JEREMIAH 48:14 - Cho Bible Common Language 2016

¹⁴ “Moab chang gui, a i ah kyasei nami mät cu chang m’gäi gui, ng’tuk näng pyi ciah gakap gui ah nami pyen ang?

JEREMIAH 48:14 Referans Kwoze

SAM 33:16

Ghangpughang naw huhamah ciah gamaw awn näng nak kä gah ci, Bawi gaakap naw ghat ciah k’thagui awn m’khüt nak kä hmuk ci.

ISAIAH 10:16

M’gäi ciah Bawipa naw tuhbäi phü khai ah ami m’bei gui ah khan ah m’kyuk nak vai ah gawpai nak gui tüi lawk ge khai nei. Ami pumsa kyong ah mei naw ui ne ui gui khai nei.

ISAIAH 10:13

Assiria ghangpughang naw khähghah ne a pyen cu, “Shin gui avan cu ka mät naw ka ci nei. Kei cu ka gaigawng ci, ka cüivai ci, ka lunglang ci. Kei naw chang pakhui gui ah ng’lak ung khawgi gui cu phye ne, ami gim ah eiawk gui cu ka lak ci nei. A cun ung om ciah chang gui ah khan ah kei naw vantang ah mäih ah ka kai na gui ci nei.

ZEPHANIAH 2:10

Moab la Ammon chang gui cu chang k’awm ne, m’ghämce u ne, A hlüngtai säih Bawipa ah chang gui cu päipih u ne ami kyak ah phäh ah m’kyuk nak gah khai gui.

EZEKIEL 30:6

Bawipa naw pyen ci, “Asiip täng Mikdola ungka naw a htum täng Aswan ung khüt ciah Egypt shungvong ci gui ami van cu ng’tuk nak ung ngawn gui khai gui. Egypt ah khähghah ciah gakap cu m’di vai nei. Kei, uktu Bawipa naw ka pyen nei.

JEREMIAH 49:16

Chang aha nami ng’shei nak naw ning m’hleei hlak gui khai. Chang gui naw nangmi naw ami kyak vai nami ngaih hlawk ah kä ning kyih gui khai gui. Nangmi cu lung song gui ah khan, m’htung hlüng gui ah khan ung nami om khai; cun ung phi nangmi cu hmu ki ung ah mäih ah ah lüng nak ung nami om ung phi Bawipa naw ning yuk cha ba gui khai. Bawipa naw a pyen nei.”

JEREMIAH 9:23

Bawipa naw pyen ci, “Cüivai ci gui naw ami cüivai nak awn kä ami khäh ghah vai, Gai gawng ci gui naw ami thagui awn kä ami khäh ghah vai, büh mang ci gui naw ami khawh awn kä ami khäh gha vai.

JEREMIAH 8:8

Nangmi naw a i hawkcha ah kei ah ka thukhän hmat ne, nami cüivai ciah nami pyen khai ang? Teng vä, thukhän gui cu kä ng’düng ciah cacim saya gui naw m’thawng pyi ci gui nei.

ISAIAH 16:6

Judah chang gui naw pyen u ne, “Moab chang gui a i hlawk ah chang ah ami ng’shei cu mikmi naw mi ng’yak ci nei. Ngami cu m’ghämee, chang k’om u sei mi hmat gui ci, cun ung phi ngami ah khähghah nak cu akholä ah kyak ci.”

THUSHÄUTU 9:11

Kei naw ka hmat ah a hei tumat cu, shin ah khomdek khan ung, dawng gai ciah chang päng angtäi sei dawng kä näng ci, m’gäi ciah chang päng angtäi sei ng’tuk kä näng ci, cüivai ciah chang, angtäi sei kä gahtang ci, hmuhmat ciah chang päng angtäi sei kä bämang ci, m’khütnäng ciah chang päng angtäi sei bawi ah kä ngok ci. A chang päng ah khan ah akshe cu gawk law thei ci.

SAM 11:1

Bawipa ung phyawn vai ah ka ng’yii ci. A i hawkcha nang naw, shin ah thu na na pyen nak khai ang, “Kha ah mäih ah khomhtung ah zong ä,