JEREMIAH 46:5 - Cho Bible Common Language 2016

⁵ “Cun ung phi a i ang ka hmuh?” cine Bawipa ka ng’shik ci. “Ngami cu kyih nak vai täng ah ng’hlat ci gui nei. Ami gakap gui ami m’ghuih gui nei; kyih nak awn ami näng gui nei, ngami cu ami dawng hningah dawng ci gui nei. Ami hnu ah kä mang ba ci gui nei.

JEREMIAH 46:5 Referans Kwoze

JEREMIAH 49:29

Ami phung gui la ami htomak gui, phung ung zihdung gui la phung kyong ah om ci nü cu la vä. Ami kala-uk gui phi la u neta chang gui m’thein vä, “kyihshe ci naw ning koi gui ci nei” cine chang gui kyak na gui vä.

JEREMIAH 6:25

Keimi cu gawhta ung ah kä kami hteit ci, lam gui ung kä kami hteit ci, a i ah kyasei ci ung kyih vai kyak ciah likhim kawt ciah kami ga gui naw ami na koi gui ah phäh ah kyak ci.”

JEREMIAH 46:21

Ani naw ang vah ah gakap gui cu am gein kaa ah kyak ciah seihta ah mäih ah kyak ci gui nei. Ngami cu kä ng’düi hlawt, kä ng’tu hlawt ci gui; ami van ng’hlat ne dawng ci gui. Ami ng’ziin nak ah hnüüp, ami di nak ah akhin cu gawk lawk ci nei.

NAHUM 2:8

Tui büi nak hlawng ne ng’gäi sei, tui ang güüt ah Mäih ah, Nineveh chang gui lam ng’gut ne dawng ci gui! “Ng’düi vä! ng’düi vä! cine kyap m’lau sei phi, A u kä va ng’hlat ba ci.

EZEKIEL 32:10

Nang ah khan ah kei naw ka bi naw changpakhui gui cu cat sak gui khai. Kei naw ka khimsem ka hleh law ung ghangpughang ng’hlet ne kyik khai gui. Nang na ng’kiak hnüüp ung, ngami ami van cu ami hnungui ah phäh ah kyi u ne ng’hlet khai gui.”

JEREMIAH 46:15

A i ah kyasei m’gäi ciah nami khanpughi Apis azung kyak ang? Bawipa naw ani cu that ci nei!”

JEREMIAH 20:10

Chang nü naw na pyen sa u sei ka ng’yak ci nei, “khaw nü ung m’ghämce nak om ci! Cun ah kyasei huham bawi ah mi chak khai nei!” cik ci gui. Ka khawt püi gui pi ah a teihpüi gui naw phi kei ah yung kyak vai cu na ngäng ci gui nei. Ngami naw, “Ani cu mi thei leh nak khai, cun kawn ah ani cu mi phak khai, phu mi tuk nak khai” cik ci gui.

ISAIAH 19:16

Egypt chang gui hnumi ah mäih ah ami ng’aa ca nak vai ah akhin gawk lawk ci nei. M’gäi ciah Bawipa naw ngami m’kyuk nak gui vai ah a kut shäng sei ami hmuh ah a kyak ung, ngami cu kyi ne ng’hlet khai gui nei.

ATÜNNAK 19:17

Khanchang tumat naw, “Nami ghin vai ah dawng vä, nami hnu ah kä a mang en ba ne, ng’nawi ung kä ng’düm men ne, m’htung ah khüt ne dawng vä, cun ung nami phyawng khai nei” cine pyen na gui ci.

ISAIAH 5:25

Bawipa naw achang gui ah khan ah m’lungshe neta, ngami m’kyuk nak gui vai ah a kut shäng ci. Khaw m’htung gui thüng khai, sik ciah pumsa gui cu lam ung ng’ant ah mäih ah ng’zän shüt khai gui cun güt ung Bawipa ah m’lunghse nak cu kä ng’yi khai, cun ung ngami m’kyuk gui vai ah ani naw a kut cu shäng lä khai.

ISAIAH 13:8

Ngami cu ami van kyikyawk u ne, hta law khai ah hnumi ah mäih ah m’neh khai gui nei. Ngami kyin nak ann ng’teng tu u ne, ngami ah hmai cu ng’aa nak naw ui khai nei.

ISAIAH 42:17

A gup gui ngaih u ci gui avan lah, a gup am ami khanpughi ah pyen ci gui cu yuk buh gui vai, thüi ng’aa khai gui.”

JEREMIAH 49:5

Kei naw nangmi ah khan ah akit päng ung kyih vai ka law püi khai nei. Nangmi nami van nami dawng khai nei. Nangmi tumat ci cu nami hnun phiawn püi ne nami dawng khai, nami gakap gui bum ba gui khai tumat phi kä om khai nei.

EZEKIEL 39:18

Ngami naw gakap gui ah ami pumsa gui cu ei u ne, khomdek khan ung uktu gui ah si cu awk khai gui. Cun gui ami van cu htomehta, htome hla, me, plan ciah vantang gui ah mäih ah ami ngawn gui ah kyak khai.

NAHUM 2:9

Ngui phi ng’yäi ci! Ghui phi ng’phyang ci! Mang gaw ung khawh be ci!

ZEPHANIAH 1:14

Bawipa ah küikyang ciah hnüüp ng’et lawk ci, ng’et lawk cang ci, gawk law ge ci! Cun ah hnüüp cu khak ciah hnüüp ah kya ne, nget ciah gakap phi kyap ne yai khai gui!