JEREMIAH 46:8 - Cho Bible Common Language 2016

⁸ Nile tuinu ah mäih ah let ne, Tuikam be sei long ciah tuinu ah mäih ah kyak ci. Egypt naw pyen ci, “Kei cu tholet ne khomdek khan ka küm khai; kei naw mang gaw gui la acun ung om ciah chang gui cu ka m’di khai.

JEREMIAH 46:8 Referans Kwoze

EZEKIEL 32:2

Ani naw pyen ci, “Hnicim chang, Egypt ghangpughang am ng’cet ciah thukbäi na pek vai nei. Kei ungka shin ah ng’thu cu na pek vai: Nang cu changpakhui gui ah ng’lung ah phongkawng ah mäih ah na hnüntho ci. Cun ung phi nang awn tuinu ung ng’väk ciah k’saam awn natäng pi ci. Nang naw na kho awn tui cu ng’nai sak ne na m’naw sak ci.

EZEKIEL 29:3

Na pyen vai, shin cu uktu Bawipa naw Egypt ghangpughang am a pyen nak nei: Kei cu nangmi ah na ga nei, nangmi tuinu ung ng’zän ciah k’phyu k’saam gui. Nang naw Nile tuinu cu nang ah kaa, nang ah pyan ah na pyen ci.

DANIEL 11:10

Siria ghangpughang ah hta gui naw ng’tuk vai ah pawng u ne, gakap akda m’cut khai gui. Cun gui ungka tumat naw tui k’law ah ng’güt ah mäih ah gakap ng’vongpang tumat cu tuk khai.

AMOS 8:8

Cun ah kyasei m’dek cu thüng khai. Khaw ung chang päng cu ng’hlaw ei khai. Khopäng avan thüng khai, cun cu tho ne Nile tuinu ah mäih ah kyeim ba khai.