JEREMIAH 48:2 - Cho Bible Common Language 2016

² Moab ah bämang nak cu maih pyi ci. Ga gui naw Heshbon cu tu ne khäm u ne, Moab khui khaw m’di vai ah pawng ci gui nei. Madmen gawnu cu kä shipdeep khai nei; gakap gui kai law ne tuk khai gui nei.

JEREMIAH 48:2 Referans Kwoze

JEREMIAH 31:36

Khawpuui a om ah chuih Israel pakhui khaw cu om khai cine ani naw shaitak ci.

ISAIAH 16:14

Tuhbäi Bawipa naw pyen ci, “Kum thum ah akyong ung Moab ah büh-mang nak gui cu maih khai nei. A ni ah ak chang akda ungka, apihta bäng k’pawih ba khai, cun gui cu ami k’tha ken khai.

KHEI NAK 32:37

Reuben pakhui naw ami cawh ba ah gawnu gui cu: Heshbon, Elealeh, Kiriathaim,

JEREMIAH 49:3

Heshbon chang gui, kyap vä! a ih cu m’di pyi ci gui nei! Rabbah hnumi gui thüikyap vä! Sui she sui ne thüisei vä. Ng’gogan ne dawng vä. Nami khanpughi molek cu ak taigü gui la amang hta gui awn atäng ah om ktu ah hteh püi ci gui nei.

JEREMIAH 48:45

Amgein kaa chang dawng gui cu Heshbon ung ng’tungzi khai gui ah k’tha nak ci gui, cun ung phi cun cu mei ah däi ci nei. Ng’tuk vai m’hni ciah Moab chang gui ah ami khogii gui la khomhtung hlüng gui cu mei naw ui pyi ci nei.

JEREMIAH 48:42

Moab cu m’di khai gui, pakhui tumat ah kä kya tu ba khai, a i ah kyasei ci ung kei ana hnungtuk püi ah phäh ah kyak ci.

JEREMIAH 48:17

Acun ah pei ng’leng ung om ci gui, acun ah ming thang hmat ci gui avan, cun ah pakhui khaw ah phäh ah thui sei vä. Pyen vä; ‘Ani ah uknak huham cu she pyi ci nei; abämang nak la amgäi nak kä om ba ci nei’

JEREMIAH 46:28

Kei cu nangmi ah law ne ka ning hun gui khai. Kei naw ka ning püi pyang sak nak gui ah pakhui khaw avan cu kei naw ka m’di gui khai. Nangmi cu kä m’kyuk ah kä ka ning hteh sak gui khai; cun ung phi kei naw ka ning m’kyuk gui ung akdei dang ah bik khai. Kei, Bawipa, naw ka pyen nei.”

JEREMIAH 33:24

“Kei naw ka ghü ah Israel la Judah kyong khui goi cu, kei naw ka hnungtuk püi gui ciah chang gui naw ami pyen cu nah mu ng’ya man naw? Cun ah kyasei ngami naw ka chang gui cu a i ah kä sui une, changpakhui ah phi kä ngai law ka ci gui,

JEREMIAH 25:17

Kei naw khap cu Bawipa ah kut ungka ka lak ci, Bawipa naw ana tüih law changpakhui avan am ka pe gui ci, cun kawn ah ka awk sak gui ci.

JEREMIAH 25:15

Bawipa, Israel khanpughi naw na pyen nak ci, shin ung sapyit tuikhap, kei ah m’lungshe nak awn be ci. La ne, kei naw ka ning tüih law ah changpakhui avan am awk sak gui ä.

ISAIAH 25:10

Bawipa naw Zion m’htung cu shungvong khai, cun ung phi Moab chang gui cu eek-shin ung htang gongchawng leh m’hnep ah mäih ah the m’hnep gui khai.

ISAIAH 15:5

Kei ah kamlung cu Moab ah phäh ah kyap ci nei! Chang gui cu Zoara gawnu la Eklath Shelishiyah ung gawk ne dawng ci gui. Amshah ui luhith lam ung kai ci gui, ami hteh yah pum kyap ci gui; amshah cu m’lau ne kyap ne, Hero naim ah phyawng ne gawk ci gui.

ISAIAH 15:1

Shinah ng’thuwmoab ah mawng ah kya ci. Ara la kira mang gaw cu mü ät ung m’di u sei Moab khaw cu ding kyip ci.

JEREMIAH 49:37

Kei naw Elam chang gui cu ngami ngawn gui hlük ciah ami ga gui ami kyih gui vai ah ka ci gui khai. Kei naw Elam chang gui cu dämduh ciah hnungtuk gui khai ah ka gakap gui ka tüi gui khai.