JEREMIAH 47:3 - Cho Bible Common Language 2016

³ Ngami naw ng’se gui ah kho ng’leh ng’yak khai gui, yatha gui ah ng’kyeet, piing gui ah ng’phiui ng’yak khai gui. Nupa gui naw ami hta hmaw gui cu ng’hlat ne kä teng ba khai gui; Ami kut gui cu ng’gung ne ng’bat khai.

JEREMIAH 47:3 Referans Kwoze

JEREMIAH 8:16

Mi ga gui cu Dan mang gaw ung gawk law pyi cu gui; mikmi ngaw ami se gui ah ami gin cu mi ng’yak ci. Ami ng’se gui a viik law ung khi avan cu ng’thüng ci. Mi ga gui aw law u ne, mi khaw la cun ung om ciah ang nü, mi mang gaw gui la chang gui avan cu m’du cu gui.”

SUKI GUI 5:22

Ng’se gui cu ng’hlü u ne, m’dek ung ami khawpaw päu sei dawng lawk ci gui.

NAHUM 2:4

Ami ng’hlee gui cu lam pang ung ng’phäi law u ne, Ng’güüt ne htiet hton u ne, mang gaw k’täih ne veing ci gui. M’htai k’däi ah mäih ah ng’shü u ne, Khaw lailäp ah mäih ah ng’phäi ci gui.

JEREMIAH 46:9

Thumkhän vä, ng’se gui cu hteit u sä yatha gui ng’phiui u sä! Gakap gui tüi vä: Sudan la Libya ung chang gui shawi kawt ci gui, Lydia ung likap thei gui!”

THU PHLAAN 9:9

Ami ng’kyaang cu m’si shawiphaw k’bah ciah mäih ah kyak ci, ami ng’phia ami khääp cu ng’tuk bik khai ah ng’phäi lawk ciah ng’se gui ah mäih ah ng’hmum ci.

JEREMIAH 50:42

Ngami naw amili la khim cu lak ci gui; ngami m’ghämce ci gui, m’gein nak kä om ci. Tuinu ah ng’güüt ah mäih ah ami k’se gui ami ng’cum cu kyak ci. Ngami cu Babilonia hnungtuk ne ng’tuk ge vai ah om ci gui.

EZEKIEL 23:24

Ngami naw a siiptäng ah ka naw ning tu law gui khai gui, yatha gui la tui ei gui awn gakap aknui law püi ne ning tu lawk khai gui. Shawi gui kawt ne m’si bikhu ung’büng ne ning khaai khai gui. Kei naw ngami am ka ning ap khai, Ngami naw ami mät ah thukhän awn ning m’khoi chak khai gui.

NAHUM 2:8

Tui büi nak hlawng ne ng’gäi sei, tui ang güüt ah Mäih ah, Nineveh chang gui lam ng’gut ne dawng ci gui! “Ng’düi vä! ng’düi vä! cine kyap m’lau sei phi, A u kä va ng’hlat ba ci.

ISAIAH 5:28

Ami m’la gui cu ghat ne, ami li gui cu kah ghet vai kyak ci. Ami ng’se gui ah khopaw gui cu meikhatlung ah mäih ah liu ne, ami zatha-ping gui cu kuiphka ah mäih ah ng’tum ci.