JEREMIAH 47:1 - Cho Bible Common Language 2016

¹ Egypt ghangpughang naw Kazak ä atuk pha ung Philistia ah mawng Bawipa naw na ng’thu püi ci.

JEREMIAH 47:1 Referans Kwoze

ATÜNNAK 10:19

Kanaan pakhui gui ah khaw cu Sidon gawnu ungka naw a htumtäng Kera gawnu, Kaza gawnu ung khüt ne, aking täng Sodom, Komorrah, Admah la Lasha ah pei Zeboiim gawnu ung khüt ci.

1 GHANGPUGHANG GUI 4:24

Solomon naw Tuinu Euphratis akhei täng khaw avan, Tiphsah Euphratis ah khan ungka naw akhei täng Kaza mang gaw ung khüt sei uk ci. Euphratis akhei täng ung ghangpughang gui ami van cu ani ah ka ung lawk ci gui, ani cu a pei leng ung khawpäng gui ami van awn dimdeeih nak bik ci gui.

ISAIAH 14:29

Philistia chang gui. Nangmi ning thah nak gui ah htung cu hnget pyi ci nei, cun ung phi nami yeikyai nak vai kä om ci nei. K’phyu tumat a sih ung, cun ah hnün ung nget pi ci gawk law ba ci. K’phyu ah m’tui ung ka k’phyu k’cung kheh ci nei.

EZEKIEL 25:16

Cun ah kyasei kei naw ka ng’shäu ci, kei naw Philistin gui cu tu gui ne ka nawtheng gui khai. Philistin kho dou ung om ci ng’nü cu kei naw ka m’di gui khai.

JOEL 3:4

“Tire, Sidon la Philistia avan, kei ah khan ah a i bi vai ah ang nami tha nak? Kei am a i baw nami na pe ba khai ah nami tha na ne ang? Nami tha nak ah a kyak ung, kei naw ang ghit ah ka ning pe ba gui khai!

EZEKIEL 25:15

Uktu Bawipa naw pyen ci, “Philistin gui naw ng’shon ng’län ung ami ga gui ah khan ah ak ghuih ah phu tu u ne, ami thüi nak awn m’di gui ci gui.