JEREMIAH 47:6 - Cho Bible Common Language 2016

⁶ Nangmi naw m’lau u ne, ‘BAWIPA ah khimsem, Nang naw a i güt na tu aat khai ang? Khim käp khui ah lut ba ne a düm ah om mä!

JEREMIAH 47:6 Referans Kwoze

JEREMIAH 12:12

Chang gui naw bung hmu khogui avan kan law u ne, gut tep khai gui ah lawk ci gui nei. Khaw avan m’di khai ah ng’tuk nak cu kei naw ka tüi lawk ci nei, a u phi dimdeeih sei kä om khai nei.

JOHAN 18:11

Bawipa Jesuh naw, “Na chim cu bun ba ä, Kapa naw ana peit ah yaica nak ah khap cu kei naw kä ka awk khai ah na ngai ne ma? ci ne Peter cu m’cäi ci.

EZEKIEL 21:30

Khimsem cu bun ba ä! Kei naw nang cu na ng’tüisho nak ah hmun, ami ning hta nak ah khaw ung ka ning m’khoicahk khai nei.

EZEKIEL 14:17

“Kä cun ung, kei naw cun ah khopäng ah khan ah ng’tuk nak ka law püi khai, Chang gui la seime gui nawt heng gui khai ah m’di nak ah likhin ka tüi lawk khai,

JEREMIAH 25:27

Bawipa naw kei cu na pyen nak ci, “Kei, m’gäi ciah Bawipa, Israel khanpughi naw ka thumkhän gui cu chang gui am m’thein gui ä, ngami hnungtuk gui khai ah kei naw ka tüih law ng’tuk nak awn awktat ne m’sha ne, kyu ng’täng ne kä ami thawh law ba hning güt ung ami awk vai nei.

JEREMIAH 15:3

Kei, Bawipa naw ka k’bäi ci, kyih vai ah mawng phli cu ngami ah khan ah kya lawk khai: ngami cu ng’tuk nak ung ngawn gui khai gui; ami pumsa gui cu ui gui naw ng’gut gui khai gui, kha gui naw ei khai gui, k’pawih ba ci gui cu khisa gui naw k’tüi ne ei khai gui.

JEREMIAH 12:4

Kami khaw cu a i güt ung chawng ne, lolai päng ung khu mghaw gui cu a i güt ung ng’yai khai gui ang? Kami chang gui ah shetkat ah phäh ah khisa gui la kha gui cu sik ci gui nei. Cun gui cu kami chang gui ah katnak ah phäh ah kyak ci, Cun ah chang gui naw, “mikmi ah bilawh cu Khanpughi naw kä hmuk ci nei” cik ci gui.

JEREMIAH 4:21

Kei naw a i güt ami ng’tuk ka hmuk khai ang, phyungheng gui ah ng’gin a i güt ka ng’yak khai ang?

ISAIAH 10:15

Cun ung phi Bawipa naw, “Ghei cu, acun bik ci chang ah ta dämduh pi ciah pyen hning vai ang? Ng’hlawh cicu m’hlawh ciah chang ah mä küikyang tuba ne ang? Ng’kii naw chang kä k’pang ci, chang naw ng’kii k’pang ci nei.”

ISAIAH 10:5

Bawipa naw, “Assiria gui! Kei naw Assiria gui cu, kei naw ka m’lungshe nak gui m’kyuk nak gui vai ah thah htung ah ka mang gui ci nei.

SAM 17:13

Bawipa, kyum law ä! Ka gaa gui cu ng’tuk püi gui ne m’htin gui ä! Changshe gui ung ka, na chim ghaat awn na hun ä;

1 SHONTÄP NAK 21:27

Bawipa naw khanchang am akhim a bun ba vai pyen sei khanchang naw ng’ngai ci.

2 SAMUEL 2:26

Abner naw Joab cu khü ne, “Mikmi angtäi sei mi ng’tuk khai ma? Ak hnu ah a i phi a bä nak kä om khai, a khaa nak va om khai, cicu kä nami hmu ne ma? Keimi cu nami khaw-chang ah kami kyak ci. Na chang gui naw kä na gawt ba gui khai ah na k’bäi nak vai a i güt lüng ba khai ang?” cik ci.

SUKI GUI 7:20

a hei ng’pai-goi naw phi acun ah ci tuk ci gui. Ngami ami van naw ami eng täng ah meidäi, ami k’pat täng ah phyung puuk kawt u neta, m’lau ci gui, “Bawipa la Kideon ah khim nei! cik ci gui.

JEREMIAH 48:10

Amlung avan awn Bawipa ah bii kä bik ciah chang cu taam vä! kä tu ne kä ngawn ciah chang cu taam vä!

JEREMIAH 50:35

Bawipa naw pyen ci, “Babilonia ung sih nak gawk sä! Ak chang gui, a uk tu gui la cüi vai chang gui ung sih nak gawk sä!

ZEKHARIAH 13:7

Hlüngtai ciah Bawipa naw, “Tho law ä, khim ghaat aw, kei ah hmawk ah bii bik ciah htoshäm cu na tuk vai, Na ngawn vai, a htome gu cu püipyang khai gui. Kei naw ka chang gui cu ka tu gui khai.