JEREMIAH 48:11 - Cho Bible Common Language 2016

¹¹ Bawipa naw pyen ci, “Moab cu angtäi sei ngaih gep ne om ci, a i yah ung phi omktu ah kä hteh püi man ci gui. Moab cu hlüng tumat ungka naw tumat ung kä lawng ne, kä thäu phung ah sapyit tui ah mäih ah kyak ci. A htang cu kä dip hung ci. A tui cu angtäi sei nik ci.

JEREMIAH 48:11 Referans Kwoze

ZEPHANIAH 1:12

“Cun yah ung kei naw meikdäi kawt ne Jerusalem cu ka shü khai. Ami mätah hmawk bäng ah ng’ä u ne, ‘Khanpughi naw a i kä na pek ci, a i ah kä na cik khai’ cik ci gui cu ka m’shet gui khai.

ZEKHARIAH 1:15

Zeikyai ding gei ciah pakhui gui ah khan ah anghtei ah ka m’lungshe ci nei. A i ah kyaseici ung kei naw ka chang gui ah khan ah ka m’lungshe nak ka m’dang law vai ung, cun ah pakhui gui naw, ka chang gui ani geinvai vai ah akshe ah bik ci gui nei.

NAHUM 2:2

(Israel gui ah bämang nak cu, ga naw kä ah guh tep pha ung Bawipa naw gim khai ah pawng pyi ci nei.)

JEREMIAH 48:29

Moab cu ng’shei aih ci nei. Chang gui a i hlawk ah ng’shei u ne, m’gäi m’cik ne, m’ghämu ne, ami nat naw ami mät a i hlawk ah ami nguih cu kei naw ka ng’yak ci nei.

ISAIAH 24:3

Khomdek cu ng’phyit ne dii khai. Shin cu Bawipa ah thu pyen ah kya ne, bi tuk cang khai nei.

ISAIAH 16:6

Judah chang gui naw pyen u ne, “Moab chang gui a i hlawk ah chang ah ami ng’shei cu mikmi naw mi ng’yak ci nei. Ngami cu m’ghämee, chang k’om u sei mi hmat gui ci, cun ung phi ngami ah khähghah nak cu akholä ah kyak ci.”

SAM 123:4

Ng’bühmang ci gui ah yawshe nak la, chang ah ng’shei ci gui ah shedam nak kami awt cu sho aih ci nei.

SAM 55:19

Ang täi ah uk ciah Khanpughi naw na ng’ya ne, ngami cu hnim gui khai nei; Ngami cu ami m’lung kä m’thawng u ne, Khanpughi kä kyih aa ci gui.

JEREMIAH 51:34

Babilonia ghangpughang naw Jerusalem cu tu pit ne ei ci. Ani naw mang im cu hlüng ah mäih ah ghawng sak ne; k’phyu ng’ghaw ah mäih ah m’zawih ci. Ani naw ang zak hlü gui cu la neta, k’pawih ci gui cu ghawt ci.

ISAIAH 25:6

Shin ah Zion m’htung ung m’gäi ciah Bawipa naw khomdek khan chang pakhui avan ah hwawk ah ei-hnii ng pyang khai bä pi ciah ei la ni pi ciah awk ah ei-hniing ah kya ci.

NG'THU K'THUUK~ 1:32

Kä hmu ng’ya thei ciah chang gui cu sik ci gui, a i ah kyasei ci ung ngakmi naw cüvai nak hnu nak ci gui. Changshe gui cu ami mät ah bi awn dishum ci gui.

NAHUM 2:10

Nineveh cu di ci, shum ci, shiu ci! M’lung avan kyi ne ng’tum ci, M’khuuk phi ng’hlet ci, Thagui avan maih ci, Hmai phi thui ne ng’aa ci.

JEREMIAH 22:21

Nami bühmang yah ung Bawipa naw ning thu püi gui ci, cun ung phi nangmi naw ma ne kä nami ngai ci. Nangmi cu nami ghin ah chuih acun ah nami kyak ci; Bawipa cu kä nami läk phung ci.

JEREMIAH 48:12

“Cun ah kyasei tuhbäi, Moab cu sapyit tui ah mäih ah huk khai ah channg ka tüih law nak vai ah akhin gawk lawk ci nei. Ngami sapyit hlüng cu ghawng khai ah ci u ne, khui khai ah cik khai gui nei.