JEREMIAH 46:4 - Cho Bible Common Language 2016

⁴ Nami ng’se gui, a gui m’hnüt ne täu sak gui vä! ng’täu ne ng’düi ne, nami lukhu ng’büng vä! nami k’htei gui k’tah ne, nami shawiphaw gui k’bah vä!

JEREMIAH 46:4 Referans Kwoze

JEREMIAH 51:3

Khaw cu aghäng ah Babilonia gakap gui am ami m’la gui ami kah vai, shawiphaw ami sui vai ah a khin kä nami pek gui vai. Chang nong gui kä nami k’phyawn gui vai! Gakap avan nami m’di vai!

EZEKIEL 21:28

“Hnicim chang, cängbang ä, kei, uktu Bawipa naw, Israel gui shedam na gui ciah Ammonit gui ka pyen nak gui cu ng’shäu ä. Na pyen nak gui vai cu: Khimsem cu m’di ge khai ah om ci nei: cun cu ngawn nak vai la lailäp ne vai khai ah m’tui pyi nei.

NEHEMIAH 4:16

Cun ung tün ne kei ah ka chang gui amshah naw bi sei, amshah naw m’si saphaw sui ne, k’htei ni, shawi ni, limla ni kawt ne ng’düi ne ngäng ci gui. Kami ng’vaihta gui naw paang co ba ciah chang gui cu

2 SHONTÄP NAK 26:14

Uzziah naw gakap gui am shawi gui, k’htei gui, lukhu gui, m’sii suinu gui, li gui, m’la gui la yaaili ung kah vai ah lung gui pe gui ci.

1 SAMUEL 17:38

Ani naw amät ah m’si shawi phaw cu David am pe ne sui sak ci: kyei lushung cu David ah lu ung bün sak ne, suinu shawiphaw phi pek ci.

1 SAMUEL 17:5

pit hma kip lawk ciah kyei shawiphaw sui ne, kyei lukhu ng’büng ci.

JEREMIAH 51:11

Bawipa naw Media ghangpughang gui cu thawh let sak gui ci, a i ah kyasei ci ung ani naw Babilonia cu m’di vai ah angbü ah phäh ah kyak ci. Cun cu ani naw a Taigüim ami m’di ah phäh phu atuk ah kyak ci. Ng’tuk ciah bawi gui naw Thum’khän u ne, “Nami m’la gui k’tah vä! Nami shawi gui m’hnüt ge vä!

JOEL 3:9

“Shin ah pakhui gui ah ng’lung ah nami shäu vai nei; ‘Ng’tuk vai ah pawng htein vä; nami ng’tuk’bi gui khü gui vä; nami gakap gui avan bum neta hteit vä!

ISAIAH 8:9

Nangmi chang pakhui gui, kyi kyawk ne ng’bum law vä! Asho nak ah khaw ung ka gui, ngai vä. Ng’tuk ge vai ah om vä, cun ung phi nami kyih vai nei! Ä, ng’tuk ge vai ah om vä, cun ung phi nami kyih vai nei!

JEREMIAH 46:14

“Shin cu Egypt gawnu gui, mikdola, Memphis, la Tahpanhes ung ng’shäu vä: “Nami mät naw nami shung vong ge khai ah om vä; Nangmi ung om ci avan ng’tuk nak ung di khai nei!