JEREMIAH 46:6 - Cho Bible Common Language 2016

⁶ Akgai ah dawng cicu ashou nak ah kä gawk hlawt ci; gakap gui kä laut hlawt ci gui. Asiip täng, Euphratis ung ngami cu ng’täng ne kyuk ci gui.

JEREMIAH 46:6 Referans Kwoze

DANIEL 11:19

Ghangpughang cu amät ah khaw mang gaw paang ah hteit ba khai, cun ung phi ani cu hnim khai gui, cun cu ani ah ng’pyi nak ah kyak khai.

JEREMIAH 46:12

Pakhui gui naw nami lü ng’aa cu ng’yak ci gui; nami kyah cu chang nü naw ng’yak ci. Gakap tumat cu ahei gakap ah khan ah kai ci, ani nik hnih m’dek ung kya lawk ci goi.

JEREMIAH 50:32

Khäh ghah ciah na pakhui khaw cu ng’lat ne kiuk ci nei, a u naw ka ning m’tho tuba ci nei. Nang ah mang gaw gui cu mei awn m’khih ne, a pei yung ah om ci ng’nü cu ka m’di khai nei.”

JEREMIAH 46:16

Nami gakap gui cu ng’vawn u ne kyu ng’ täng ci gui nei; Tumat la tumat ng’pyen na tuk ci gui, ‘Ang ghit ah! Mi chang gui ah im ah mi hteit khai cun kawn ah ga gui ah khimsem mi phiawn nak khai nei!’

JEREMIAH 46:10

Shin cu m’gäi ciah uktu Bawipa ah hnüüp ah kyak ci nei; tuh ngawi ani naw phu tuk khai; tuh ngawi ani naw aga gui m’kyuk khai nei. Ani ah khimsen naw abe güt ung ei gui khai, a kyä güt ah ami si aw gui khai nei. Tuh ngawi m’gäi ci naw a ghuh ng’tha nak vai awn khawihnah ci nei. Asiip täng Euphratis ung ah kyak ci nei.

JEREMIAH 25:9

‘Kei naw a siiptäng ah chang gui avan la ka changshäm Babilonia ghangpughang Nebukhadnezzar cu ka tüi lawk khai. Judah gui la khaw mah gui cu hnungtuk ne tu u ne, ami pei leng ah khochang pakhui avan hnungtuk khai gui cu kei naw ka law püi khai. Kei naw shin ah pakhui la a pei leng ung ka gui cu ka m’di lawk khai, khonglän ung dii khai ah ka nawng khai, hmuk ciah chang cu cäicat ne ng’hlet khai. Kei, Bawipa naw ka pyen nei.”

JEREMIAH 20:11

Cun ung phi nang Bawipa cu kei täng ah na om ci, na k’thamah ci, na m’gäi ci, kei na k’dukdeiu nak ci gui cu shum khai gui nei. Ngami cu kä näng hning phung u ne, angtäi sei thüisei khai gui. Ami thüisei nak cu kä m’hnih hlawt khai gui.

JEREMIAH 6:1

Benjamin chang gui, nami phiawn vai ah dawng vä! Jerusalem ung ka lauk vä! Tekoa ung phyungheng tum vä, Beth Hacaherem ung m’hnüt nak ah mei im co vä. Leigai la dishum nak cu a siiptäng ah ka lawk khai nei.

JEREMIAH 4:6

Zion täng ah mang vä! Phyawn vai ah dawng vä! Kä shokshü en vä! Bawipa naw leigai law püi ci nei, a siiptäng ah ka m’dishum nak akdäm gawk lawk ci nei.

JEREMIAH 1:14

Ani naw na pyen ma ne, “A siip täng ah ka dishum nak cu shin ah khaw ung om ciah avan ah khan ah gawk lawk khai nei,

ISAIAH 8:15

Chang akda cu ng’vawn khai gui; ng’tääk ne kyu u ne, ng’pyäuh khai gui. Ngami cu cun ung gawk khai gui.”

THUSHÄUTU 9:11

Kei naw ka hmat ah a hei tumat cu, shin ah khomdek khan ung, dawng gai ciah chang päng angtäi sei dawng kä näng ci, m’gäi ciah chang päng angtäi sei ng’tuk kä näng ci, cüivai ciah chang, angtäi sei kä gahtang ci, hmuhmat ciah chang päng angtäi sei kä bämang ci, m’khütnäng ciah chang päng angtäi sei bawi ah kä ngok ci. A chang päng ah khan ah akshe cu gawk law thei ci.

SAM 27:2

Kei na tuh ne, na ngawn hlük ciah changshe gui cu, ng’lat ne kiuk khai gui.

DANIEL 11:22

Ani hnungtuk püi ci phung cu Khanpughi ah taigütung ah a kyak ung phi k’täm ne tuthat khai gui.

2 GHANGPUGHANG GUI 23:29

Josiah cu ghangpughang ah a kyak sang ung, Egypt ghangpughang Neko cu Assiria uktu hun khai ah a gakap gui awn Euphratis Tuinu ung gawk lawk ci gui. Ghangpughang Josiah naw Egypt gakap gui khan gui khai ah law te ci, Mekiddo ung ng’tu u neta, ami ngawn ah kyak ci.

2 GHANGPUGHANG GUI 24:7

Egypt ghangpughang la a gakap gui cu Egypt ah akpung ah hteit ne ng’tuk kä bi ba ci gui, a i ah kyasei ci ung Egypt ah khopäng Euphratis ungka naw a siiptäng Egypt khogii ung khüt ci avan cu Babilonian ghangpughang naw a kut shum ah kyak ci.