JEREMIAH 48:17 - Cho Bible Common Language 2016

¹⁷ Acun ah pei ng’leng ung om ci gui, acun ah ming thang hmat ci gui avan, cun ah pakhui khaw ah phäh ah thui sei vä. Pyen vä; ‘Ani ah uknak huham cu she pyi ci nei; abämang nak la amgäi nak kä om ba ci nei’

JEREMIAH 48:17 Referans Kwoze

ISAIAH 9:4

A I ah kyasei ci ung ngami ung gih ciah kawh nak la Ngami ami k’phleing ung thah nak ah htung cu, Nang naw na cheiuh pyi ah kyakci. Nang naw cau pui Midian gakap gui na hnim gui ah mäih ah, Na Chang gui shedam na ne lei ei gai awk ciah pakhui cu, nang naw na hnim ci nei.

JEREMIAH 48:39

Moab cu ng’pyäuh pyi ci nei! Kyap pyi ci nei! Moab cu thui hmai pyi ci nei. Ani cu di pyi ci nei, a pei ung ah pakhui gui avan naw m’lepse nak ci gui nei. Kei, Bawipa naw ka pyen ci nei.”

ISAIAH 16:8

Heshbon pei ah ami lo gui la Sibmah sapyitlo gui cu m’di ci gui — Cun ah sapyitlo ung sapyit tui naw chang pakhui uktu gui cu awktat sak gui man ci. Ayanä läi ung sapyitshun cu Jazer mang gaw ung gawk ne, ak kyang täng ah kiangkhi ung gawk ci, ak khei täng ah Tuisi Tuinu ah vangtäng kem ung khüt ci.

ISAIAH 10:5

Bawipa naw, “Assiria gui! Kei naw Assiria gui cu, kei naw ka m’lungshe nak gui m’kyuk nak gui vai ah thah htung ah ka mang gui ci nei.

SAM 110:2

Bawipa naw Zion mang gaw ungka naw na uknak huham cu shawng sak khai. “Na ga gui cu uk gui ä” cik khai.

ISAIAH 14:6

Cun gui naw chang gui cu m’lungshe ne shadam na u ne, ngami naw ami khäm ah pakhui gui cu kä ng’düm ne kdukdein nak ci gui nei.