipa naw am lungshe yah ung kei ah khan ah a law püi ah kyak ci nei.