JEREMIAH 48:22 - Cho Bible Common Language 2016

²² Dibon, Nebo, Beth Diblathaim,

JEREMIAH 48:22 Referans Kwoze

JEREMIAH 48:18

Dibon ung om ciah nang mi, m’taam nak ah hmun nami om nak ungka kyum law ne, m’dek ung m’vut ung ngo vä; Moab m’di ciah chang cu shin ung om ne, acun ah mang gaw k’pang gui cu m’di pyi ci nei.

EZEKIEL 6:14

Kei naw ka kut shäng ne ami khopäng ka m’di khai. Kei naw ai phi kä k’pawih na ne, a htumtäng khong gau ungka naw a siiptäng Riblah mang gaw ung khüt sei shet sak ne, Israel gui ah om nak ah hmun phung kä ka k’pawih nak khai. Cung kawn ah chang nü naw kei cu Bawipa ah na hmat khai.”

JEREMIAH 48:1

Shin cu Moab ah mawng m’gäi ciah Bawipa naw a pyen ah kyak ci: “Nebo chang gui cu m’gein gui vä — Ngami ah gaw nu cu di pyi ci nei! Kiriathaim cu tu ne khäm ci gui, m’gäi ciah amang pang cu gäi ci gui, achang gui cu lü ng’aa ci gui nei;

KHEI NAK 32:34

Kad pakhui naw ami cawh ba ah gawnu gui cu: Dibon, Ataroth, Aroer,

KHEI NAK 21:30

Cun ung phi ami htangshon gui cu di pyi ci gui, Heshbon ungka naw Dibon, Nashim ungka naw Nophah, Medeba pei ung lam avan ung di yawp pyi ci gui.”

ISAIAH 15:2

Dibon chang gui cu agup ah pei ah kyap khai gui ah khawgui ah hang kai ci gui. Moab chang gui cu Nebo la Medeba mang gaw gui ah phah ah thüi aih u neta; ami lumu k’tei u ne m’khamu cu m’sei ci gui.

JEREMIAH 48:21

Khohlüng mang gaw gui ah khan ah ng’thumcha nak gawk law pyi ci nei, cun gui cu: Holon, Jahzah, mephath,

JEREMIAH 48:23

Kiriathaim, Bethgamula, Bethmeon,