JEREMIAH 48:13 - Cho Bible Common Language 2016

¹³ Israel chang gui naw ami ngaih u ah khanpughi Bethela cu kä ami yum ngak ba ah mäih ah, Moab chang gui cu ami khanpughi chemosh ah khan ah ami yum ngak nak kä om ba khai nei.

JEREMIAH 48:13 Referans Kwoze

JEREMIAH 48:39

Moab cu ng’pyäuh pyi ci nei! Kyap pyi ci nei! Moab cu thui hmai pyi ci nei. Ani cu di pyi ci nei, a pei ung ah pakhui gui avan naw m’lepse nak ci gui nei. Kei, Bawipa naw ka pyen ci nei.”

ISAIAH 45:16

A gup pyang ci gui ami van cu lü ng’aa khai gui; ngami ami van cu thüi hmai khai gui nei.

SUKI GUI 11:24

Nang naw cun cu na lak ba vai ah nak tha nak khan ma? Na khanpughi Chemosh naw a ning pek phung cu nang naw na k’pang hning ci nei. Keimi phi Bawipa kami Khanpughi naw ana pek gui phung cu kami k’pang khai nei.

JEREMIAH 48:46

Moab chang gui cu m’gein gui vä! Chemosh khawihnah ci gui cu m’di gui pyi ci gui nei, ami hta pami, hta hnumi gui cu pha ne hteh püi pyi ci gui nei.

JEREMIAH 48:7

“Moab, nang cu na thagui la na khawh cham na ngaih u ci, cun ung phi tuhbäi nang cu ning hnim khai gui; Nami khanpughi chemosh cu a manghta gui la a taigü gui mah ah omktu khaw ah hteit khai gui

ISAIAH 45:20

Bawipa naw pyen ci, “Chang pakhui gui atäng ah law vä, mang khaw ang kiak sangung k’pawih ci gui avan; Ami sing a gup gui phlu u ne, kä hun gui hning ciah khanpughi gui ah taigü ci gui. Yung ah m’kawt ung nami mät ah mawng pyen law vä!

ISAIAH 16:12

Moab chang gui cu ami sui kheei sei, ami khomhtung agup gui ah hteit u ne, ami Taigüim gui ah taigü vai ah hteit cigui, cun ung phi acun naw kä akni ah kyak sak gui khai.

ISAIAH 2:20

Cun ah hnüüp a gawk law ung ghui la ngui ann ami pyan ah a gup gui cu ngami naw ghawt khai gui, k’bui gui la palak gui ah ng’lung ah nawng gui khai gui.

1 GHANGPUGHANG GUI 18:40

Elijah naw ng’thu k’bäi ne, “Baala prophet gui cu k’pang gui vä; tumat phi kä k’phyawn en vä!” Chang gui naw ngami cu ami van pha gui ci gui, Elijah naw Tuinu Kishon ah hteh püi gui neta ngawn gui ci.

1 GHANGPUGHANG GUI 11:7

Ani naw Jerusalem ah ak kyang khomhtung khan ah shemshai ciah Moab khanpughi Chemosh khawihnah nak vai la Ammon ah Shemshai ciah khanpughi Molek khawihnah nak vai ah hmun cu co ci.

1 GHANGPUGHANG GUI 11:33

Kei naw acun ah ka bi lawk khai, a i ah kya se ci ung Solomon naw kei cu na hnungtuk püi ne a khaw hei khanpughi gui a khawihnah ah phäh ah kyak ci: cun gui cu Astarte Sidon khanpughinu; Chemosh, Moab khanpughi; Molek, Ammon khanpughi ah kyak ci. Solomon naw kä na ngai ci; ani naw chei khai ah bik ci, apa David ah mäih ah kei ah ka thukhän gui la thumkhän gui cu kä k’pang ci.

JEREMIAH 48:12

“Cun ah kyasei tuhbäi, Moab cu sapyit tui ah mäih ah huk khai ah channg ka tüih law nak vai ah akhin gawk lawk ci nei. Ngami sapyit hlüng cu ghawng khai ah ci u ne, khui khai ah cik khai gui nei.

2 SHONTÄP NAK 25:15

Acun naw Bawipa cu m’lungshe sak sei ani naw Amaziah ah prophet tumat cu tüi ci. Prophet naw pyen nak ci, “Nang ah huham ungka a mät ah chang gui phi kä hun hlawt ciah a khaw hei khanpughi gui cu a i ah kyasei na khawihnah ang?”