JEREMIAH 46:9 - Cho Bible Common Language 2016

⁹ Thumkhän vä, ng’se gui cu hteit u sä yatha gui ng’phiui u sä! Gakap gui tüi vä: Sudan la Libya ung chang gui shawi kawt ci gui, Lydia ung likap thei gui!”

JEREMIAH 46:9 Referans Kwoze

EZEKIEL 27:10

“Persia, Lidia la Libya ah ka gakap gui cu, nang ah gakapbum ung bii bik ci gui. Ngami naw ami shawi gui la ami lukhu gui cu nang ah gakap im ung bat ci gui. Ngami cu nang ah bäimang nak bik ci gui ah kyak ci.

ISAIAH 66:19

Cun khawn ah ngami m’kyuk gui cicu kei ah kyak phi hmat khai gui nei. “Cun ung phi kei naw amshah k’pai gui ne, kei ah ka huham la ka dämduh nak kä hmu man i gui la keiah ka mingthang nak kä ng’ya man ci gui ah pakhui gui la asho nak kho gui ah ka gui cu ka tüi gui khai: cun gui cu Sapin, Libia, la lidia-li kap akni gui ah om nak, Tubal la Kreece ah kyak ci. Shin ah pakhni gui ah ng’lung ah ngami naw kei ah dämduh nak cu shän kahi gui.

NAHUM 3:9

Ani naw Sudan la Egypt khaw cu uk ci, Ani ah huham ung k’büüp nak kä om ci, Libia phi ani ah kaa ah om ci.

1 KORIN 1:8

Ani naw nangmi cu kho a khütunggawk sei ning düng sak gui khai. Cun ah kyasei Bawipa Jesuh Khrit naw ng’thu am chaa hnüüp ung nangmi cu kat nami phiawn nak khai.

LAMKTU 2:10

Pontus lah Asia; Phrikia lah Pamphilia; Egypt lah Sairin ah pei Libya ah ka gui ah mi kyak ci.

JEREMIAH 47:3

Ngami naw ng’se gui ah kho ng’leh ng’yak khai gui, yatha gui ah ng’kyeet, piing gui ah ng’phiui ng’yak khai gui. Nupa gui naw ami hta hmaw gui cu ng’hlat ne kä teng ba khai gui; Ami kut gui cu ng’gung ne ng’bat khai.

JEREMIAH 30:5

“Kyi kyawk ne kyah cu ka ng’yak ci nei, Cun cu kyi ne kyak ah kyak ci, dimdeeih nak ah kä kyak ci.

1 SHONTÄP NAK 1:11

Egypt ah hta ng’shon gui cu Lidia, Anam, Lehab, Naphtuh,

ATÜNNAK 10:13

Egypt ah hta gui cu Lydia, Anam, Lehab, Naphtuh,

ATÜNNAK 10:6

Ham ah htapa gui cu, Kusha, Egypt, Libya, la Kanaan ah kyak ci — ngami cu ming mah ne ng’shon ci gui ah kyak ci.

JEREMIAH 51:11

Bawipa naw Media ghangpughang gui cu thawh let sak gui ci, a i ah kyasei ci ung ani naw Babilonia cu m’di vai ah angbü ah phäh ah kyak ci. Cun cu ani naw a Taigüim ami m’di ah phäh phu atuk ah kyak ci. Ng’tuk ciah bawi gui naw Thum’khän u ne, “Nami m’la gui k’tah vä! Nami shawi gui m’hnüt ge vä!

EZEKIEL 30:4

Egypt kho ung ng’tuk nak om khai, Sudan ung dämduh ciah khüikha nak om khai. Egypt ung akda ngawn khai gui. Khopäng cu guttep u neta m’di ne nawng khai gui.

EZEKIEL 30:5

“Cun ah ng’tuk nak ung Sudan, Lidia, Libia, Arabia, Kub ungka ami ng’vah gui ah gakap gui cu ngawn gui khai gui, ka mät ah chang ung ka gui phi ngawn gui khai gui.”