JEREMIAH 48:15 - Cho Bible Common Language 2016

¹⁵ Moab la amang gaw gui cu m’di pyi ci gui nei; Ami chang nong kyom gui cu ngawn gui ci gui nei, kei, ghangpughang, m’gai ciah Bawipa naw ka pyen ci.

JEREMIAH 48:15 Referans Kwoze

JEREMIAH 50:27

Ami gakap gui avan ngawn vä! ngawn gui yawp vä! Babilonia Chang gui cu ng’ziin pyi ci gui nei!

JEREMIAH 46:18

Kei cu m’gäi ciah Bawipa, ghangpughang. Kei cu ghing ciah khanpughi. Tabor m’htung cu m’htung gui ah khan ah ang tai ah mäih, Karmela m’htung cu tuinu ah khan ah a hlüng ah mäih ah, tumat ah k’tha mah nak naw ning tuk gui khai.

JEREMIAH 51:57

Kei naw ami uk tu gui — cüivai chang gui, ami ng’vai gui, gakap gui cu awktat khai gui ah ka ci gui khai. Ngami cu hteit ne ip u ne kä ng’shüm law ba khai gui. Kei, ghangpughang naw ka pyen nei; kei cu m’gäi ciah Bawipa nei.

MALAKHI 1:14

Ana pek vai ah a shaitak ah htome akni om lang sei, shekhak ciah ak ghing awn na khawihnah lawk ciah chang ah khan ah plah tam nak om sä! Kei cu küikyang ciah ghangpughang ah ka kyak ci, chang pakhui avan naw kei cu na kyih aa ci nei” cik ci.

THU PHLAAN 19:16

Ani ah asuinu la a phei khaw ung, “Bawi nüng ah Bawi, mang nüng ah Mang” ciah ming cu ng’guk ci nei.

JAMES 5:4

Nangmi naw nami lo bik ciah chang gui ah ng’cheng cu kä nami pek ci nei. Ngami ah ng’cheng shan cu ngai vä! Ngami naw ng’cheng shang ne ami m’lau ah k’aw cu, a hlüngtai säih Bawipa, Khanpughi naw ng’yak ci nei.

ZEKHARIAH 14:9

Cun kawn ah Bawipa cu khomdek khan avan ung ghangpughang ah kya lawk khai; chang päng naw Khanpughi ah kyak ci, cine khawihnah khai gui, acun ah ming cu hmat khai gui.

DANIEL 4:37

“Tuhbäi kei, Nebukhadnezzar naw, khankho ghangpughang cu m’hlüngtai ne, m’tamkhah ne ka bämang sak ci nei. Ani ah abi phung cu düng ne taga ci nei. Chang ah ng’shei ne hnüntho ci gui cu ani naw ng’nein sak gui ci nei.”

JEREMIAH 51:40

Kei naw ngami cu htome, Mehta, htome hta ah mäih ah ngawn vai ah ka hteh püi gui khai. Kei Bawipa naw ka pyen nei.

JEREMIAH 48:4

“Moab cu m’di pyi nei; a hmaw gui ah kyah cu ngai vä.

SAM 47:2

Bawipa, A hlüngtai pibäih cu kyih aa vai kyak ci nei; ani cu küikyang ciah ghangpughang, M’dekhan avan uk ciah kyak ci nei.

AMOS 4:10

“Kei naw leigai tumat cu Egypt gui ah khan ah ka chah ah mäih ah ka yuk chah ci. Kei naw nami chang nong gui ng’tuk nak ung ngawn gui ne, nami ng’se gui cu ka k’täm ci. Nami hmun ung sik ciah ak thu gui awn nami hna cu ka be sak ci. Cun güt ung nangmi kei ah kä nami law ba ci.

JEREMIAH 50:34

Cun ung phi ngami gung gui ciah tumat cu k’thamah ci-ani ah m’ung cu m’gäi ciah Bawipa ah kyak ci. Ngami ah hmawk cu ani naw bi ne. Khomdek khan ung dimdeeih nak law püi khai, cun ung phi Babilonia chang gui ah khan ah khüikha nak law püi khai.”